Hnuz đhâu xiêz 9/6, seiz têx teiv plor côx hôiv li jiês nus Bộ trưởng Bộ zaoz thôngz vênhv teiv Nguyễn Văn Thể, cử tri tox siêz Yên Bái lok six jông siêz thâuv pâuz six hơưv zuôr txos cxix luôk cêr muk chênhr VN zuôr tror tâu huôv tsar, paz tsôngv box muk lok zôngx ziv đuô, hâur co muôx tsôngv box Tây Bắc. Cử tri Nguyễn Văn Toàn nhoz huyện Văn Yên heik:“Cêr muk chênhr Nội Bài-Lào Cai krêz thôngz tưz chox lok liv zix lok six lox trâu pêz. Taz sik nhoz iz cxiê ntu cêr buôk tul niêv đêx Liêz tênhx qơư trâus ruôr hiêv ntâu. Viv li cur xar njôngr Bộ trưởng Bộ zaoz thôngz vênhv teiv uô trơưk li luk têz đros côx hôiv, ntu zuôr txos huôv tsar cêr muk chênhr taz sik tuôr truôx tâu tênhx qơư iz ndis, tiv zix zos jôngr nhoz thax tsav cêr muk chênhr muk đhâu”./.

(Thừa Xuân-Txâur Vax cxeik nhênhv)

Cux hâur jiês nus Bôv Trưởng Bôv Zoz thôngz-Vận tải Nguyễn Văn Thể, cử tri ntơưv Lào Cai ntâuk gri siêz Bôv trưởng tưz ndax ndênhk jênhv zuk txơưx jênhv lok nganhx li têx phiv liv, uô tsik tâu jông, tiv zix zos têx vênhv thix li yưv pênhr tsik tâu truôx jông, tuôr xuôv, uô kênhz, tsơưr lươngv kik nhoz têx dự án. Cử tri Trần Văn Đoàn, phường Lào Cai, thành phố Lào Cai hêik:

“Bôv trưởng tưz têz tas nro chor têiv plor Côx hôiv têx luk nus thiêz cux tưz ndax ndênhk jênhv zuk txơưx jênhv thiêz cux hêik pâuz txos iz cxiê tsênhv njiêz cik txos cxuô thax tsa qơư hêik trâu Chính phủ sik côngv đros chiê kriz uô”./.

(An Kiên-Lik Thox cxêik nhênhv)

Ntux lok nas lox thiêz ntêr hmo xiêz 6 txos tas cik hnuz xiêz 7/6, ntơưv TP Sơn La, tỉnh Sơn La tưz uô đêx ngaz lox, uô zênhr shar txos tôngv box li luz nênhx xênhz huôx. 3 hnuz đhâu, đêx ntơưv thax tsav buôk xã Chiềng Ngần thiêz phường Chiềng An TP Sơn La txơưv tưz xâuk ntâu, taz sik tsênhv siêz đuô 2 yiv, uô tsôngv box njiz ntâu phêv liv hâur hâux lưv khưx phưx. Hlôngr trâu muk yêz meir, ô tô, nhiv no pox nhuôs tsuv muk fuôx gox chiv chir uô. Txix shông 2018 txos nhiv no, no zos jiês tiv 2 tsôngv box nhoz thax tsav Noong Ảng trâus đêx ngaz thâuv ntux lok nas ntêr. Tsôngv box nhoz no xar njôngr chính quyênx tiv phaz nzor muôx tsưr ziv tso đêx, taz por lênhx nênhs li txox siê, chuôz zênhx chuôz tas thiêz ngaz tul luz nênhx, xênhz huôx trâu tsôngv box, tiv zix zos cheix ntux nas shông no tuôx txos nzor thiêz njuôs pov zuôr txơưr txar ntâu./.

(Hoàng Long-Txâur Vax cxeik nhênhv)

Nhiv kruôr đhâu, Toàn án thiêz Viện Kiểm sát huyện Tủa Chùa (tỉnh Điện Biên) tưz sik côngv xét xử ntov txuz án hình sự lok kror cxâuv “Zuôv siz đênhr uô gâux đrâus đros nênhs txix txưv 13 shông txos tsik tâu muôx 16 shông”. Đros “phongx xét xử sưv jê”, jiês xét xử tâu uô chiê taz por qênhx thiêz liv huv chêi trâu nênhs cxaz chuôz tố tụng tsik tâu muôx 18 shông lơưr cui tênhv, cux li paz trâu pêx xênhv pâuz txos ntâu kror jông hâur luz nênhx. No zos jiês Tòa xét xử hình sự xuz thơưx ciês tâu Tòa án ntơưv thax tsav qơư tsưr tsix lơưr tsưr ziv no. Jiês xét xử no muôx ntâu kror txơưr, li: Qơư jâuv trâu nênhs tố tụng, cxaz  chuôz tố tụng mak nhoz siz ndax, siz jêz; nênhs trâus uô hiêv jâuv jê ntơưv nênhs hlôngr njêx muôs thiêz nênhs paz pháp lý chiê taz por tâu têx kror liv jông tiv zix. Lơưr hlôngr njêx muôs Tòa án Tủa Chùa, nênhs tsik tâu muôx 18 shông mak tsênhv huôv tsar tsik tâu cxix cxuô lok siêz xar, chênhz zênhv thiêz tsưr ziv uô nênhx. Viv li, tsưr tsix phongx xét xử sưv jê zos kror hâux lưv tsuv uô chiê taz por qênhx, liv huv chêi cux li huv đros trâu chor nênhs trâus pênhr li huôv tsar./.

(Vũ Lọi-Lik Thox cxêik nhênhv)