Nov hâu Cuiv por vêv thiêz huôv tsar jôngr 6 tỉnh Tây Bắc zos: Sơn La, Hòa Bình, Điện Biên, Lai Châu, Lào Cai thiêz Yên Bái nhiv kruôr dự jiês cơưv yênhx lix thax tsav qơư sik tưr Cuiv Por vêv thiêz huôv tsar jôngr 6 tỉnh Tây Bắc. Hâur shông 2021, Cuiv por vêv thiêz huôv tsar jôngr 6 tỉnh Tây Bắc tưz cir tâu muôx 220 hux thôngx paz thêv têx nhiêx dịch vụ tênhv qơư jôngr. Thôngx cxix, sik côngv đros têx taz viv cik txos kriz tài khoản thiêz thêv têx nhiêx pâux nzir dịch vụ tênhv qơư jôngr trâu 90.000 ntâu lênhx tsưr jôngr, đros chor nhiêx muôx 1.045 tiv đêiv ntâu. Ntơưv jiês cơưv, chor têiv plor tưz sêiz lax iz cxiê kror hâux lưv tsênhv njiêz, tsưr ziv chiê thax tsav sik tưr Cuiv por vêv thiêz huôv tsar jôngr 6 tỉnh Tây Bắc uô cov tâu hâux lưv truôx jông đuô; cxiv tsa tsưr ziv kriz uô thiêz cir jênhv sik tưr, muôz qix trâu taz viv sơưr tsưr tsix thax tsav sik tưr Cuiv por  vêv thiêz huôv tsar jôngr 6 tỉnh Tây Bắc trâu tỉnh Lào Cai. Zơưv Lê trọng Bình, Giám đốc Cuiv por vêv thiêz huôv tsar jôngr  tỉnh Sơn La-Nênhs sơưr thơưx thax tsav sik tưr Cuiv por vêv thiêz huôv tsar jôngr 6 tỉnh Tây Bắc shông 2022 puz pâuz:“Tsuv hêik tiêk, hâux lưv yênhx lix thax tsav sik tưr Cuiv por vêv thiêz huôv tsar jôngr 6 tỉnh Tây Bắc muôx tsiv gri lok six zov chênhr, ndar txos uô oz tsưr ziv lox, co zos tsik so sik thav, cơưv shâuv chênhz zênhv, phêiz kênh têx phiv liv thiêz no cux zos kror paz muôx sik tưr nhoz têx tỉnh, sir jos cov uô tiêr tâu jông têx jênhv vưv tâu choz”./.

(Trấn Long-Lik Thox cxêik nhênhv)

Tas nro tỉnh Sơn La nhiv no muôx 111 cxênhz ntâu lênhx nênhs lâul hnuz nhôngs siêz. Luôs hâux lưv tsoz phưz nênhs lâul hnuz nhôngs siêz hâur têx shông đhâu tâu tỉnh moz siêz txos, uô jông. Iz chas fuô uô cxix cxuô, zênhx max têx chei pov tsơưv xã hội đros thiêz chor nênhs lâul hnuz nhôngs siêz, cxuô thax tsav qơư tsênhv muôx luk hu lơưk cxuô tsưr tsix, lênhx nênhs sik đros gôngr paz nhiêx txiêx “Luz hlik uô têx nuv viv nênhs lâul hnuz nhôngs siêz”; tsưr tsix muk shuôs, muôz huv puz trâu chor nênhs lâul tsi muôx qơư khov vav, muôx luz nênhx txov nhêv ndax têx hnuz ntênhs, hnuz tsiêz; hux jos đros têx qơư y tế seiz njuôk shuôs đas jos tsi so trâu chor lâul hnuz nhôngs siêz…… Luôs hâux lưv qênhz shuôs, thôngz sâu têx lênhx lâul nênhs hnuz nhôngs siêz tsênhv muôx luz nênhx txov nhêv, nênhs lâul tsi muôx qơư khov vav, tsi muôx vax tsêr nhoz, lok sik muôx moz gênhk ntêr hnuz tâu moz siêz txos. Txos shông 2021, tas nro tỉnh muôx 100 cxênhz ntâu lênhx nênhs lâul hnuz nhôngs siêz tâu muôz ntơưr Bảo hiểm xã hội, zuôr xar 20 cxênhz lênhx tâu sơưv têz qơưk têx chei paz./.

(Bích Thủy-Riê Lâux cxeik, nhênhv) 

Công an tỉnh Lai Châu nhiv kruôr ruôr tâu iz chuyên án muôz nhiêx kir txêik zuôr nhiêx liv siêz sâuv thax tsav. Tsênhv tsênhz, hnuz 2/6, Phòng Cảnh sát hình sự, Công an tỉnh Lai Châu sêiz shuôk, sik côngv đros Công an huyện Tân Uyên, Than Uyên thiêz têx taz viv uô hâux lưv no cxov sêiz đrơưv Nguyễn Tiến Toàn, zus shông 1982, nhoz tôv dân phố 15, thị trấn Tân Uyên, huyện Tân Uyên lok kror hâux lưv muôx nhiêx kir txêik zuôr nhiêx liv siêz. Đhâu qênhz yuôx sêi đrơưv 5 kror qơư, cơ quan muôx vax huôv pov Toàn li  ntâu ntâuz ntơưr, chuôz zênhx cxuô zav cik txos kror hâux lưv muôz nhiêx kir txêik. Ntơưv cơ quan qênhz yuôx, Toàn jênhv tiêk tưz muôz trâu chor nênhs njiz trâus phiv liv lok nhiêx txiêx sâuv thax tsav huyện Tân Uyên, Than Uyên kir txêik nhiêx đros zuôr nhiêx liv zos 5-7 cxênhz đêiv iz triệu đêiv iz hnuz, bâuv li nhiêx liv zos 183% iz shông. Txos nhiv no, chor nhiêx Toàn tâu sơưv tsik zos chêi zos 100 triệu đêiv ntâu. Nhiv no txuz hâux lưv tsênhz tror  tâu Công an tỉnh Lai Châu qênhz yuôx, nriêr pâuz nzir chiê muôz tik cêr cxâuv trơưk chêi têz qơưk têx cui tênhv./.

(Khắc Kiên-Lik Thox cxêik nhênhv)

Uô lơưr tsưr ziv sơưr tơưv txênhz, phax tar têx lênhx nênhs zuôr muôs, uô luôv zax zênhz tsi trơưk chei, chor lưv lươngv hâur Công an TP Yên Bái, tỉnh Yên Bái nhiv kruôr ntêk tâu 3 txuz siz lơưr liês zuôr muôs, uô luôv zax zênhz tsơưk chei. Tsênhv tsênhz, thâuv 3 six zar hnuz kêix 31/5, ntơưv thax tsav jok 5, phường Hợp Minh, TP Yên Bái, Công an phường Hợp Minh li tổ côngz xưv tưz qênhz pov, ntêk tâu Nguyễn Văn Tân, xênhz shông 1971, nhoz ntơưv jok Đồng Danh, xã Minh Quân, huyện Trấn Yên zuôr muôs zax zênhz tsi trơưk chei, sâu tsês tâu iz poz zênhz đơưz. Đros hnuz, Công an TP Yên bái ntêk cxov tâu Vax Văn Hiếu, nhoz ntơưv jok Bản Dền, xã Bản Hồ, thị xã Sa Pa, tỉnh Lào Cai thiêz Hoàng Ngọc Trung, nhoz xã Khánh Yên, huyện Văn Bàn, tỉnh Lào Cai lok sâuv zuôr muôs, uô luôv zax zênhz tsi trơưk chei; sâu tsês tâu 2 poz zênhz đơưz, hnhar muôx 2,14gam. Nhiv no cơ quan Cảnh sát qênhz yuôx, Công an TP Yên Bái tsênhv qênhz yuôx, uô tsênhz mênhx./.

 (CTV-Riê Lâux cxeik, nhênhv)