Jiês cơưv tas nro têz qơưk ntâuk grê 10 shông luôs hâux lưv phax tar tsi uô tuôr xuôv nhiêx txiêx, têx ti jông ntu 2012-2022 tsưr tsix ntơưv Hà Nội hnuz 30/6, hâur Tổng Bí thư Nguyễn Phú Trọng li seiz car, hu zâuv tâu chôngz lênhx ntâu tus canr bôv, đảng viên thiêz tsôngv pêx xênhz nhoz tỉnh tox siêz Sơn La moz siêz txos. Zos iz lênhx đảng viên hluôk, niêv lâul Ngô Thị Anh Thư, nhoz TP Sơn La heik: Phax tar tsi uô tuôr xuôv nhiêx txiêx zos “Phax tir thêir têx nênhs fêv, siêz tsi jông hâur thax tsav, têz qơưk”, zos hâux lưv zov chênhr taz sik lok six phiv liv, cxuô cấp, cxuô ngênhx tsuv sir jos, siêz truôx li uô tâu. Niêv lâul Ngô Thị Anh Thư heik:“Pêz vav chiê siêz thiêz njênhs njôngr trâu Đảng, têz qơưk têx sir jos hâur phax tar tsi uô tuôr xuôv nhiêx txiêx. Hâur six hơưv zuôr txos, Đảng, têz qơưk, Ban chox kriê T.Ư lok phax tar tsi uô tuôr xuôv nhiêx txiêx  tưz sir jos chox kriê uô hâux lưv qênhz yuôx, yơưz phơưz, tik cêr cxâuv trâu têx txuz uô tuôr xuôv tas ntâu nhiêx txiêx. Pêz cux lok six jông siêz thiêz thôngx ziv đros tsưr ziv yênhx lix Ban chox kriê phax tar tsi uô tuôr xuôv nhiêx txiêx cấp nhiv kruôr đhâu”./.

(Lê Hạnh-Riê Lâux cxeik, nhênhv)

Lơưr zơưv Vi Lam Sơn, Đảng viên mênhx cxưx Nùng nhoz huyện Bảo Yên, tỉnh Lào Cai, zơưv lok six jông siêz đros Tổng bí thư Nguyễn Phú Trọng li tsưr ziv tơưv txênhz phax tar thaz huôz nox nhiêx, co zos txiêr iz chês trâus caz tho nox chiê chơưv tas nro tsoz chos, viv hâux lưv cxuô, zuôr trâus uô jông. Li hâux lưv jê ntơưv no txuz Việt Á tso pov, zos tsi car chêx jông mak zuôr uô tuôr xuôv lok six ntâu:“Tsuv yưr lir cán bộ, đảng viên nhoz thênhv siêz mak lok six qiv siêz, taz sik cux zuôr tsuv yưr lir, cur xar tiêk Ban phax tar thaz huôz thiêz UB qênhz yuôx Trung ương lok six truôx siêz uô, yưr lir txos qơư, trơưk cêr chei. Cur seiz sâuv pov tsir tsi tâu pov muôx txuz hâux lưv tưs yưr lir cxâuv. Pêz uô lok six sei, taz sik truôx, no zos yênhx côngz lox hâur ntu nhiv kruôr đhâu”./.

(An Kiên-Txâur Vax cxeik nhênhv)

Trơưk li njuôk xav, txix hnuz 30/6 txos xiêz 02/7, ntâu thax tsav qơư hâur tỉnh Yên Bái zuôr lok nas lox, zôngx ziv muôx khâur jênhs chuô, đêx nas cuôr yôngz.

Txix têx li heik co, Ban seiz car phax tar ntux uô ruôr hiêv thiêz zok nriêr chơưv paz lênhx nênhs Yên Bái tưz heik cxuô lênhx nênhs hâur Ban seiz car phax tar ntux uô ruôr hiêv-zok nriêr chơưv paz lênhx nênhs tỉnh thiêz Uỷ ban cxuô huyện, thị xã, TP sox seiz njôngr ntux têx txơưr txar chiê heik zênhx max trâu tsôngv pêx xênhv pâuz cov lơưr bax fuô uô têx faz tsưr ziv phax tir thêir, txar jav.

Ntơưv chor thax tsav tox siêz, suôv qơư tsi muôx sóng điện thoại, thax tsav vuôk har krêz tsi yuô tâu đeix nta suôz mnôngs, ti vi seiz, hâu nov cxuô thax tsav nhiv no tsênhv chox kriê têx tổ, đội uô ntêx nyuôs lok phax tar têx tsi jông gra loa nta suôz muk txos yênhx jok chiê yax mông, kriê pêx xênhv tsưr ziv phax txar jav, txo grêk tsơưs têx tsi jông tiv ntux uô. Zơưv Gư Xênhv Zax, tsar jok Mù Thấp, xã Bản Mù, huyện Trạm Tấu, tỉnh Yên Bái heik:“Njuôk xav zuôr muôx ntux lok nas lox, chor nênhs uô luôs hâux lưv phax tar ntux uô ruôr hiêv hâur jok tưz gra loa nta suôz muk yax kriê trâu tsôngv pêx xênhv pâuz, tsi nhoz pư pêv têx liêx têz đhâu hmo, tsuv lok tsêr chiê taz por truôx tuk trâu zuk, lok sik tsi mul uô hâux lưv đêz vax tsêr, tsi muk trâu têx qơư riêz nênhs, zôngx ziv muôx tox xưz poz, đêx nas cuôr yôngz”./.

(Thừa Xuân-Riê Lâux cxeik, nhênhv)

Nhiv kruôr đhâu tsênhv qơư paz txưv nôngx mênhx (Hội nôngx mênhx tỉnh Lai Châu) đros Bưu điện tỉnh, Bưu điện huyện Sìn Hồ tsưr tsix phêv ziv krêz uô hâux lưv “Chox xiv huv kôngz nuv lok sâuv sàn muôv muôs điện tử Postmart.vn, cxơưz tiês kinh tế số kôngz nuv, nôngx cxênhz”.

Hâur ntu huôx tôngv, Vietnam Post thâuv tưs cux sir jos đros tsưr ziv chiê tsôngv kruô sir zôngv tâu zuôr xiv huv muôx hâur pâus, muôx tsơưr lươngv siêz. Lơưr co, têx xiv huv tâu muôs sâuv sàn Postmart.vn nhoz hâur tsaz yênhx OCOP, xiv huv kôngz nuv thiêz hax huv tâu tsiv uô ntơưv ziv chuôz zis, lok sik kinh têr tập thể..../.

(TTViệt-Txâur Vax cxêik nhênhv)