Trơưk li Ban Thường vụ Tỉnh uỷ li Quyết tinhv sôr 446, Ban chox kriê phax tar tsik uô tuôr xuôv nhiêx txiêx têz qơưk tỉnh Lào Cai muôx 15 lênhx. Zơưv Đặng Xuân Phong, Uỷ viên BCH T.Ư đảng, Bí thư Tỉnh uỷ, uô Tsar ban chox kriê. Zơưv Vũ Xuân Cường, Phưv Bí thư Thường trực Tỉnh Uỷ, Chủ tịch hội đôngx tỉnh uô Phưv Tsar Ban chox kriê. Heik ntơưv jiês cơưv, zơưv đặng Xuân Phong heik mênhx: Ban chox kriê phax tar tsik uô tuôr xuôv nhiêx txiêx têz qơưk, tỉnh tâu yênhx lix hnuz no thiêz zos qơư uô truôx luôs hâux lưv phax tar tsik uô tuôr xuôv nhiêx txiêx têz qơưs hâur ntu zuôr txos; zos iz kro trâu tas nro Đảng bộ tỉnh Lào Cai sir jos  chox car, kriê fuô uô têx luôs hâux lưv, cxuô faz tsưr ziv phax tar tsik chiê uô tuôr xuôv nhiêx txiêx zos đrêiv Đảng, têz qơưk cui tinhv txix T.Ư txos cxuô tsênhv qơư qơư./.

(An Kiên-Riê Lâux cxeik, nhênhv)

Txix hâur shôngk shông txos nhiv no, huyện Thuận Châu, tỉnh Sơn La tror coar lik 900 lênhx nênhs muôx zênhs zax zênhz, uô ntâuz ntơưr zaoz zux yax six trâu 120 ntâu lênhx, chox muk chiv zênhs zênhz 91 lênhx nênhs. Pir đros shông 2021, nênhs muôx zênhs muôx ntâuz ntơưr coar lik txu grês 600 ntâu lênhx. Đros co, têx lưx lươngv muôx txơưx jênhv tưz pov, ntês 100 txuz, đros 120 ntâu lênhx nênhs phamv cxâuv thiêz uô cxâuv cêr chei lok zax zênhz. Hâur co, muôx ntâu txuz tâu ruôr yênhx côngz khov tsôngv box heik kriê. Thượng tá Nguyễn Đình Khiêm, phưv tsar Công an huyện Thuận Châu, tỉnh Sơn La puz pâuz: Muôx tâu chêx cuk no, khov muôx tsôngv box sik côngv paz max lưx lươngv Công an:“Hloz Hôx tưz heik: Zos tsôngv box paz pêz ntâu mak yênhx côngz ntâu, paz tsơưs mak yênhx côngz tsơưs, paz tas nro mak yênhx côngz tas nro. Muôx têx txuz án, zos tsi muôx tsôngv box paz heik kriê mak pêz tsi uô tiêr jông jênhv vưv; côngz xưv zaoz zux ntơưv côngv thôngx đros nênhs tơưv tsêr cơư...tsôngv box cux tưz paz pêz seiz car chiê têx lênhx nênhs co tror sik côngv đros côngv thôngx uô nênhx”./.

(Trấn Long-Txâur Vax cxeik nhênhv)

Trơưk li Ban seiz car phax tar ntux uô ruôr hiêv thiêz zok nriêr chơưv paz lênhx nênhs tỉnh Yên Bái li heik pâuz sei, ntux nas lox hmo 25/6 thiêz tas cik sơưr nzor hnuz 26/6 tưz uô ruôr hiêv tas yênhx tyv đeiv nhiêx hâur thax tsav huyện Văn Chấn. Nas lox tưz uô vâu, puôk tsuôx tas iz luz tsêr thiêz ar, poz jêz cxuz, uô ruôr hiêv tas zuôr xar 13 ha kôngz lôngk, cuôr yôngz 700 cir ntâu blêx ntơưv xã Nậm Lành đros trâu iz cxiê têx tsiêx cxu hâur 2 xã Nậm Lành thiêz Nậm Búng. Đêx nas hloz cux cuôr yôngz iz tus qox nhoz jok Nậm Kịp, xã Nậm lành, 3 côngz trênhx đêx liv trâul puôk tsuôx, tsi jông tas…. Njuôk xav têx trâul ruôr hiêv tiv đêx nas chuô uô tas muôx nhos iz tyv đeiv. Đhâu hlo thâuv txeik tâu ntơưv qơư li mông heik pâuz, Ban chox kriê phax tar ntux uô ruôr hiêv-zok nriêr chơưv paz lênhx nênhs huyện Văn Chấn tưz chox kriê têx xã qênhz yuôx, thôngz sâu têx trâul ruôr hiêv, tsi jông; hu zâuv sơưr đơưk ntơưv qơư zênhx max khưx phưx chiê nzor truôx tuk luz nênhx trâu tsôngv niêv txir lax pêx xênhv sơưr đơưk./.

(Thừa Xuân-Riê Lâux cxeik, nhênhv)

Iz txuz txiêz nanv pôngz đêx nhiv kruôr muôx yưv sâuv thax tsav phường Nam Thanh, TP Điện Biên Phuv, tỉnh Điện Biên uô iz lênhx nhuôv nxeik muôx 7 shông trâus tuôs. Lơưr co, ntơưv tul đêx Nậm Rốm, ntu đhâu jos Hoong En, phường Nam Thanh, 2 tul mê nhuôs zos H.T.N (xênhz shông 2917) thiêz L.T.K.P (xênhz shông 2015)muk uô si ntơưv tul đêx môngr tsi jông trâus ntok trâu hâur đêx thiêz trâus đêx cuôr lơưv. Ciês thâuv muôx yưv hâux lưv no, tsôngv box iz ndis co tưz sir jos chơưv paz, taz sik tsuôk chơưv tâu tul nhuôv N, yuôr tul nhuôv P mak trâus đêx cuôr yôngz nriêr tsi pov. Đhâu chính quyênx tiv phaz thiêz chuôz zis li sir jos nriêr zok, tưz nriêr tâu tul nhuôv P. Txix txuz pôngz đêx no tror canhv pov lok hâux lưv seiz jor mê nhuôs, tiv zix zos hâur cheix mê nhuôs so ntux sor./.

(TTTB-Txâur Vax cxêik nhênhv)