Cử tri tỉnh Yên Bái tror tsov cưv txos sêiz shuôk Côx hôiv li jiês cơưv nus thiêz têz têx luk nus đros thiêz Bôv trưởng Bôv Tài chính Hồ Đức Phớc lok ntâu tsênhv njiêz li: sêiz car gri, zuôr muôs côngz thiêz qênhz yuôx nhiêx txiêx trâus pôngz gri; thị trường pênhr, chứng khoán; chor tsưr ziv phax tar trâus pôngz plox têx nhiêx sê…. Cử tri Hoàng Mạnh Hà, phường Yên Ninh, TP Yên Bái hêik tiêk: chor têiv plor têx luk nus lok six ndax ndênhk, huv tsênhv njiêz, huv zos li cử tri sơưr đơưk têx siêz xar. Bôv trưởng têx luk têz cux lok six tsênhz mênhx đros muôx ntâu tsưr ziv tsênhv tsênhz:“Tsênhv njiêz ci txos gri têx trox yêz thiêz ntơưr cơưv tâu hêik txos lok six tsênhz mênhx ntơưv Côx hôiv li no zos kror huv đros thiêz ndar six hơưv. Cử tri lok six vav tiêk nzor muôx nzir têx tsênhv chêi kho đuô chiê paz trâu pêx xênhv luz nênhx. Tiv zix zos ntơưr cơưv tsuv tâu njuôk xav jông chiê paz txo grêk tsơưs têx phiv liv trâu pêx xênhv, tiv zix zos tsôngv box nhoz tox siêz đêz đrôngs luz nênhx tsênhv yuôr ntâu kror txov nhêv)./.

(Đinh Tuấn-Lik Thox cxêik nhênhv)

Trơưk li sox seiz cơưv Côx hôiv jiês nus, têz hnuz xiêz 08/6 lok têx nhiêx txiêx têz qơưk, ntâu lênhx cử tri nhoz điện Biên moz siêz txos tsênhv njiêz têx chei paz max trâu chor taz viv thax tsav tox siêz, đêz đrôngs, hoá đơn điện tử. Tix lâus Phạm Ngọc Dương, nhoz phường Tân Thanh, TP điện Biên Phủ heik pâuz:“Jiês cơưv nus, têz hnuz no lok sâuv têx nhiêx txiêx, phênhv ntâu tsôngv pêx xênhv pâuz tâu thiêz to tâuz, muôx têx kror pêx xênhv lok six moz siêz txos, lar heik zos pêx xênhv Điện Biên cik txos hoá đơn điện tử, tsênhv chei paz trâu têx thax tsav tox siêz đêz đrôngs, Bộ trưởng Bộ Nhiêx txiêx phênhv ntâu cux têz cxix cxuô, tsênhz mênhx chor đại biểu li têx luk nus txos. Lok sâuv kêr txeik nhiêx đhâu APP, co cux zos iz kro cử tri lok six moz siêz txos, thâuv tâu mnôngs Bộ trưởng têz lok têx li heik no, pêx xênhv cux zuôr pâuz co zos iz kro zuôr trâul txos, lok six ntâu têz qơưk sâuv ntiêx têz cux tưz uô lơưr chiê txar jav têx tsi jông muôx yưv”./.

(Vũ Lợi-Lâux cxeik, nhênhv) 

  Xor mông txix Sở Zoz thôngz-Vận tải tỉnh Lai Châu, xav txix hâur chêix ntux nas chuô txos hnuz 31/5, tỉnh Lai Châu trâus hiêv ntâu lok zoz thôngz, uô puôk tsuôx ntâu côngz trinhx, ar xưz poz, cêr muk lok tsik tâu, uô phiv liv trâu lênhx nênhs thiêz têx yêz muk lok. Tsênhv tsênhz, ntux nas đêx ngaz cuôr tưz uô ar poz ntơưv 300 ntâu kror qơư nhoz sâuv cxuô txos cêr. Ntơưv chor cêr li: 4H, 12, 4D, 32, 279, ntux nas đêx ngaz cuôr tưz uô ar poz ntơưv 150 ntâu kror qơư. Njuôk xav têx trâus hiêv tas xar muôx 22 tiv đêiv. Zơưv Nguyễn Văn Hưởng, Phưv Giám đốc Sở Zoz thôngz-Vận tải tỉnh Lai Châu puz pâuz:“Sở cux tưz hêik cxuô taz viv bax yêz, chuôz zênhx, lênhx nênhs muk qênhz yuôx têx qơư phiv liv, bax kho đuô têx cêr cov taz por trâu zoz thôngz. Thiêz sir jos kriz uô cov sêi têx côngz trinhx suv kho đuô, xưv lik têx qơư phiv liv, kho cov truôx jông đuô têx qơư tsik yuô khor truôx muôx nhoz cxuô txox cêr”./.

(Khắc Kiên-Lik Thox cxêik nhênhv)

Oz lênhx nhuôv zâu tsênhv cêv kuôk nưk nhoz nưk iz kro tiv trâul moz Covid-19, tưz trâul đêx nas kuôk cêv muk tsi tâu trâu kror tưs tiv nas lox txix hmo xiêz 06/6 ntơưv TP Sơn La tưz tâu chor lưv lươngv Công an chox muk nhoz trâu qơư truôx tuk. Tsênhv tsênhz, thâuv zuôr tsâuk ntux hnuz xiêz 07/6, Công an phường Chiềng An txeik tâu mông heik pâuz lok sâuv chuôz zis muôx 2 tus nhuôv mê, zos Hà Đinh Bảo Trân, xênhz shông 2012; Hà Duy Bảo, xênhz shông 2015, nhoz ntơưv jok Noong Ảng, phường Chiềng An, TP Sơn La tsênhv nhoz cêv kuôk tiv trâul moz Covid-19 tưz trâul đêx nas huôv hloz kuôk cêv 2 lênhx nhuôv co muk tsi tâu đhâu trâu kror tưs. Ntơưv thax tsav 2 lênhx nhuôv co nhoz muôx kênh kror qơư đêx ngaz toz nhos 4 thiêr, viv li lưv lươngv Công an TP Sơn La tưz sir zôngv fuôx muk chơưv paz, chox tâu 2 tus nhuôv ntơư lok trâu qơư truôx tuk./.

 (Trấn Long-Riê Lâux cxeik, nhênhv)