Sêiz shuôk jiês cơưv Côx hôiv zar hnuz kêix 27/10, chor cử tri nhoz tỉnh tox siêz Yên Bái puôr lênhx hêik tiêk tsênhv njiêz tâu sêiz lax lok six huv đros trâu tsênhv tsênhz, tiv zix zos y têr, zoz zus, tsênhv chêi nhiêx hli…

Uô côngz xưv hâur nganhx zoz zux, cử tri Nguyễn Tiến Long nhoz thành phố Yên Bái puz pâuz: Lok six thôngx ziv đros têx vênhv thix tâu hêik txos lok qênhx shênhx nhiv no li: muôx tsik txâuk cưk kriê ntơưr thâuv kriz uô lơưr tsaz yênhx zoz zux phôv thông yiêz, chôngz lênhx shux xênhz cơưv tiêr tsêr cơưv tsik nhiêv txos hâux lưv no, hâux lưv uô mak ziv hnuz ziv hlôngr yiêz taz sik nhiêx hli ho tsik ndê hlo… uô trâu xêir zuôr tsik txâuk chor cưk kriê nhoz têx tỉnh tox siêz:“Cur lok six thôngx ziv đros chor têiv plor lok hâux lưv zoz zux, viv li cur vav tiêk Côx hôiv, Chinhr phuv muôx tsênhv chêi huv đros paz trâu chor cưk kriê ntơưr, tiv zix zos cưk kriê ntơưr nhuôs zâu chiê chor cưk kriê ntơưr tso siêz uô côngz xưv, sir jos thiêz truôx siêz uô kror côngz xưv zoz zux no”./.

(Trịnh Xuân-Lik Thox cxêik nhênhv)

Uô lơưr têz qơưk tsaz yênhx txo grêk cêr yeiz pluôs truôx, cấp ủy, hâu nov đros tsôngv pêx xênhv huyện Quỳnh Nhai, tỉnh Sơn La tưz sir jos bax têx pênhr jos, uô lơưr ntâu faz tsưr ziv tsênhv tsênhz chiê xar tơưv tsưr ziv jông, muôx cêr sik thôngx siêz txix tsôngv pêx xênhv, paz cxiz kinh tế huôv tsar, sir jos txo grêk tsơưs têx chuôz zis pluôs hâur niêx shông thiêz yênhx tỉnh Sơn La li huyện uô tâu luôs hâux lưv li heik sâuv lok shông 2025. Zơưv Cầm Văn Huy, Phưv Chủ tịch Ủy ban huyện Quỳnh Nhai heik pâuz: Đros thiêz têx tsưr ziv uô jông, huv đros, hâux lưv txo grêk cêr pluôs hâur thax tsav huyện tưz uô tâu trơưk tsưr ziv, siêz xar, paz gra siêz luz nênhx nox nhoz trâu tsôngv pêx xênhv. Chor chuôz zis pluôs trơưk li huyện cui tinhv pluôs zos 8% ntâu; chuôz zis zuôr xar pluôs tsênhv yuôr 11% ntâu./.

                                                             (Trấn Long-Riê Lâux cxeik, nhênhv)

Xav jênhv tsênhz mênhx zoz zux li pưk txux hâur tuôr chiê, phuôx huiz vênhx huôv cxuô mênhx cxưx sâuv thax tsav, nganhx Zoz zux Lai Châu tưz muôz tsênhv njiêz no lok kruôz kriê xưk lik zos iz môn cơưv ngoại khóa. Txix co, shux xênhz pâuz tsênhz đuô lok chax chês, têx vênhx huôv mênhx cxưx; pâuz tuôr chiê, phuôx huiz zuk mênhx cxưx li têx vênhx huôv cxôngx nzor, cux xưk li tsov cưv txos cxuô mênhx cxưx txơưr đuô li têx vênhx huôv. Tòng Thị Anh, shux xênhz lớp 7A1, tsêr cơưv cxênhx oz Ta Gia puz pâuz: Cưk kriê ntơưr zos chor nghệ nhân pâuz tsênhz lok vênhx huôv mênhx cxưx Thái, kruôz kriê txix luk mênhx cxưx viv li chor suôz gâux thiêz pax vuôs thâuv tâu kriê mak sơưr đơưk lok six nhiêv cơưv thiêz pâuz tâu lok six sêi:“Tsêr cơưv ntơưr tưz muôx lok six ntâu huôx tôngv lok vênhx huôv mênhx cxưx. Cur zos iz lênhx tuz nhuôs mênhx cxưx Thái viv li cux lok six nhiêv zuk mênhx xưx têx vênhx huôv. Cur zuôr sir jos cxaz chuôz têx huôx tôngv chiê tuôr tsês chiê, phuôx huiz zuk mênhx cxưx li têx vênhx huôv jông”./.

(Khắc Kiên-Lik Thox cxêik nhênhv)

Ủy ban tỉnh Yên Bái nhiv kruôr quyết tinhv xưv bluô Công ty Á Châu (Công ty Á Châu) hâur thax tsav xã Lương Thịnh, huyện Trấn Yên iz tyv đeiv nhiêx. Qir tiv zos Công ty no tsi uô trơưk li têx cui tinhv hâur ntâuz ntơưr tso chei uô hâux lưv krêz uô khoar cxax. Tsênhv tsênhz, hâur ntu krêz uô khoar cxax ntơưv xã Lương Thịnh, huyện Trấn Yên, tỉnh Yên Bái, công ty no tưz krêz uô tâu ntâu hênhr têx khoar cxax, tsi trơưk li ntâuz ntơưr tâu tso chei krêz uô hâur niêx shông. Đros trâu xưv bluô iz tyv đeiv, tỉnh Yên Bái heik Công ty tsuv khưx phưx têx tsi jông li: Cxiv kho têx côngz trênhx por hưv tênhx qơư, khưx phưx têx kiêk nênhs vuôz tsuôz tênhx qơư./.

                                                                 (Đinh Tuấn-Riê Lâux cxeik, nhênhv)