Bộ Chính trị li Nghị quyết sôr 11 shông 2022 lok tsưr ziv huôv tsar kinh tế-xã hội, taz por côx phax, txiv ngaz thax tsav trung du thiêz tox siêz Bắc bộ txos shông 2030, uô ndar txos shông 2045, heik tsênhz mênhx Đảng, têz qơưk thiêz tsôngv pêx xênhv têx tsưr ziv, siêz xar thiêz sir jos, lar heik zos cấp ủy, hâu nov thiêz chôngz lênhx ntâu tus pêx xênhv cxuô heir nênhs tox siêz. Bảo Yên zos iz qơư muôx ntâu zav jông huôv tsar uô ju lix hâur tỉnh Lào Cai, zos qơư chos ntâu têx ntông ciêv fix, nhiv no tsênhv sir jos tso tơưv têx tsưr ziv fuô uô, sir jos muôz Nghị quyết uô lơưr hâur luz nênhx. Huôv tsar kôngz-jôngr nuv chiê muôs tsênhv tâu huyện Bảo Yên xeir tsov uô chênhr txix ntâu shông đhâu. Chiê uô tâu luôs hâux lưv co, hu zâuv cxuô doanh nghiệp đros tsôngv pêx xênhv tsiv uô thiêz sâu zuôr xiv huv tâu huyện Bảo Yên xav tinhv zos tsưr ziv jông. 24 cxênhz ha ciêv fix, tsav iz đraz ntâu têx liêx têz ciêv fix hâur tas nro tỉnh Lào Cai, nhiv no ntơưv qơư tưz muôx 6 doanh nghiệp yưv pênhr cxiv uô tsêr meir, qơư tsiv uô trox thiêz tơưr ciêv fix muôs trâu luôs 2 chas thax tsav, têz qơưk đrâuv./. 

(VOV-Riê Lâux cxeik, nhênhv)

Đhâu 3 hnuz tsưr tsix, zar hnuz kêix 3/10, Hnuz hôiv Vênhx huôv, thể thao thiêz du lịch thax tsav ntus đriv Việt Nam-Lào jiês tiv 3, shông 2022 ntơưv tỉnh Điện Biên tưz suôv câuv. Pos Nguyễn Thị Hải Nhung, Vụ trưởng Vụ Vênhx huôv mênhx cxưx, Bôv Vênhx huôv Thể thao thiêz Du lịch, Phưv Trưởng Ban Tsưr tsix Hnuz hôiv puz pâuz: Têx tsênhv njiêz hâur hnuz hôiv tưz tâu tsưr tsix huv zos li tsưr ziv, hêik tơưv tâu cêr sik côngv siêz thôngx ziv nhoz oz têz qơưk Việt Nam thiêz Lào; tsês chiê tâu ntâu krỏ rjông trâu chor nghệ nhận, diễn viên, vận động viên nhoz oz têz qơưk cxaz chuôz trâu hnuz hôiv, cux li pêx xênhv thiêz tsôngv kruô. Ntơưv jiês suôv câuv, Ban Tsưr tsix tưz khơưk muôz 32 bôv huy chương thể thao trâu chor vận động viên tax tâu siêz hâur chor jiês thik 5 môn, zos: Sik lâuz pak, tuô hnênhr, truz hluô, ntâuk tux luz, lêiv poz; Ủy ban tỉnh Điện Biên tưz muôz qix sơưr tsưr tsix Hnuz hôiv Vênhx huôv, Thể thao thiêz Du lịch thax tsav ntus đriv Việt Nam-Lào jiês tiv 4, shông 2027 trâu tỉnh Quảng Nam./.

(Vũ Lợi-Lik Thox cxêik nhênhv)

Ntênhs hội Ciêv fix huyện Văn Yên (Yên Bái) jiês tiv 4 shông 2022 đros njiêz luk “Ciêv fix Văn Yên-zuôr muôx chôngz lênhx ntâu tus pâuz txos” zuôr uô lok hâur iz đraz hli 10 no đros trâu ntâu txux chi vênhx huôv, ju lix jông txeik tok tsôngv kruô sơưr đơưk tuôx ndis seiz uô si. Ntênhs hội Ciêv fix huyện Văn Yên jiês tiv 4 shông 2022 tâu tsưr tsix đros thiêz tsưr ziv piêr kriê têx đuôz shav ciêv fix Văn Yên trâu tsôngv fôngx zưs hâur thiêz đrâuv luôs 2 chas têz qơưk pâuz txos; cxiz huôv tsar têx xiv huv ciêv fix jông; hu zâuv doanh nghiệp yưv pênhr tsiv uô têx ciêv fix nhoz no. Iz chas co zos piêr kriê lok cxuô heir nênhs hâur huyện li đuôz shav, txux chi vênhx huôv jông thâuv nzor; por hưv, tuôr tsês têx cêr nênhx vênhv huôv jông, qơư chiv xênhz đrox tsuôs, di tích chiê huôv tsar ju lix hu zâuv tsôngv kruô tuôx ndis shuôs uô si./.

 (TTTB-Riê Lâux cxeik, nhênhv)

Hnuz 2/10, Phòng Cảnh sát Qênhz yuôx lok nênhs phamv cxâuv zax zênhz (Công an tỉnh Sơn La) sik côngv đros  Đôiv Cảnh sát Qênhz yuôx lok zax zênhz (Công an huyện Mộc Châu, Sơn La), Công an thị trấn Nông trường Mộc Châu thiêz Đôiv qênhz yuôx phax tar zax zênhz (Cục Hải quan Điện Biên) tưz cxov tâu lênhx pox niêv Khúa Xênhv Tsaz, zus shông 1993, nhoz xar Hang Kia, huyện Mai Châu (Hòa Bình) zuôr muôs tsik zos chêi zax zênhz. Têx sâu tâu zos 6 đêiv zênhz đơưz; xar muôx 12.000 njiêr yuôx shơư zax zênhz, đros iz cxiê zav chuôz zênhx cik txos. Ntơưv cơ quan Công an, Khúa hêik tiêk tưz zuôr chor zax zênhz co txix iz lênhx txir nênhx pâuz tsik tsênhz bê; thâuv tsênhv chox muk muôs chêk Công an pov thiêz cxov tsês. Nhiv no, txuz hâux lưv tsênhv tror tâu qênhz yuôx nriêr pâuz cov tsênhz mênhx./.

(TTTB-Lik Thox cxêik nhênhv)