Sêiz kaz chor têiv plor ntơưv jiês cơưv tiv 3, Côx hôiv khóa 15 li jiês sêiz lax zar têis cik hnuz 2/6,  cử tri cxuô mênhx cxưx tỉnh tox siêz Yên Bái lok six thôngx ziv đros tsênhv njiêz tâu sêiz lax, hêik tơưv hâur zar têis cik. Cử tri Tạ Minh Nhất, xar Tân Hương, huyện Yên Bình, tỉnh Yên Bái hêik:“Đhâu sêiz mnôngs chor têiv plor Côx hôiv li jiês sêiz lax zar têis cik, cur pov chor têiv plor têx ziv chênhv tâu hêik tsênhz mênhx thiêz huv zos têx tsênhv njiêz. Ciês huôv tsar kinh têr trâu tsôngv box mênhx cxưx tsơưs nênhs, tox siêz mak lơưr cur lok six khov vav tiêk Côx hôiv, Chính phủ thiêz têx bôv, nganhx muôx tsênhv chêi tsênhz mênhx trâu huôv tsar cxuô zav tsoz chos hâur têx har jôngr ntông, tiv zix zos têx yuôx njuôz. Kror no zuôr cê paz đơưk kho tâu ar uô nox, paz muôx hâux lưv uô, muôx nzir phênhv sâu trâu pêx xênhv, tox siêz, cê paz txo grêk tsơưs nav ar jôngr, ntor luôx jôngr tsik zos chêi chiê zuôr ar uô nox”./.

(Đinh Tuấn-Lik Thox cxêik nhênhv)

Thôngx ziv đros têx teiv plor li ziv chênhv heik tơưv ntơưv jiês khiêz phêv, tix lâuk Trần Văn Tuấn nhoz phường Chiềng Cơi, TP Sơn La xar li no, grê iz cxiê hax huv zuôr trâus chuôz ndê sei, taz sik cán bộ, công chức, viên chức, nênhs lox tôngv thiêz pox nhuôs nôngx mênhx li phênhv sâu tsi chuôz ndê mak tsênhv nhoz phênhv kis, uô zênhr shar lox txos huôv tsar kinh têr thiêz txos tsôngv box luz nênhx. Viv li, lok six zuôr trâus Côx hôiv, Chính phuv nzor muôx têx tsưr ziv huv đros chiê hlôngr yiêz qênhx shênhx. Tix lâuk Tuấn heik:“Cur thôngx ziv đros jênhv vưv, tsưr ziv huôv tsar KTXH tâu chính phuv tso tơưv hâur ntu zuôr txos. Taz sik, cur thix ziv Côx hôiv, chính phuv tsov cưv txos vênhv thix nhiêx txiêx pôngz grê thiêz muôx tsưr ziv car chêx huv đros, txu grês nhiêx sê chiê txu grês grê têx hax huv zuôr trâus hâur têz qơưk, tiv zix zos grê trox yêz, qir zuôv, krâur tu zus tsiêx cxu, paz tsôngv box tror huôv tsar tsêz chos, tu zus, chuôz cxaz phênhv sâu”./.

(Trấn Long-Txâur Vax cxeik nhênhv)

Txix 4-9/6 zuôr txos no, Festival Tox siêz đơưz zuôr tâu tsưr tsix ntơưv huyện Bắc Hà, tỉnh Lào Cai. Kror chênhr hâur Festival jiês no zos giải sik tưr chêix nênhl đhiê Bắc Hà. Txos nhiv no, Giải chêix nênhl sik tưr tưz muôx 64 tuk nênhl nhoz tox siêz cxaz chuôz. No cux zos jiês tiv 15 giải tâu tsưr tsix ntơưv huyện tox siêz Bắc Hà. Hâur ntu tsưr tsix Festival tsênhv muôx ntâu xor xưv jông txơưr đuô li Ntênhk hôiv txir khơưz Tam Hoa; Ciêz hmo ntux Bắc Hà; Jiês cơưv paz thơưx, piêr pâuz, hêik chor nênhs yưv pênhr yưv pênhr trâu hâux lưv du lịch ntơưv Bắc Hà… Tsôngv kruô tuôx trâu Bắc Hà jiês no tsênhv tâu ndis shuôk têx qơư jông jav li: Thax tsav har ntông far tôngx di sản muôx 1.000 ntâu shông; Vax yuôx zêx lâul xar Hoàng Thu Phố; vax yuôx zêx hữu cơ (hax huv OCOP hov 5) thiêz nriêr pâuz, hâuk tsôngv box Tày xar Bản Liền li têx yuôx zêx. Njuôk xav Festival zuôr tok xar muôx 60.000 lênhx kruô tuôx trâu ntơưv thax tsav qơư no./.

(An Kiên-Lik Thox cxêik nhênhv)

Công an huyện Điện Biên đros Zênhx pênhz phax trôngx đriv Huổi Puốc (Điện Biên) nhiv kruôr pov Lò Văn Bua, xênhz shông 1970 nhoz jos Na Há, xã Phu Luông, huyện Điện Biên tsar yêz meir thiêz njuôs xav uô têx luôs hâux lưv cxâuv cêr chei. Thâuv tâu heik đrês yêz chiê qênhz yuôx, pov hâur thôngz ntơưr caton thâux sâuv yêz muôx 2 tul mê nhuôv đeik hnhar muôx nhos 8,4 cir. Tuêv côngz xưv tưz uô ntâuz ntơưr ntês lênhx nênhs co thiêz sâu tsês oz tus đeik ntơư chiê qênhz yuôx. Ntơưv chiz coaz công an, Lò Văn Bua jênhv zuôr 2 tul đeik no ntơưv iz lênhx tsôngv box đros nhoz hâur xã chiê chox muk muôs. Nhiv no, lưx lươngv muôx vax huôv tsênhv taz tov qênhz yuôx uô cov tsênhz mênhx./.

(Vũ Lợi-Txâur Vax cxêik nhênhv)