Jông siêz, thôngx ziv đros chor Đại biểu Côx hôiv li têx lul heik hâur jiês cơưv seiz lax zar hnuz kêix xiêz 01/6 lok qênhz shuôs jông têx qir zuôv muôs trâu luôs 2 chas têz qơưk chiê txo grêk tsơưs têx phiv liv trâu tsôngv pêx xênhv, zos tsi moz siêz txos, tsi khưx phưx nzor zuôr muôx têx lênhx pêx xênhv iz txưv khưr uô liêx têz thiêz taz por kôngz krâur trâu tas nro xã hội ntơư zuôr chênhr zos têx lênhx trâul yeiz pluôs. Zơưv Vũ Duy Dũng, nhoz TP Điện Biên Phủ, tỉnh Điện Biên heik:“Nhiv no, gri qir zuôv txix kaz  shông txos nhiv no tsar ndê lok six siêz, iz zav li qir đạm, ndê txix 9 cxênhz txos 19 cxênhz đeiv, pêx xênhv uô kôngz tsênhv trâul pôngz pênhr, lơưr tso têx liêx têz tsês lok six ntâu tsi uô; hok lol sâuv tu zus tsiêx cxu, gri krâur puz tsiêx cxu txix hâur shôngk shông txos nhiv no cux tsar ndê 5 jiês lơưv, lênhx nênhs tu zus nhiv no cux tsi tâu đaz tsi, jux juk lơưr cux tso tsês tsi xar zus têx tsiêx cxu. Đros trâu ntu no, moz ơưk buô châu Phi tsênhv huôv xênhz phiv liv, viv li lênhx nênhs tu zus cux tso tsês lok sik tsi zus nzir têx buô. Pêz xar cov têz qơưk nzor muôx têx chei huôv tsar tsiv uô têx krâur, qir uz no hâur têz qơưk, txo grêk tsơưs zuôr saz đrâuv lok, li ntơư thiêx zuôr txo grêk tâu gri têx krâur puz tsiêx cxu thiêz lênhx nênhs tu zus li muôx pênhr chiê tror huôv tsar uô nox”./.

(Vũ Lợi-Riê Lâux cxeik, nhênhv)

  Ntơưv Lai Châu, sêiz shuôk chor têiv plor li jiês sêiz lax zar hnuz kêix nas hmo ntơưv jiês cơưv tiv 3, Côx hôiv khóa 15, cử tri cxuô mênhx cxưx tỉnh Lai Châu lok six thôngx ziv đros chor têiv plor li têx siêz xar lok vênhv thix nox nhiêx têz qơưk, liv zôngv kror hâux lưv uô, vax huôv chiê nox nhiêx, uô phiv liv trâu xar hôiv thiêz kinh têr têz qơưk. Chôngz lênhx cử tri hêik tiêk nhiêx hli trâu canr bôv, công nhân viên chức kik cux zos qir tiv uô muôx yưv têx phiv liv tsik jông hâur nox nhiêx, lok six vav tiêk zuôr tâu Côx hôiv tsov cưv txos sêiz shuôk hâur ntu zuôr txos. Cử tri Nguyễn Thế Tuyền, nhoz thành phố Lai Châu hêik:“Cur thôngx ziv siêz đros têiv plor Tô Văn Tám, đoanx kom Tum li siêz xar lok kror liv zôngv nox nhiêx hâur ntu phax, tar caz moz Covid-19. Txos nhiv no mak cơ quan muôx vax huôv cux tưz xưv lik ntâu tập thể, tiz nênhs cik txos zuôr muôs têx chuôz zênhx njuôk shuôk caz moz. Lơưr cur mak đros têx tsưr ziv chiê phax tir tar zuôr kror liv, Côx hôiv cux tsuv nênhz chơưv uô chak cov canr bôv muôx tâu luz nênhx truôx tuk txix têx nhiêx hli, chiê paz phax tar tâu têx phiv liv lok siêz xar tsik jông hâur canr bôv”./.

(Khắc Kiên-Lik Thox cxêik nhênhv)

Zar hnuz kêix xiêz 01/6, tsêr kho moz Đa khoa tỉnh Sơn La uô tsaz yênhx lov jêv tsiêz nhuôs zâu shông 2022. Têx lênhx nhuôv trâul muôx moz gênhk tsênhv nhoz chơưv kho moz ntơưv tsêr kho moz tưz đros chor bác sĩ, cưk yuôx zos têx lênhx hluôk nênhs hâur tsêr kho moz uô si lov jêv; tâu đros nthuôr uô têx txux chi uô si li: Hu gâux, cok uô têx đuôz shav…..Đhâu ntơư, paz têx nhuôs muôx nzir cêr jông siêz, shir phaz, sir jos nhoz chơưv kho moz gênhk cov nzor jông moz. Ntơưv tsaz yênhx, 200 ntâu poz huv tưz tâu Ban tsưr tsix muôz puz trâu chor nhuôs zâu muôx moz phiv liv thiêz têx nhuôv   muôx moz gênhk muôx niêv txir txov nhêv tuôx nhoz kho moz ntơưv no. Chor huv co, zos têx tsưr tsix, doanh nghiệp, nênhs siêz jông siz chos gôngr paz./.

(Trấn Long-Riê Lâux cxeik, nhênhv)

Đêx ngaz cuôr, ar poz zos oz kror phiv liv tsik so muôx yưv nhoz têx tỉnh tox siêz, hâur co muôx Lào Cai thâuv txos chêix ntux nas. Shông 2021, Lào Cai zos thax tsav qơư phax tir tar tâu jông ntux têz ruôr hiêv sơưr thơưx hâur tas nro têz qơưk. Taz sik, tas nro tỉnh tsênhv muôx yưv 300 ntâu kror qơư zôngx ziv trâus xưz poz siêz, đros xar muôx 630 ziv chuôz zis tsuv tâu txar qơư nhoz muk trâu têx qơưk ngaz tuk. No cux zos têx hâux lưv tsuv tâu kriz uô sêi hâur chêix ntux nas chuô shông no. Lơưr zơưv Tạ Công Huy, Phưv Giám đốc Sở Kôngz nuv thiêz Huôv tsar jêx jok tox siêz tỉnh Lào Cai, thâuv têx phiv liv sêi co tsik  tâu đơưk kho mak uô ntêx khov lơưr ntux yar ntux nas li txơưr txar, côngz xưv phax tar tsuv tâu kriz uô cov huv đros, sir jos phax zos chênhr, chiê paz por vêv cov ngaz tuk tiv zix trâu pêx xênhv. Nhiv no, 100% chor xar nhoz Lào Cai tưz muôx chor đôiv uô ntêx hlo chiê phax tar ntux têz ruôr hiêv, đros muôx 11.500 ntâu lênhx nênhs cxaz chuôz; zuôr xar 120.000 chuôz zênhx cxuô zav paz trâu hâux lưv phax tar ntux têz ruôr hiêv no cux tâu muôz trâu cxuô thax tsav qơư./.

(An Kiên-Lik Thox cxêik nhênhv)