Đhâu 2 shông ju lix trâus zênhr shar hnhar tiv moz Covid-19, cux xưk li ntâu tiv phaz txơưr, tỉnh Yên Bái xav tênhv zuôr hôx phưx vênhv thix no hâur shông 2022. Tiv moz Covid-19 uô zênhr shar, shông 2021, Yên Bái tsuôk tos muôx nhos 794 cxênhz ntâu jiês kruô tuôx ndis shuôk uô si, bâuv 88% ntâu tsưr ziv tso tơưv; hâur co kruô saz đrâuv têz qơưk tsuôk muôx 420 jiês lênhx. Phênhv sâu txix ju lix tax 490 tỷ đeiv. Shông no, nganhx ju lix Yên Bái sir jos tos 1,1 tsov jiês kruô, hâur co 1/4 zos kruô saz đrâuv têz qơưk, đhâu co tax phenhv sâu 845 tỷ đeiv. Chiê tax tâu tsưr ziv no, Yên Bái sir jos uô tiêr têx qơư ndis shuôk uô si li “Vịnh Hạ Long sâuv tox siêz” Pas đêx Thác Bà, têz qơưk pax vuôs xòe Thái Mường Lò lok sik liêx kêz nteir Mù Cang Chải....đros ntâu vênhx huôv jông, chiê zaz zâuv tsôngv kruô. Zơưv Nguyễn Hoàng Long, Phưv Giám đốc Sở vênhx huôv thiv thao thiêz ju lix tỉnh Yên Bái puz pâuz:“Nganhx sik côngv đros Hiệp hội ju lix tỉnh thiêz têx chiz coaz muôx txơưx jênhv heik kriê, paz têx taz viv, doanh nghiệp sâuv thax tsav cxaz chuôz têx tsaz yênhx cxơưz tiês huôv tsar ju lix; vênhv tôngv têx taz viv doanh nghiệp sir jos cxaz chuôz. Đrâuv co, cxiv tsa têx xiv huv ju lix nto bê, muôx ntơưv qơư chiê tuôv zênhv tsôngv kruô li zoz qơưx”./.

(Đinh Tuấn-Txâur Vax cxeik nhênhv)

Shông 2022, ju lix Lào Cai tưz muôx tsưr ziv bax, uô huv đros trâu ntu muôx moz Covid-19 huôv xênhz. Tsiêz têz qơưk tsor shông 2022 zos six hơưv chiê ngênhx ju lix tror krêz trôngx, huôv tsar uô cxuô luôs hâux lưv txeik tok tsôngv kruô sơưr đơưk tuôx ndis seiz têz qơưk uô si. Trơưk li mông txix Sở Vênhx huôv-Thêv thao thiêz ju lix, txix hnuz 27 luz 12 hlik hli ntu 2021 txos hnuz xiêz 5 tsiêz tsor shông 2022, xav hur si têx lênhx kruô tuôx Lào Cai ndis shuôs têz qơưk uô si tax 86 cxênhz lênhx nênhs, hâur co Sa Pa 74 cxênhz ntâu lênhx kruô, TP Lào Cai tok muôx 31 cxênhz ntâu lênhx kruô; Bảo yên 41 cxênhz lênhx, Bát Xát zuôr xar 7 cxênhz lênhx…. Txix têx jông li heik co hâur shôngk shông yiêz zuôr zos qơư chiê ju lix jux juk khưx phưx đhâu moz Covid-19 uô ruôr hiêv./.

                            (Báo Lào Cai-Riê Lâux cxeik, nhênhv)

Têx hnuz đhâu, tox siêz Sơn La ntux no njiv, jêx tưv grês kis, muôx ntâu qơư kis đuô 10 tưv. Têx lênhx nênhs nôngx mênhx nhoz tox siêz tưz chuv tôngv por vêv phax tar ntux no trâu tsiêx cxu, tsoz chos, txu grês têx trâus ruôr hiêv tiv ntux no. ntơưv huyện Vân Hồ, tỉnh Sơn La têx hnuz đhâu ntux no njiv, têx xã nhoz buôk niêv cêr 6 thiêz têx xã tox siêz ntux đriv li Vân Hồ, Lóng Luông, Tô Múa thiêz iz cxiê jos tox siêz, qiv hơưv no hênhr, ntux pok huôz, lok nas. Têx ziv chuôz zis tu zus sâuv thax tsav tưz chuv tôngv ntâu tsưr ziv phax tar ntux no thiêz yeiz trâu tsiêx cxu. Tix lâuk Hà Văn Chính, tsôngv box jos Hang Trùng 2, xã Vân Hồ, huyện Vân Hồ puz pâuz: “Pêz chuôz zis tưz their guôx cov jông viv qiv hơưv nhiv no lok six no thiêz lok nas. Lok jâuz mak pêz cxênhx tsês nhaz blêk uô ntêx chiê tsiêx cxu muôx jâuz nox. 2,3 shôngk jê ntơưv no, cur chuôz zis tsi muôx nhux trâus tuôs yeiz, tuôs no hlo”./.

(Lê Hạnh-Txâur Vax cxeik nhênhv)

Heik txos têx zav nox nhoz chor ciêz tox siêz Sìn Hồ- Lai Châu, tsuv heik txos nênhs Cho li iz zav nduôr nox kaz. Chor nduôr co nênhs Cho muôz hmôngr cxur txuô thiêz suz thax caz tsiz uô. Lơưr muôz chor blêx, cxur cxuô ntơưv qơư uô, taz sik zos têx blêx kuz, thâuv uô nduôr thiêx su. Đhâu thâuv xeir tâu têx cxur, nênhs Cho muôz chor cxur co tsâu đêx, tsês đhâu hmo, li muôz lok jov, tuôr uô hmôngr tsês cov mê njik kruôr đêx. Thâuv tưs mê njik kruôr đêx ntơư li muôz vâuv tsês chiê uô nduôr. Pos Chẻo Mý Lai, nhoz jok 5, thị trấn Sìn Hồ, tỉnh Lai Châu heik pâuz:“Chiê uô tâu nduôr nox kaz mak puôr lênhx xeir têx blêx, cxur zuk uô ntơưv qơư, uô tâu chor nduôr thiêx tsư ha thiêz nox kaz. Đhâu thâuv muôz jov, tuôr tâu uô hmôngr, xar cov chor hmôngr cxur co su thiêz puôz uô tâu nduôr trơưk li tsưr ziv xar, mak tsuv muôz iz cho hmôngr cxur tưz tuôr tâu ntơư lok chuz cov siêr đhâu co li muôz đo shơư trâu chor tsi tâu siêr, gra chox muk jiêz yar ntux lok sik tso ntơưv iz saz ntus chuz, têx txuôr nzêix cov kruôr, têx hmôngr cxur zuôr muôz uô nduôr co thiêx tsi tuôx pưv”./.

(Chẻo Thu-Riê Lâux cxeik, nhênhv)