Lơưr Sở Y têr tỉnh Yên Bái li hêik pâuz yiêz tiv zix, nhiv no thành phố Yên Bái, thị xã Nghĩa Lộ thiêz 2 huyện Văn Yên, Lục Yên caz moz phiv liv nhoz thênhv pêz; chor huyện Văn Chấn, Trấn Yên, trạm Tấu, Yên Bình phiv liv nhoz thênhv plâuz; tsuôk yuôr huyện Mù Cang chải nhoz thênhv 2 thênhv tsik yuôx phiv liv. Hâur tas nro 173 xar, phường, thị trấn hâur tỉnh, mak muôx txos 77 taz viv nhoz thênhv plâuz; 29 taz viv nhoz thênhv pêz… Ban chox kriê phax tar caz moz Covid-19 tỉnh Yên Bái hêik tas nro chor nênhs sâuv thax tsav uô truôr jông lơưr têx tsưr ziv phax tar caz moz chiê txo grêk tsơưs tiv zix chor nênhs siz cik moz hâur côngv thôngx; uô jông lơưr têx chêi txưr tso tsês iz cxiê qơư kinh doanh dịch vụ zuôr zôngx ziv uô siz cik caz moz. Hâux lưv nox yôngz, uô đaz uô kruô mak tsuv uô lơưr Sở Vênhx huôv, Thể thao thiêz Du lịch li hêik kriê khov trâu yênhx thax tsav qơư thiêz têx caz moz huôv xênhz… Zos uô cuz, hnôngz, moz ka, lax uô pa, moz iz chê, gênhk, no, nox tsik kaz lok… mak tsuv tuôx ciês trâu têx qơư y têr jê tiv zix chiê tâu njuôk shuôk caz moz thiêz chơưv kho./.

(TTTB-Lik Thox cxêik nhênhv)

Ban chox kriê vênhv tôngv tso nyar jông siêz tỉnh Điện Biên nhiv kruôr uô Hnuz hội tso nyar jông siêz cheix ntux yiêz shông 2022. Hnuz hội tâu uô chiê paz khưx phưx muôx tsi txâuk têx nyar chơưv kho gênhk đhâu nox tsiêz têz qơưk tas, lar  heik zos đhâu ntu tsuv txo grêk tsơưs uô têx hâux lưv tso nyar jông siêz viv muôx moz Covid-19. Đhâu ntơư, paz chor nênhs moz hnhar muôx têx chơưv kho tâu jông moz, tror uô luz nênhx truôx tuk txix sơưr đơưk têx nyar jông siêz paz zênhx max. Hnuz hội tso nyar no uô truôx tuk, phax tir thêir tsi chiê caz moz Covid-19 siz cik tâu trâu luôs lưv tus. Đros thiêz 300 lênhx nênhs đas cir tso nyar, njuôk xav hâur Hnuz hội, Ban tsưr tsix zuôr lênhk txeik tâu 220 taz viv nyar./.

 (Vũ Lợi-Riê Lâux cxeik, nhênhv) 

Phongx Cảnh sát qênhz yuôx nênhs phamv cxâuv lok nox nhiêx têz qơưk, kinh têr, zuôr muôs têx hax huv chuôr, Công an tỉnh Sơn La sik côngv đros Đôiv Sêiz car ciêz đrôngs sôr 2 (Cục Sêiz car ciêz đrôngs Sơn La) nhiv kruôr pov Trần Văn H., zus shông 1986, tsưr qơư muôs yuôx Thùy Linh, nhoz ntơưv Tiểu khu 5, thị trấn Hát Lót, huyện Mai Sơn (Sơn La) muôs chor yuôx “chơưv kho moz Covid-19” pâuz tsik tsênhz qơư uô trâu ciêz đrôngs tsik muôx têx ntâuz ntơưr tưs hlo. Lưx lươngv Công an tỉnh Sơn La thiêz Đôiv Sêiz car ciêz đrongs sôr 2, Cục Sêiz car ciêz đrôngs Sơn La tưz uô ntâuz ntơưr thiêz sâu tsês tas nro chor hax huv yuôx co chiê nriêr pâuz cov tsênhz mênhx; thôngx cxix xưv lik huv zos li cêr chêi têz qơưk têx cui tênhv./.

(TTTB-Lik Thox cxêik nhênhv)

Iz txuz hluôr tơưk cuz tsêr tưz muôx yưv hâur thax tsav xã Pha Long, huyện Mường Khương, tỉnh Lào Cai, uô 2 lênhx nhuôv zâu trâul tuôs. Thâuv co, ntơưv zơưv Tsaz Sồ Chứ nhoz jok Sa Chải, xã Pha Long luz tsêr ntông tưz trâul cuz hnhiêz, hâur tsêr muôx 3 lênhx nhuôv zâu. Đhâu hlo thâuv qênhz pov muôx hluôr tơưk cuz tsêr, têx chuôz zis nhoz jê iz ndis tưz zênhx max siz hu muk đros tuô hluôr tơư,  ntâu lênhx pêx xênhv hâur jok đros têx tuz lênhv pênhz phax, công an tưz muk đros tuô hur si. Tiv hluôr tơưk txeik cuz sei thiêz chis lox hênhr viv li tsuôk chox tâu 2 tus nhuôv hloz khiêr điv xưz (iz tus nhuôv mak trâul cuz lok six saz); hok tus nhuôv zâu đuô hur si xênhz shông 2017 tưz trâul tuôs. Hluôr tơưk cuz tas hur si luz tsêr co thiêz têx chuôz zênhx chuôz tav saz hâur tsêr. Tâu pâuz, zơưv Chứ chuôz zis zos chuôz zis pluôs, zơưv pox niêv tưz trâul pôngz uô ntêx ntơư lơưv; thâuv muôx hluôr tơưk txeik cuz tsêr, zơưv Chứ thiêz tus nhuôv tuz hloz tsi nhoz hâur tsêr. Nhiv no qir tiv tsênhv tror tâu qênhz yuôx, uô tsênhz mênhx./.

(TTTB-Riê Lâux cxeik, nhênhv)