Hnuz 31/10 đại sứ quán VN nhoz Niu Đê-li Ấn Độ tưz tsưr tsix jiês khươk muôz Cuiz tênhv zơưv Ra-hét Ka-di Xrét-tha uô lãnh sự VN ntơuv Nê-Pan. No zos jiês tiv 3 zơưv Xrét-tha tâu bo xeir uô lãnh sự VN nhoz Nê-pan.

Ntơưv ntênhs, zơưv Ra-hét Ka-di Xrét-tha puz pâuz no zos iz hâux lưv muôx ziz njiêz coaz tsôngv hâur luz nênhx. Txưv haox tâu sik côngv đros têz qơưk VN, zơưv tso siêz uô jông pưk txux thiêz krêz uô têx huôx tôngv muôx lênhx coaz hâur co muôx côngz xưv por hưv tsôngv box thiêz paz txưv côngv thôngx VN nhoz Nê-pan; chuôz tsar thôngz xor mông, heik kriê lok têz qơưk, lênhx nênhs VN ntơưv Nê-pan, thôngx cxix cxơưz tiêk sik côngv kinh têr, muôv muôs, vênhx huôv, sik côngv hâur tsôngv box 2 têz qơưk./.                        

(VOV- Txâur Vax cxêik nhênhv)

Hnuz 31/10, tâu Bộ trưởng Bộ Công an tso luk, Thiếu tướng Nguyễn Ngọc Vân. Giám đốc Công an tỉnh Sơn La tưz muôz Bộ trưởng Bộ Công an Quyết tinhv lok xeir zuôr Thượng tá Trần Thanh Sơn, Tsar công an TP Sơn La uô phưv Giám đốc Công an tỉnh Sơn La thiêz phôngv jông Đại tá Hoàng Quốc Việt, phưv Giám đốc Công an tỉnh Sơn La muk lênhk uô hâux lưv yiêz ntơưv Bộ Công an. Heik ntơưv ntênhs, Đại tá Hoàng Quốc Việt thiêz Thượng tá Trần Thanh Sơn tưz xa luk uô tsâus ntâu txos hâu nov Bộ Công an, Tỉnh ủy, Ủy ban tỉnh Sơn La thiêz Đảng ủy, Ban giám đốc đros tập thể canr bôv, chiến sỹ Công an tỉnh Sơn La hâur ntu đhâu tưz moz siêz muôz jông cxuô six hơưv, hnuz nhôngk chiê lês uô tâu jông têx hâux lưv zok muôz thiêz chos luk hâur six hơưv zuôr txos zuôr sir jos cơưv shâuv, sik thôngx siêz, sik paz uô tiêr jông cxuô luôs hâux lưv tâu choz./.

(TTTB-Riê Lâux cxeik, nhênhv)

Zuôr xar 1 cxênhz phênhv học bổng “Viv mê nhuôk gruôs cơưv ntơưr”, bâuv 1,9 tỷ đeiv ntâu tưz tâu Tập đoàn công nghiệp- viễn thông quân đội Viettel, chi nhánh Điện Biên sik côngv đros têx chiz coaz muôx txơưx jênhv khươk muôz trâu têx shux xênhz pluôk nhoz 99 xã, 9 huyện, thành phố sâuv tỉnh Điện Biên. Thượng tá Vi Tiến Cường, giám đốc Viettel Điện Biên puz pâuz: No zos shông tiv 9, tập đoàn viễn thông quân đội Viettel khươk muôz học bổng “Viv mê nhuôk gruôs cơưv ntơưr” ntơưv Điện Biên. Tâu pâuz, tsaz yênhx “viv mê nhuôk gruôs cơưv ntơưr” zos Viêtel paz tưz tâu uô hâur 10 shông no. Iz shông tsês muôx nhos 26 tỷ đeiv chiê khươk muôz trâu têx mê nhuôk shux xênhz muôx luz nênhx txov nhêv, sir jos cơưv ntơưr hênhr sâuv tas nro têz qơuk. Hâur co, ntơưv tỉnh Điện Biên, 8 shông đhâu, Viettel tưz khơưk muôz 8 cxênhz 200 ntâu phênhv huv (bâuv 9 tỷ đeiv ntâu)./.

(Vũ Lợi-Txâur Vax cxeik nhênhv)

Têx hnuz jê lok no, chor nhuôs zâu tuôx nhoz chơưv kho moz gênhk ntơưv Khoa kho têx moz txơưx siz cik-Tsêr kho moz nhuôs zâu tỉnh Lào Cai tsar ndê chôngz lênhx. Nhiv no, Khoa kho têx moz txơưx siz cik-tsêr kho moz nhuôs zâu tỉnh Lào Cai iz hnuz lênhk tok txix 30-40 lênhx nhuôs zâu tuôx seiz njuôk shuôs, kho moz. Chor nênhs moz tuôx nhoz chơưv kho moz gênhk thâuv tưs cux muôx txix 70-80 lênhx, ntâu đuô lok six ntâu pir li têx hnuz fênhx yax. Trơưk li bác sĩ Hoàng Tùng, seiz car khoa, têx lênhx nênhs moz co phênhv ntâu zos moz njưk, moz trơưk plaz, moz hlưz hâu, khâuz thuôs….. Lar heik, shông no muôx lok six ntâu zav moz txơưx siz cik huôv xênhz:

“Chênhr viv shông no muôx ntâu zav uô têx moz huôv xênhz, ntâu caz moz uô huôv moz uô cê, viv li chor nhuôs zâu trâul moz zuôr ntâu đuô pir li cxiê shông. Chiê txar jav têx tsi jông, muôx ntâu zav moz huôv xênhz uô cê li heik sâuv, pêz tưz phênhz têx lênhx nênhs muôx moz tsi yuô thôngx li luôs lưv tus nưk nhoz nưk iz kro chiê tsi siz cik tâu moz”./.

(TTTB-Riê Lâux cxeik, nhênhv)

UB tỉnh Lai Châu nhiv kruôr tso tơưv tsưr ziv số 4065 lok hâux lưv tsưr tsix Phêv ziv tso nênhs lox tôngv muk uô hâux lưv saz đrâuv têz qơưk tỉnh Lai Châu shông 2022, njuôs xav tsưr tsix lok đraz hli 11/2022. Phêv ziv tsưr tsix cấp tỉnh lơưr tsưr ziv trực tuyến txix tỉnh txos têx huyện, xã, thị trấn. Phêv ziv chiê chuôz tsar sik seiz lax hâur têz qơưk, doanh nghiệp thiêz nênhs lox tôngv chiê car chêx têx phêv liv, tso tơưv jênhv vưv, tsưr ziv cxơuz tiêk côngz xưv tso nênhs lox tôngv muk uô hâux lưv saz đrâuv têz qơưk hâur ntu zuôr txos; muôx cơ chế, chính sách zaz zâuv doanh nghiệp huôx tôngv hâur vênhv thix tso nênhs lox tôngv muk uô hâux lưv saz đrâuv têz qơưk sâuv thax tsav tỉnh, xeir nênhs lox tôngv muk uô hâux lưv lơưr hôx thôngx, gôngr phênhv car chêx hâux lưv uô, muôz siêz phênhv sâu trâu tsôngv box nênhs lox tôngv./.

(VOV4-Lan dịch đọc)