Hnuz 27/6, tỉnh Yên Bái tưz tso tơưv quyết tinhv lok sâuv yênhx lix tỉnh li Ban chox kriê phax tar tsi uô tuôr xuôv nhiêx txiêx, têx tsi jông. Iz chas ntơư, Ban chox kriê phax tar tsi uô tuôr xuôv nhiêx txiêx tỉnh Yên Bái muôx 15 lênhx nênhs. Uỷ viên T.Ư đảng, Bí thư Tỉnh uỷ, Tsar đoanx đại biểu Côx hội tỉnh Yên Bái Đỗ đức Duy uô tsar ban chox kriê. Ban chox kriê phax tar tsi uô tuôr xuôv nhiêx txiêx, têx tsi jông tỉnh Yên Bái li vax huôv, hâux lưv uô….uô lơưr Ban Bí thư T.Ư Đảng li cui tinhv. Ban chox kriê co nưk muôx nưk thưx thiêz sir zôngv Văn phongx Tỉnh uỷ li tài khoản chiê phưx vưv uô hâux lưv. Ban Nội chính Tỉnh uỷ zos cơ quan Thường trực hâur Ban chox kriê; Ban no cux tâu sir zôngv Ban chox kriê phax tar tsi uô tuôr xuôv nhiêx txiêx tỉnh li thưx thâuv ntâuk têx ntâuz ntơưr uz no./.

(Đinh Tuấn-Chia dịch đọc)

Đros thiêz tsưr ziv xar , chiê “nênhs Poz Ziz têx txux chi vênhx huôv jông muôx nhoz đreiv đros tsôngv box cxuô heir nênhs Việt Nam li têx txux chi tsi pôngz plox”, têx shôngd dhâu, pos Mai Hặc nhoz jok Bó, TP Sơn La, tỉnh Sơn La 2 niêv txir tưz sir jos por hưv, tuôr tsês chiê nênhs Poz Ziz têx txux chi vênhx huôv jông, yênhx chuôz zis uô ntêx nyuôs hâur por hưv tsês zuk heir nênhs têx txux chi tsi chiê pôngz plox. Hâur chuôz zis, pos Hàng Thị Mai, nhiv no tưz 75 shông tsi so kriê chor tuz nhuôs sênhr suôz heik nênhs Poz Ziz li têx cưr cxiêx. Hok zơưv Quàng Văn Hặc, pos Mai tus txir mak sir jos moz siêz lus kriê ntơưr Poz Ziz trâu yênhx puô lênhx pêx xênhv hâur thiêz đrâuv luôs 2 chas jêx jok, sir jos tuôr truôx, huôv tsar chuôz xênhv gruôs cơưv txux. Nhiv no, lơưr chuôz xênhv Quàng, zơưv zos lênhx txir ndâux txir luk, tưz muôx lok six ntâu tus chôngz lênhx cơưv tas ntơưr siêz, 60 lênhx cơưv tas thạc sỹ, cao đẳng, đại học; ntâu lênhx tsênhv uô tuz lênhv, công an. Zơưv Lường Văn Đích, Bí thư chi bộ, tsar jok Bó heik pâuz:“Pos Mai thiêz zơưs Hặc gơưk txơưv hnuz nhôngs tưz siêz, taz sik lok six moz siêz kriê zuk heir nênhs li têx txux chi vênhx huôv trâu chor tuz nhuôs. Txix phôngz yaox chor lâul tuôr tsês, por hưv chiê, jok Bó tâu cxuô lênhx nênhs thiêz tsôngv kruô tuôx ndis shuôs têz qơưk uô si txos ntâu đuô, tsôngv pêx xênhv hâur jok luz nênhx xênhz huôx ziv hnuz ziv tâu gra siêz. Jok muôx 305 chuôz zis, 60-70% zos têx chuôz zis bluô nux”./.

(Thu Thuỳ-Riê Lâux cxeik, nhênhv)

Tsaz yênhx ntênhs hội ndis shuôs têx muôx jông hâur cheix ntux sor jiês tiv iz shông 2022 huyện Si Ma Cai, tỉnh Lào Cai nhiv kruôr tâu krêz uô ntơưv jok Sín Chải, xã  Bản Mế. Ntênhs hội zuôr uô txos tas hnuz 29/6. Tsaz yênhx ntênhs hội zuôr uô têx txux chi, nuv li: Ndis shuôs vax pax Tây Bắc, cheix gox uô si sâuv tus đêx Chảy, ndis shuôs chiv xênhz đrox tsuôs jông jav jok Sín Chảy, seiz nênhs Hmôngz têx txux chi vênhx huôv, Tày-Nùng piêr kriê têx tsôngk tril yo hnar ……Tsaz yênhx nthuôr uô cêr lov li: Heik cưr cxiêx Hmôngz, Nùng, Cho; đhiê kênhx; sik tưr lâuz pak. Tuôx đros côngv cêr lov jêv, tsôngv kruô zuôr tâu nox têx zav nox kaz nhoz tox siêz, nriêr pâuz lok tsôngv box cxuô heir nênhs nhoz no li luz nênhx vênhx huôv…../.

 (DTPT-Riê lâux cxeik, nhênhv)

Ntơưv tỉnh Lai Châu, ntux txơưr txar khênhr nông, lok nas ntâu zôngx ziv trâu têx caz vêiv uz no huôv xênhz, uô moz suôz liêz. Chiê bax phax tar thiêz txo grêk tsơưs têx lênhx nênhs trâul moz, Uỷ ban tỉnh Lai Châu heik Sở y tế seiz car, hux jos đros cxuô thax tsav qơư, taz viv cik txos tsưr tsix ntâuk grê qênhx shênhx moz suôz liêz hâur thax tsav tỉnh; tso tơưv tsưr ziv khưx phưx zênhx max têx phiv liv, uô tsi tâu thiêz fuô uô têx faz tsưr ziv phax tar, xưv lik jông tsi chiê moz huôv xênhz hâur thax tsav./.

 (DTMN-Riê Lâux cxeik, nhênhv)