Êng: Ô ngoh Nguyễn Duy Học, châ ‘nâi tung rơnó pơtê hriâm kố, Khu ki to\ng kum tơdroăng cheăng ‘’Ivá pâ mơjo’’ dế tối tơbleăng hên tơdroăng pêi pro ai pơxúa kum vâi hdrêng kơpong hdroâng kuăn ngo dêi kong pơlê Dak Lak. Ngoh hôm chiâng tối ăm ‘nâi ‘na tơdroăng kố?

Ngoh Nguyễn Duy Học: Tung môi hơnăm, tung plâ 9 khế hriâm, khu hmâ tơku\m po rôh môi tiah bruô kế tơmeăm xúa tung hriâm tâp, ếo rơbông ăm mâu vâi o, diâp liăn hriâm rơkê, bruô ăm rơxế mái. Ngin ối tơku\m po tơ’nôm mâu tơdroăng drêng hâi vâi hdrêng lâp plâi tơnêi, Têt Lo hơnăm nếo, Têt Trung thu vâ to\ng kum vâi hdrêng kơtiê.

Tung pơla pơtê hriâm, mê khu ngin kố dế pơkâ túa vâ ‘mâi rơnêu kơpong tíu kâ koi, ối pơtê la nôu pâ vâi che\m ‘rêh dêi a hngêi trung Tô Hiệu a cheăm }ư\ San, tơring MDrak, a kố ai lối 250 ngế hok tro ối hơngế, kơtăn ing hngêi trung dâng 20km. Mâu vâi o ối pơtê a mê tá tâi khế nếo vêh. Kơxo# liăn ‘no vâ rơnêu kơpong ối pơtê mê dâng 70 rơtuh liăn.

Apoăng khế 8, khu ngin kô tơku\m po tơdroăng ki bruô ăm kế tơmeăm xúa tung hriâm tâp, hmân drêh, ếo rơbông ăm vâi o a kơpong hngế hngo vâ hbrâ ăm rôh pơxiâm mot hơnăm hriâm nếo’’.

Êng: Sap ing nah troh nôkố, Khu kố hiăng tối tơbleăng hên tơdroăng cheăng pêi ai pơxúa kal khât. Ki nhên mê cho tơdroăng klâi, ô ngoh?

Ngoh Nguyễn Duy Học: Mâu kế tơmeăm ki kân mê cho tơdroăng ki pong têa klôh [ă mâu kơmăi ki kơhleăng têa ô ăm mâu vâi o hok tro a Hngêi trung râ má môi Lê Quý Đôn, Hngêi trung ki châ pro a thôn 9, cheăm }ư\ Kroă, tơring MDrak, kơxo# liăn ‘no lối 70 rơtuh liăn, cho kế tơmeăm ki châ mơjiâng pro kân má môi ăm hok tro cheăm Yang Mao [ă cheăm }ư\ Pui, tơring Krông Bông.

{ă mâu vâi o hok tro ki châ xo liăn hriâm rơkê mê rêm hơnăm pơrá ối rak vế kơxo# hok tro hriâm rơkê, tung hriâm tâp. Môi tiah o Ngọc Thị Hồng Nhung mơni kô tro pơtê hriâm, xua rơpo\ng hngêi ôh tá ai liăn vâ ăm o hriâm mê khu hiăng pro tơ’lêi hlâu ăm o lăm hriâm. Hơnăm kố, o hiăng hriâm lâm 12, plâ 2 hơnăm hlối o pơrá cho hok tro hriâm rơkê’’.

Êng: Ô ngoh, [ă hên tơdroăng ki châ tơku\m po tung rêm hơnăm, tung mê ai mâu kế tơmeăm ki châ mơijâng pro ki kân. Tiah mê kơxo# liăn [ă mâu ngế ki châ veăng tơlo mê gá môi tiah lâi?

Ngoh Nguyễn Duy Học: Kơxo# liăn ‘no mê ngin mơhnhôk sap ing khu ki ai tuăn hiâm hơ-ui. Klêi 6 hơnăm mơhnhôk, kơxo# liăn hiăng mơhnhôk tơlo châ lối 1 rơtal 200 rơtuh liăn. Pák^ng kong pơlê Dak Lak, ối ai khu ki ai tuăn hiâm hơ-ui kum a mâu kong pơlê, pơlê kong kân ki ê tung lâp tơnêi têa.

Kơxo# ngế ki to\ng kum veăng mê troh nôkố ai lối 1 rơpâu ngế. Klêi kơ’nâi rêm rôh tơdroăng tơku\m po [ă rêm khế mê vâi o tối tơbleăng kơxo# liăn xua khu ki ai tuăn hiâm hơ-ui kum tơlo, kơxo# liăn nâp, hrê, ‘mot tung trang Facebook dêi khu vâ tối tơbleăng ăm mâu ngế tơru\m ki ê ‘nâi.

Mâu vâi pú ki mơhno\ng pleăng ki veăng tơru\m mê kơhnâ, ai hnoăng pôu râng dêi tơdroăng cheăng khât. Ai mâu rôh ki prôk hngế lối hr^ng km, mâu vâi pú pơrá ối ‘no xêh liăn roê têa kơxăng, liăn ôu kâ drô troăng’’.

Êng: Cho ngế rơtăm chó chêng, tơná ngoh rak ngăn dêi tơdroăng cheăng môi tiah lâi vâ ai hâi khế, ivá ăm tơdroăng mơhno\ng pleăng tơdroăng cheăng kố?

Ngoh Nguyễn Duy Học: Tơdroăng rêh ối rêm hâi, ối a hngêi tê mơdró têa ôu, kơphế, chế têa tôu ăm hok tro, xuân ai tu\m kơxo# liăn vâ roê têa xăng vâ prôk lăm, xuân ai tu\m kơxo# liăn vâ tơniăn tung rêh ối dêi tơná.

Á xuân hiăng ‘no hên tơdroăng ki ai pơxúa môi tiah hrik xo um, xup um, xuân ‘no lối 30 troh 40 rơtuh liăn vâ hrik xo mâu rôh ki mâu vâi pú ki mơhno\ng pleăng tơdroăng [ă tơdroăng rêh ối xơpá dêi mâu vâi o hok tro a kơpong hngế hngo.

Prôk troh a kơpong hơngế hơngo, rơxế to ki hên cho rơxế hon đa. Sap ing troăng ki pá puât, ‘mêi ‘mâk mot tung Ea Súp dâng 150 km, kơto rơxế tơbrêi khât, troăng hmốu, troăng trâp, rơxế tơ’nhiê cho tơdroăng đi đo trâm, xuân ai drêng ‘nâ kơtong, ai drêng ‘nâ tro kơduôp rơxế’’.

Ê, mơnê kơ ngoh!

          Phùng Quốc Học chêh

Katarina Nga tơplôu [ă tơbleăng