Điện Biên muôx 1.246 lênhx nênhs muôx suôz bê. Hâur têx shông đhâu, chor nênhs muôx suôz bê sâuv thax tsav tỉnh tưz uô ntêx hlo hâur cxuô phongz yaox, sir jos yax kriê, hêik tsôngv box mênhx cxưx tsơưs nênhs uô truôx jông lơưr Đảng, Têz qơưk têx cêr chêi; sir jos cxaz chuôz trâu chor phongz yaox huôv tsar kinh têr, txo grêk cêr yêiz pluôs… Hâur huôv tsar kinh têr, nênhs muôx suôz bê yax kriê, hêik tsôngv box mênhx cxưx tsơưs nênhs cxaz chuôz  huôv tsar kinh têr-xar hôiv, tuôr chiê thiêz phuôx huiz têx vênhx huôv mênhx cxưx cxôngx nzor, cxiv tsa jêx jok yiêz, tuôr truôx ngaz tuk ntơưv thax tsav qơư nhoz. Tiv zix, nênhs muôx suôz bê tsik so phuôx huiz tâu pưk txix hâur hêik pêx xênhv uô truôx jông têx cui tênhv ntơưv thax tsav qơư nhoz, têx chêi hâur jêx jok, tuôr chiê têx tsiv gri vênhx huôv mênhx cxưx (luk hêik, ntơưr sâu, tsôngk yo, ntênhk hôiv, tín ngưỡng dân gian)./.

(DTPT-Lik Thox cxêik nhênhv)

Txơưv têx luôk hâux lưv uô tâu hâur têx luz hli đhâu tsi tâu jông hor ntâu, taz sik Lào Cai cux tso tơưv tsưr ziv sir jos yênhx 10 tỉnh, thành hâur têz qơưk muôz pênhr côngz siêz shông 2022. Tas hli 9/2022, Lào Cai li hâux lưv muôz pênhr côngz lơưr Nghị quyết HĐ tỉnh choz nhiv kruôr tax 2 cxênhz 300 tỷ đeiv, tax 35% pir đros tsưr ziv shông zos 6 cxênhz 600 tỷ đeiv. Taz sik chiê uô tiêr tas nro chor pênhr tưz choz mak hâur 3 luz hlik kaz shôngk shông, Lào Cau tsuv muôz cxaz 4 cxênhz 300 tỷ đeiv, pir đros hâux lưv uô têx luz hlik đhâu mak no zos iz số tsi mê. Phuôx plov ntơưv jiês khiêz phêv yax six hâur hli 10/2022, zơưv Trịnh Xuân Trường, Chủ tịch UB tỉnh Lào Cai heik mênhx:“Zos pêz muôz pênhr jông mak cux zuôr cxơuz tiês huôv tsar thiêz zos muôz pênhr jông cux zuôr paz car chêx phêv liv trâu doanh nghiệp thiêz sâu tâu nhiêx txiêx thôngz đhâu hâux lưv muôz pênhr. Viv li cur thix ziv chiê uô jông têx njiêz luv no, iz zos pêz tsuv jênhv tênhv thiêz pâuz tâu zuk qênhx shenhx thiêz njuôs pov jông; tiv zix tsuv heik txos têx phêv liv, tsi tâu uô tâu, qir tiv viv li chas ho uô kênhz, viv li chas ho sik côngv uô tsi tâu jông thiêz tsuv heik tsênhz mênhx lênhx tưs muôx txơưx jênhv lok hâux lưv co”./.

(TTTB-Txâur Vax cxeik nhênhv)

Tix lâus Sáu Xênhv Zax, mênhx cxưx Hmôngz, 45 shông, nhộz jok Sài Lương 3, xar An Lương, huyện Văn Chấn (Yên Bái) iz jiês lok trâu qơư giao dịch Zênhx hangx Tsênhv chêi xar hôiv huyện zos iz jiês tsês chiê nhiêx tiv đêiv tưz zos kror sưv đros lơưv. Chos cuêv fix, Sáu Xênhv Zax tưz tsik zos uô bluô nux trâu zuk, zos yênhx lênhx nênhs txơưx uô nox tas nro têz qơưk, mak tsênhv paz cxơưz cxiz trâu tsôngv box nhoz ntơưv no sir jos uô bluô nux. Hli 9/2000, tâu Hôiv nôngx mênhx cxuô cấp thiêz chinhr quyền thax tsav qơư nhoz hêik kriê, tix lâus Sáu tưz đros chuôz zis chos 7 héc ta cuêv fix xuz thơưx ciês sâuv thax tsav ar jôngr tâu têz qơưk choz zok. Lơưr co, yênhx shông tix lâus chuôz zis kriz đar nzir thax tsav chos, xưk li shông 2001 chos nzir 5 héc ta, shông 2002, chor nzir 10 héc ta… Têx shông lơưr co muôx nzir têz qơưk paz, tix lâus Sáu chuôz zis tưz kriz đar yưv pênhr, chos chor cêuv fix ndê txos muôx 40 ntâu héc ta. Txos shông 2017, thax tsav cuêv fix chos tâu paz muôx tâu phênhv sâu jông, txâuk chiê muôs tơưv saz đrâuv têz qơưk. Phênhv sâu txix cuêv fix tưz paz trâu tix lâus Sáu chuôz zis hlôngr yiêz đuô luz nênhx, paz muôx tâu phênhv sâu siêz thiêz cxiv tsa vax tsêr truôx jông, zuor tâu yêz lox chiê phưx vưv trâu uô nox./.

(TTTB-Lik Thox cxêik nhênhv)

Lưx lươngv cảnh sát zaoz thôngz, Công an huyện Sông Mã, tỉnh Sơn La nhiv kruôr uô ntâuz ntơưr yưr lir 2 lênhx shux xênhz uô cxâuv lok taz por zaoz thôngz. Tsênhz mênhx, hnuz xiêz 4/10 nhiv kruôr đhâu, thâuv jênhv tâu đuôz shav, clip lok 2 lênhx shux xênhz tsar yêz tsa tâuz hâu yêz muk iz luz los thâuv cxaz chuôz zaoz thôngz sâuv huyện Sông Mã, tuêv cảnh sát zaoz thôngz, Công an huyện Sông Mã tỉnh Sơn La tưz ciêr chênhr qênhz yuôx, xav tênhv. Đhâu co xav tênhv tâu lênhx shux xênhz zos nhoz jos Ten Pạnh, xã Chiềng Khương, huyện Sông Mã, nhiv no tsênhv cơưv lớp 11H tsêr cơưv cxênhx 3 Chiềng Khương. Đhâu clip tuêv côngz xưv xav tênhv cxaz tâu 1 lênhx tsar yêz meir gra biển số 26C1- 286.98 cux nhoz jos Ten Pạnh, xã Chiềng Khương, nhiv no tsênhv cơưv lớp 10A7 tsêr cơưv cxênhx 3 Chiềng Khương, tsar yêz meir tsi muôx ntơưr tso chei. Viv li, Công an Sông Mã tưz uô ntâuz ntơur chiê yưr lir lơưr PL li cui tênhv./.

(TTTB-Txâur Vax txêik nhênhv)