Trơưk li Sở Lox tôngv saz pênhz thiêz xã hội tỉnh Lào Cai ntâuk grê, hâur 3 luz hlik txix hli 1-3 zos ntu jông chiê muôz six hơưv zok nriêr hâux lưv uô trâu nênhs lox tôngv. Nhiv no têx doanh nghiệp hâur chor tỉnh, TP txix faz Trung tror zar lok tsênhv muôx nhos 25 cxênhz  têx nuv uô truôx tuk, huv đros trâu yênhx lênhx nênhs lox tôngv hâur Lào Cai. Đros thiêz zoz qơưx lox tôngv muk uô hâux lưv saz têz qơưk đrâuv, txix nhiv no txos kaz hli 3 zuôr muôx 200 ntâu lênhx lox tôngv Lào Cai tâu muôz hâux lưv uô trơưk li saz Hà Khẩu (Vân Nam-Trung Quốc) têx luk sik seiz lax, chos tsês. Iz chas co, yuôr 36 zav hâux lưv nhoz tênhx qơư lox tôngv li: Nhật Bản, Hàn Quốc zos Cục seiz car lox tôngv muk uô hâux lưv saz têz qơưk đrâuv nhoz Lào Cai piêr kriê. Pos Đinh Thị Hưng, Giám đốc Sở Lox tôngv saz pênhz thiêz xã hội tỉnh Lào Cai heik pâuz:“Pêz cux heik cxuô thax tsav qơư uô jông hâux lưv yax kriê; chox car têx xã heik trâu pêx xênhv đas cir qơư muk nhoz, qơư tuôx uô hâux lưv chiê taz por têx chei thiêz uô jông  luôs hâux lưv seiz car lok nênhs lox tôngv hâur thax tsav; bax tsưr ziv hux jos đros têx taz viv, chor tập đoanx công ty chiê uô jông hâux lưv heik kriê nênhs lox tôngv muk uô nuv hâur ntu zuôr txos”./.

                                                             An Kiên-Riê Lâux cxeik nhênhv

Tsêr meir tsiv uô qir zuôv Sông Lam Tây Bắc nhiv kruôr tâu uô tiêr chox lok sir zôngv, tso pov jiês xuz thơưx nhoz tỉnh Sơn La- tiv phaz muôx mênhv chêx ntông nox txir lox tiv zix faz Bắc thiêz sơưr tiv 2 tas nro têz qơưk muôx tsêr meir tsiv uô qir zuôv. Tsêr meir tsiv uô qir zuôv Sông Lam Tây Bắc muôx công suất 90 cxênhz tênhr iz shông, muôx qir vô cơ thiêz hữu cơ. Iz shông tsêr meir tưz muôs txix 70- 80 cxênhz tênhr têx plâuz cà phê, tơưr kok ntông, fuô kuôr njuôk thiêz têx zav qir tsiêx cxu, gôngr phênhv tsiv uô qir zuôv thiêz por vêv tênhx qơư. Tsêr meir huôx tôngv, paz muôz hâux lưv uô trâu 120 lênhx nênhs lox tôngv, hâur co 90% zos nênhs tiv phaz. Zơưv Nguyễn Thành Công, Phưv chủ tịch UB tỉnh Sơn La puz pâuz:“Sơn La, thax tsav muôx mênhv chêx 83 cxênhz hecta ntông nox txir thiêz têx zav tsoz chos công nghiệp li yuôx zêx, cà phê....thâuv muôx tsêr meir tsiv uô qir zuôv nhoz no mak zuôr cungz qir ciês trâu têx ziv chuôz zis tsôngv box chiê phưx vưv tsêz chos”./.

                                                           TTTB-Txâur Vax cxeik nhênhv

Khov têx jông txix pak đêx Thác Bà li: muôx đêx, qơư lox đar zuôr xar 20 cxênhz ha, huyện Yên Bình, tỉnh Yên Bái nhiv no muôx 2 doanh nghiệp, 5 HTX thiêz 300 ntâu chuôz zis pêx xênhv tu zus shuôz njêl đros trâu 2.200 ntâu qơư tu zus njêl thiêz 230 ha ntâu pak đêx uô qơư xor thêir zus njêl. Đros thiêz xav hur si têx shuôz njêl iz shông muôx nhos 9 cxênhz tênhr, huyện Yên Bình tưz thiêz tsênhv cxiz cxuô taz viv, doanh nghiệp, HTX yưv pênhr huôv tsar, cxiv tsa suôz bê thiêz xiv huv njêl pak đêx Thác Bà chiê muôs tâu trâu ntâu ciêz đrôngs. Zơưv Lã Tuấn Hưng, Phưv Chủ tịch Ủy ban huyện Yên Bình heik pâuz nzir:“Huyện tưz đas cir fuô uô 9 dưv anr huôv tsar sik côngv têk uô, hâur co muôx 2 dưv anr paz max têx doanh nghiệp, HTX thiêz pêx xênhv huôv tsar uô nox, tu zus njêl li heik sâuv. Xuz thơưx tưz fuô uô tâu jông luôs hâux lưv co”./.

                                                          VOVTB-Riê Lâux cxeik, nhênhv

Ntênhs phêv pax lâuk shông no thiêz Hnuz ntênhs vênhx huôv, thiv thao thiêz ju lix têx mênhx cxưx jiês tiv 7 zuôr tâu tỉnh Điện Biên tsưr tsix txix hnuz xiêz 10 txos hnuz 13/3. Ntênhs phêv krêz uô thâuv 8 six tsâus ntux hnuz 11/3 ntơưv qar tiêx xiêz 7/5. Ntênhs phêv muôx ntâu huôx tôngv li: tưr thik lênhx nxeik jông gâux; piêr kriê vênhx huôv chax chês nhoz tiv phaz; tưr thik thiv thao; têx tsưr ziv uô si trâur lâuk....Hâur co, iz hâur têx huôx tôngv tâu tsov cưv shông no zos jiês thik lênhx nxeik jông gâux jiês tiv 3. Pir đros jiês tsưr tsix jê tiv zix lok shông 2019, jiês thik shông no lox đuô, muôx têx lênhx nxeik tuôx txix 8 tỉnh Tây Bắc tuôx dưv thik./.

                                                Vũ Lợi-Txâur Vax cxêik nhênhv