Tas cik hnuz xiêz 07/2, (tsênhz đuô zos hnuz xiêz 7 tsiêz), tỉnh Sơn La tsưr tsix hnuz chos ntông hơưv Đảng, hơưv shông yiêz tsor shông 2022. Ntơưv ntênhs, zơưv Nguyễn Hữu Đông, Ủy viên T.Ư Đảng, Bí thư Tỉnh ủy Sơn La đros têx lênhx hâu nov tỉnh, cxuô sở, ban, ngênhx, đoanx tưz chos zuôr xar 200 tsoz ntông ntơưv jok Cọ, phường Chiềng An, TP Sơn La. Chor ntông tâu chos co zos iz kro krêz hâu cêr jông trâu phôngz yaox chos ntông, chos jôngr hâur tas nro tỉnh thiêz xã hội sik đros chos ntông li têx yênhx côngz; paz cxiv tsa TP Sơn La heik taz thiêz tỉnh Sơn La heik cxuô huôv tsar jông thiêz truôx, taz por tênhx qơư njuôz-hur-jông thiêz cxiv tsa ciêz đrôngs huôv tsar, vav mênhx. Hâur shông 2022, tỉnh Sơn La sir jos chos 320 cxênhz tsoz ntông njuôz, 2.700 ha jôngr ntông; paz uô tâu jông tsưr ziv “chos iz tyv tsoz ntông njuôz ntu 2021-2025” trơưk li Thủ tướng Chính phủ phuôx tôngv./.

 (Lê Hạnh-Riê Lâux cxeik, nhênhv)

Hnuz đhâu xiêz 7/2, sâuv cêr Bách Lẫm, TP Yên Bái, tỉnh Yên Bái tsưr tsix ntênhs phuôx tôngv “Tsiêz chos ntông tiêv tiêv ndo txos zơưv côngz Hôx” cheix ntux yiêz Tsor shông 2022. Thôngz sâu tas nro tỉnh, txos nhiv no tỉnh tax 63% jôngr chos, qơư tsov txos zos tas shông 2025 chos tâu jôngr tax 65%.

Chiê uô tiêr tsưr ziv no, Yên Bái xav tênhv tror chos yiêz 32 tsov ntâu tsoz ntông njuôz, muôx 30 tsov ntâu tsoz. Uô ntêx, shông 2022 no, tas nro tỉnh chos 15 cxênhz 500 hecta jôngr, hâur co muôx 200 hecta zos jôngr chos yiêz./.

(Trịnh Xuân-Txâur Vax cxeik nhênhv)

Shông no, tsiv uô công nghiệp tror tâu Lào Cai xav tinhv zos đas jos zov chênhr chiê uô têx luôs hâux lưv, tsưr ziv huôv tsar kinh tế-Xã hội ntơưv qơư. Tsưr ziv tso tơưv, tsiv uô công nghiệp tax 46 cxênhz ntâu tyv đeiv, tsar ndê zuôr xar 12% pir li shông 2021. Chiê uô tiêr  tsưr ziv no, tỉnh Lào Cai sir jos fuô uô têx faz tsưr ziv paz max doanh nghiệp cxơưz tiês tsiv uô, zuôr muôs, zok nriêr qơư sâu zuôr têx xiv huv; đơưk têx phiv liv trâu chor dưv anr, lar heik zos iz cxiê dưv anr zov chênhr. Iz chas co, tror muôx têx tênhx qơư yưv pênhr, uô lax luôv jông, cxiz hlôngr yiêz uô têx ntâuz ntơưr hành chính. Tsưr tsix fuô uô thiêz tsi so qênhz shuôs têx tsưr ziv njuôk hov uô chor tsêr meir tênhv tênhz mê thiêz tov thơưx hâur thax tsav, heik cov cxiv kho zênhx max, huv đros trâu zoz qơưx huôv tsar kinh tế-xã hội hâur tỉnh./.

 (TTTB-Riê Lâux cxeik, nhênhv)

Nhiv kruôr đhâu, lưx lươngv Bộ đội pênhz phax tỉnh Điện Biên tưz ruôr yênhx côngz chuyên án ĐB1221P.2, ntês 3 lênhx nênhs zos Chang A Má (xênhz shông 1992) nhoz jos Nậm Vì, xã Chung Chải, huyện Mường Nhé (tỉnh Điện Biên); Cháng A Lù (xênhz shông 1979) nhoz jos Phìn Hồ, xã Phìn Hồ, huyện Nậm Pồ, tỉnh Điện Biên thiez Tẩn A Chản (xênhz shông 1980) nhoz xã Phăng Su Lin, huyện Sìn Hồ, tỉnh Lai Châu, sâu tâu 72 đeiv zênhz đơưz. Chiz coaz muôx txơưx jênhv xav tênhv Tẩn A Chản zos lênhx nênhs tuôr thơưx muôx công an 2 tỉnh Điện Biên thiêz Lai Châu li 2 lênhv nriêr ntês tiv muôv muôs zax zênhz. Chản jênhv, chor zax zênhz zos zuk zuôr ntơưv thax tsav ntus đriv thiêz ntiêr Chang A Má thâux txix Điện Biên muk LAi Châu. Cháng A Lù tâu ntiêr muk seiz cêr uô ntêx chiê pov trâu Chang A Má, zos taz por thix li muk. No zos chuyên án zax zênhz lox tâu ruôr yênhx côngz ciês hâur têx hnuz hâur shôngk shông 2022./.

(Vũ Lợi-Lan dịch đọc)