Ciês txix hnuz hâur shôngk shông yiêz no, khôngz qiv sik tưr thik uô lox tôngv, xênhz yar tưz tâu cxơưz tiês uô sâuv têx côngz tsinhx, tsêr meir nhoz tỉnh tox siêz Yên Bái, ndar txos iz shông yiêz tax tâu ntâu chêx cuk jông, cê phax tar moz Covid cê huôv tsar. Nhiv no tas nro tỉnh Yên Bái muôx 2 cxênhz 600 ntâu doanh nghiệp, đros pênhr đăng cir muôx nhos 29 cxênhz tỷ đeiv, 570 ntâu HTX đros tas nro pênhr điều lệ zos 1 cxênhz 320 tỷ đeiv ntâu. Têx doanh nghiệp, HTX tưz muôz hâux lưv uô trâu 42 cxênhz nênhs lox tôngv thiêz 28 cxênhz thành viên HTX, đros phênhv sâu fênhx pheiz 5 txos 6 tsov đeiv ntâu iz lênhx nênhs iz luz hlik. Đros khôngz qiv lox tôngv hâur têx hnuz shôngk shông yiêz, pox nhuôs nôngx mênhx nhoz Yên Bái cux tsênhv sik đros muk uô kôngz lôngk, qir tsêz chos chiv cheix yiêz đros siêz xar njôngr tax tâu ntâu zênhx liv./.

(Thừa Xuân-Txâur Vax cxeik nhênhv)

Đhâu hlo so nox tsiêz têz qơưk tas, cxuô cấp, ngênhx, ntơưv qơư hâur tỉnh Lào Cai tưz siz zâuv muk chos ntông uô jôngr, sir jos  cov chos tâu iz tsov tsoz ntông njuôz hâur shôngk shông yiêz. Xav kror đruôz đraz iz huyện, thị xã, TP ntơưv Lào Cai tso tơưv tsưr ziv chos tsơưs tsơưs txix 80 cxênhz -95 cxênhz tsoz ntông njuôz chiê hơưv tsiêz chos ntông; iz chas têx por hưv, tu cov têx ntông chos co chiêx tâuk, tsi trâul tuôs ntâu, tas chiv cheix ntux yiêz sor muôx têx uô tiêr 50% luôs hâux lưv chos têx jôngr ntông hâur shông. Zơưv Tô Mạnh Tiến, Phưv Giám đốc Sở Kôngz nuv thiêz huôv tsar tox siêz tỉnh Lào Cai shir phaz heik:“Đros trâu ngênhx kôngz nuv li txơưx jênhv, pêz zuôr tror nhênhz chơưv trâu tỉnh  têx faz tsưr ziv. Tsênhv tsênhz zos lok sâuv têx zuz ntông chos, tsưr ziv fuô uô, huôv tsar cxix luôs tsiv uô têx ntông, lar heik zos chor ntông lox…chiê huôv tsar truôx thiêz jông têx shôngz ntông”./.

(VOV-Riê Lâux cxeik, nhênhv) 

Lơưr Sở vênhx huôv thiv thao thiêz ju lix tỉnh Điện Biên li thôngz sâu, hâur 9 hnuz so Tsiêz Tsor shông 2022, kruô ndis shuôk uô si tuôx tỉnh Điện Biên chuôz ndê, đros 11 cxênhz 600 jiês lênhx nênhs, chuôz ndê 11 jiês ntâu pir đros jiês so tsiêz shông 2021. Tas nro phênhv sâu njuôs xav tax 15 tỷ đeiv ntâu. No zos iz hâux lưv jông tso pov ju lix sâuv thax tsav tỉnh tsênhv yênhx trus tror krêz trôngx côngv đros tas nro têz qơưk chiê hôx phưx nganhx ju lix, gôngr phênhv huôv tsar KTXH, njuôs pov iz shông huôv tsar yiêz hâur nganhx ju lix tiv phaz. Shông 2022, ju lix sâuv thax tsav tỉnh tưz bax jông trâu hâux lưv phax tar moz Covid-19 thiêz cxaz chuôz huôx tôngv tos kruô saz đrâuv têz qơưk. Tsiêz Tsor shông 2022 zuôr zos jiês paz trâu nganhx ju lix sâuv thax tsav tỉnh tror huôv tsar./.

(Baođienbien-Txâur Vax cxeik nhênhv)

Muôx nhos 3 six ntâu zar hnuz kêix xiêz 8/2, sâuv txox cêr lox sôr 4G, ntu muk đhâu jok Trạm  Hin, xã Nà Ớt, huyện Mai Sơn, tỉnh Sơn La muôx iz txuz uô yêz ntos tox. Mông xuz thơưx tâu pâuz, thâuv luz six hơưv co, iz luz yêz lox tsi tâu pâuz tsênhz biển sôr yêz thâux têx qir lân, tsênhv muk txix TP Sơn La trâu huyện Sông Mã, tỉnh Sơn La tưz trâul blênh los, ntos trâu hâur cư ha toz muôx 20 thiêr, uô iz lênhx nênhs trâul tuôs ciês ntơư qơư, luz yêz trâul nzênhr thiêz puôk tsuôx tsi jông tas. Đhâu hlo thâuv muôx yưv tsi jông li heik sâuv, chor lưv lươngv muôx vax huôv tưz zênhx max muk qênhz shuôs, tơư kriê cêr chiê lưv yêz muk lol tâu đhâu, tror zok nriêr têx lênhx nênhs trâul moz trâul saz cheix sâuv luz yêz co. Qir tiv txuz yêz ntos tox no tsênhv tâu têx lưv lươngv muôx vax huôv qênhz yuôx, uô tsênhz mênhx./.

(Trấn Long-Riê Lâux cxeik, nhênhv)