San luông pùn chự phong phạ phẻ phồn lôm, phạ khả,

lôm pín cạu cánh phồn mák hếp tốc

          Xương xư chắng hịa cướt sình ók phạ phẻ phồn lôm?

          Phạ phẻ phồn lôm cướt sình ók chơ hền mi piếng phả nà đằm, kèm toi phồn nhắư, phạ lằng, phạ cláp lưởm cánh lâng mi lôm luồng khék hịa phạ phẻ phồn lôm mi chơ nhăng mi phồn mák hếp tốc.

          Khù hại khòng phạ phẻ phồn lôm:

          Phạ phẻ phồn lôm dệt hiểm hại họt lăm côn tồ phủ pưa va mi xương cướt sình ók phạ khả dệt tài côn báu cọ chếp bát. Phạ phồn nhắư cuồng chơ mi phạ phẻn phồn lôm mi xương dệt cướt sình ók nong lạt.

          Pưng vịa pền dệt cánh báu pền dệt chơ mi phạ phẻ phồn lôm:

          Pưng vịa pền dệt chơ chí cướt sình ók phạ phẻ phồn lôm, pền khảu mưa dú cuồng hươn cánh năng nẳng tắng, giương mạy, tìn báu đảy tít họt đìn. Mọt mết điện cuồng hươn. Va đàng pày hưa tau báu cọ đàng pày loi hư pền khảu ma bốc ngày.

          Pưng vịa báu pền dệt: Báu pền ók pày nọk tang chơ đàng cướt sình ók phạ phẻ phồn lôm.

          +Xương xư chắng hịa cướt sình ók phạ khả?

          Phạ khả lâng cướt sình ók toi phạ phẻ phồn lôm. Phạ khả lỏ thèo điện hanh té cá phạ tặp lông đìn. Phạ khả lâng khả xắư pưng bón xùng xương cò mạy nhắư, xàu điện cánh pưng chòm pu. Phạ khả mi điện thế xùng xương nặn tênh mết chu chương khòng hôm mi cá khuông phạ cọ cựt pền chương uồn điện. Phạ khả nhăng khả xắư chương khòng lếch lai cánh nặm, pưa pưng tàng chất nị pọm uồn điện .

          Khù hiểm hại khòng phạ khả:

          Phạ khả mi xương dệt tài côn cánh phá hại hươn dảo, cò mạy cánh pưng xàu điện. Khả khả mi chơ lỏ cốc pài pưng chu cướt sình ók phay mảy.

          Pưng vịa pền dệt cánh báu pền dệt chơ cướt sình phạ khả:

          Pưng vịa pền dệt: Chơ mi phạ lằng phạ khả pền dú cuồng hươn báu cọ văn phạo pày dú nẳng pưng bón tiêng àn. Dú lắc pưng cò mạy xùng, xàu điện, hụa lếch, tang sài điện cánh điện thoại pưa va pưng tàng chương nị lâng chuốp phạ khả. Va hền cướt sình ók phạ khả báu lợp len pày bón tiêng àn hư pền năng dóng, 2 mư mụp xắư 2 hùa kháu cánh cổm hùa lông. Mọt điện mết cuồng hươn.

          Pưng vịa báu pền dệt: Báu pền xủ điện thoại cánh báu pền pày nọk tang chơ cướt sình ók phạ khả.

          +Xương xư chắng hịa cướt sình ók lôm pín cạu?

          Lôm piến cạu lỏ lôm pền lau khửn xương ruộc cánh pặt pày văn nẳng tênh đìn báu cọ nả nặm bể. Mi xương hền pền lau khửn cút của toi đìn phồng nhính nhứa.

          Khù hiểm hại khòng lôm pín cạu:

          Lôm pín cạu lâng cướt sình ók báu ngau, hền ók cuồng dan khao nưng, cánh dệt xiệt hại nắc nà cuồng phổng nưng. Mi xương lạo hươn dảo chương khòng cánh phủ côn pày toi. Lâng hền ók báu ngau, báu đảy tống páo cón xương nặn mi xương dệt tài côn. Phá hại hươn dảo chương khòng, phắc hòm mák nuối.

          Pưng vịa pền dệt cánh báu pền dệt:

          Pưng vịa pền dệt: Vện xìa tang pày khòng lôm pín cạu, cánh xáo bón dú tiêng àn. Dú cuồng hươn chơ mi lôm pín cạu, pền vắt dú cỏng pan báu cọ cỏng giương. Va báu vện đảy hư pền lít lông hong tang dú chằm nặn báu cọ non lông nẳng đìn.

          Pưng vịa báu pền dệt: Báu pền pày tang nọk chơ mi lôm pín cạu. Báu pền dú nẳng bón báu mi cò mạy xằng.

          +Xương xư chắng hại cướt sình ók phồn mák hếp tốc?

          Phồn mák hếp tốc lỏ phồn mi pưng tón đán nọi nhắư tốc lông đìn. Lâng khươi phồn mák hếp tốc tón to kén khảu li, kén mák thúa hák va mi chơ to nuối sáy báu cọ nhắư xưa.

          Khù hiểm hại khòng phồn mák hếp tốc:

          Phồn mák hếp tốc dệt siệt hại họt cò púk bồng, cò mạy. Pưng tón đán nhắư mi xương dệt hẳư phủ côn, tồ tảnh liệng chuốp chếp bát báu cọ chuốp xiệt mo va báu lợp pày dú bón tiêng àn.

          Pưng vịa pền dệt cánh báu pền dệt:

Pưng vịa pền dệt: Dú cuồng hươn va đàng dú nọk tang báu cọ dú cá tông na hư đảy len pày xáo bón dú tiêng àn chơ mi phồn mák hếp tốc.

          Va dú lắc bón dú hư mi xương xủ mụ, cúp, thồng xừ làn nọi vạy pảy hùa khòng chảu.

          Pưng vịa báu pền dệt: Báu đảy pày tang nọk tặm họt chơ mết phồn mák hếp tốc./.

Thu Thuỳ-Huyền dịch

ꪏꪱꪙ ꪩꪺꪉ ꪜꪴꪙ ꪋꪳ ꪡꪮꪉ ꪡꪱ ꪵꪠ ꪶꪠꪙ ꪶꪩꪣ, ꪡꪱ ꪄꪱ, ꪶꪩꪣ ꪜꪙꪲ ꪹꪁꪱ

ꪵꪀꪉ ꪶꪠꪙ ꪢꪱꪀ ꫃ꪬꪚ ꪶꪔꪀ

          ꪹꪏꪉ ꪏꪳ ꪊꪉꪰ ꪭꪀꪸ ꪹꪀꪒ ꪎꪉꪲ ꪮꪮꪀ ꪡꪱ ꪵꪠ ꪶꪠꪙ ꪶꪩꪣ?

          ꪡꪱ ꪵꪠ ꪶꪠꪙ ꪶꪩꪣ ꪹꪀꪒ ꪎꪉꪲ ꪮꪮꪀ ꫄ꪋ ꪣꪲ ꪜꪉꪸ ꪠꪱ ꪘꪱ ꪒꪣꪾ ,ꪵꪀꪣ ꪕꪮꪥ ꪶꪠꪙ ꪻꪐ ,ꪡꪱ ꪨꪉꪰ ,ꪡꪱ ꪁꪱ ꪨꪱꪚ ꪹꪨꪣ ꪵꪀꪉ ꫄ꪩꪉ ꪣꪲ ꪶꪩꪣ ꪨꪺꪉ ꪣꪲ ꫄ꪋ ꪑꪉꪰ ꪣꪲ ꪶꪠꪙ ꪢꪱꪀ ꫃ꪬꪚ ꪶꪔꪀ.

          ꪄꪴ ꪬꪣꪸ ꪭꪱꪥ ꪄꪮꪉ ꪡꪱ ꪵꪠ ꪶꪠꪙ ꪶꪩꪣ:

          ꪠꪱ ꪵꪠ ꪶꪠꪙ ꪶꪩꪣ ꫃ꪥꪒ ꫃ꪬꪣ ꪭꪱꪥ ꪭꪮꪒ ꪩꪣꪾ ꫛ ꪶꪔꪙ ꪠꪴ ꪹꪝ ꪫꪱ ꪣꪲ ꪹꪏꪉ ꫃ꪥꪒ ꪹꪀꪒ ꪎꪉꪲ ꪮꪮꪀ ꪡꪱ ꪄꪱ ꫃ꪥꪒ ꪔꪱꪥ ꫛ ꪹꪚꪱ ꪁꪷ ꫃ꪥꪒ ꫃ꪊꪚ ꪚꪱꪒ. ꪡꪱ ꪶꪠꪙ ꪻꪐ ꪀꪺꪉ ꫄ꪋ ꪣꪲ ꪡꪱ ꪵꪠ ꪶꪠꪣ ꪶꪩꪣ ꪣꪲ ꪹꪏꪉ ꫃ꪥꪒ ꪹꪀꪒ ꪎꪉꪲ ꪮꪮꪀ ꪙꪮꪉ ꪩꪱꪒ.

          ꪝꪉꪳ ꪫꪀꪸ ꫃ꪜꪙ ꫃ꪥꪒ ꪵꪀꪉ ꪹꪚꪱ ꫃ꪜꪙ ꫃ꪥꪒ ꫄ꪋ ꪣꪲ ꪡꪱ ꪵꪠ ꪶꪠꪙ ꪶꪩꪣ:

          ꪝꪉꪳ ꪫꪀꪸ ꫃ꪜꪙ ꫃ꪥꪒ: ꫄ꪋ ꪣꪲ ꪡꪱ ꪵꪠ ꪶꪠꪙ ꪶꪩꪣ ꫃ꪜꪙ ꪹꪄꪱ ꪹꪣ ꪤꪴ ꪀꪺꪉ ꪹꪭꪙ ꪵꪀꪉ ꪙꪉꪰ ꪘꪉꪰ ꪔꪉꪰ ꪘꪉꪰ ꪹꪥꪉ ꪼꪣ ,ꪔꪙꪲ ꪹꪚꪱ ꪼꪒ ꪕꪒꪸ ꪒꪙꪲ. ꪢꪮꪒ ꫃ꪢꪒ ꪒꪙꪸ ꪀꪺꪉ ꪹꪭꪙ.

          ꪝꪉꪳ ꪫꪀꪸ ꪹꪚꪱ ꫃ꪜꪙ ꫃ꪥꪒ: ꪹꪚꪱ ꫃ꪜꪙ ꪼꪜ ꪔꪱꪉ ꪙꪮꪀ ꫄ꪋ ꪒꪱꪉ ꪹꪀꪒ ꪎꪉꪲ ꪮꪮꪀ ꪡꪱ ꪵꪠ ꪶꪠꪙ ꪶꪩꪣ.

          ꪹꪏꪉ ꪏꪳ ꪊꪉꪰ ꪭꪀꪸ ꪹꪀꪒ ꪎꪉꪲ ꪮꪮꪀ ꪡꪱ ꪄꪱ?

          ꪡꪱ ꪄꪱ ꫄ꪩꪉ ꪹꪀꪒ ꪎꪉꪲ ꪮꪮꪀ ꪕꪮꪥ ꪡꪱ ꪵꪠ ꪶꪠꪙ ꪶꪩꪣ. ꪡꪱ ꪄꪱ ꪨꪷ ꪵꪖꪫ ꪒꪙꪸ ꪵꪭꪉ ꪵꪔ ꪁꪱ ꪡꪱ ꪕꪚꪾ ꪶꪩꪉ ꪒꪙꪲ. ꪡꪱ ꪄꪱ ꫄ꪩꪉ ꪄꪱ ꪻꪎ ꪝꪉꪳ ꪚꪮꪙ ꪎꪴꪉ ꪹꪏꪉ ꪀꪷ ꪼꪣ ꪻꪐ ,ꪹꪎꪱ ꪒꪙꪸ ꪵꪀꪉ ꪝꪉꪳ ꪊꪮꪣ ꪝꪴ. ꪡꪱ ꪄꪱ ꪑꪉꪰ ꪄꪱ ꪻꪎ ꪹꪋꪉ ꪄꪮꪉ ꫃ꪨꪀ ꪩꪱꪥ ꪵꪀꪉ ꪙꪣꪾ, ꪹꪝ ꪝꪉꪳ ꪔꪱꪉ ꫄ꪊꪒ ꪙꪲ ꪝꪮꪣ ꪮꪺꪙ ꪒꪙꪸ ꪉꪱꪥ.

          ꪄꪴ ꪬꪣꪸ ꪭꪱꪥ ꪄꪮꪉ ꪡꪱ ꪄꪱ:

          ꪠꪱ ꪄꪱ ꪢꪲ ꪹꪏꪉ ꫃ꪥꪒ ꪔꪱꪥ ꫛ ꪵꪀꪉ ꪠꪱ ꪭꪱꪥ ꪹꪭꪙ ꪤꪱꪫ. ꪡꪱ ꪄꪱ ꪣꪲ ꫄ꪋ ꪑꪉꪰ ꪨꪷ ꪶꪀꪀ ꪜꪱꪥ ꫃ꪥꪒ ꪹꪀꪒ ꪎꪉꪲ ꪮꪮꪀ ꪝꪉꪳ ꪋꪴ ꪼꪡ ꪼꪢ.

          ꪝꪉꪳ ꪫꪀꪸ ꫃ꪜꪙ ꫃ꪥꪒ ꪵꪀꪉ ꪹꪚꪱ ꫃ꪜꪙ ꫃ꪥꪒ:

          ꪝꪉꪳ ꪫꪀꪸ ꫃ꪜꪙ ꫃ꪥꪒ: ꫄ꪋ ꪣꪲ ꪡꪱ ꪨꪉꪰ ꪡꪱ ꪄꪱ ꫃ꪜꪙ ꪤꪴ ꪀꪺꪉ ꪹꪭꪙ ꪹꪚꪱ ꪁꪷ ꪫꪽ ꪡꪱꪫ ꪼꪜ ꪤꪴ ꪚꪮꪙ ꪕꪉꪸ ꪮꪱꪙ. ꪤꪴ ꪨꪀꪰ ꪝꪉꪳ ꪀꪷ ꪼꪣ ꪻꪐ ,ꪹꪎꪱ ꪒꪙꪸ ꪵꪀꪉ ꪒꪙꪸ ꪖꪫꪱꪥ ꪹꪝ ꪝꪉꪳ ꪔꪱꪉ ꪹꪋꪉ ꪙꪲ ꫄ꪩꪉ ꪊꪺꪚ ꪡꪱ ꪄꪱ.

          ꪝꪉꪳ ꪫꪀꪸ ꪹꪚꪱ ꫃ꪜꪙ ꫃ꪥꪒ: ꪹꪚꪱ ꫃ꪜꪙ ꪎꪴ ꪒꪙꪸ ꪖꪫꪱꪥ ꪵꪀꪉ ꪹꪚꪱ ꫃ꪜꪙ ꪼꪜ ꪕꪱꪉ ꪙꪮꪀ ꫄ꪋ ꪣꪲ ꪡꪱ ꪄꪱ.

          ꪹꪏꪉ ꪏꪳ ꪊꪉꪰ ꪭꪀꪸ ꪵꪀꪒ ꪎꪉꪲ ꪮꪮꪀ ꪶꪩꪣ ꪜꪙꪲ ꪹꪁꪱ?

          ꪶꪩꪣ ꪜꪙꪲ ꪹꪁꪱ ꪨꪷ ꪶꪩꪣ ꫃ꪜꪙ ꪹꪩꪱ ꪄꪙꪳ ꪹꪏꪉ ꪶꪥꪀ ꪵꪀꪉ ꪝꪒꪰ ꪼꪜ ꪫꪽ ꪘꪉꪰ ꫃ꪕꪉ ꪒꪙꪲ ꪵꪀꪉ ꪘꪱ ꪙꪣꪾ ꫃ꪚ. ꫃ꪜꪙ ꪹꪩꪱ ꪄꪙꪳ ꪀꪴꪒ ꪀꪺ ꪵꪀꪣ ꪕꪮꪥ ꪒꪙꪲ ꪶꪠꪉ ꪐꪉꪲ ꪹꪐ.

          ꪄꪴ ꪬꪣꪸ ꪭꪱꪥ ꪄꪮꪉ ꪶꪩꪣ ꪜꪙꪲ ꪹꪁꪱ:

          ꪶꪩꪣ ꪜꪙꪲ ꪹꪁꪱ ꪹꪀꪒ ꪎꪉꪲ ꪮꪮꪀ ꪹꪚꪱ ꪹꪉꪱ, ꪵꪀꪉ ꫃ꪥꪒ ꪏꪒꪸ ꪭꪱꪥ ꪘꪀꪰ ꪘꪱ. ꪣꪲ ꪹꪏꪉ ꪩꪱꪫ ꪹꪭꪙ ꪤꪱꪫ ꪵꪀꪉ ꪠꪴ ꫛ ꪼꪜ ꪕꪮꪥ.

          ꪝꪉꪳ ꪫꪀꪸ ꫃ꪜꪙ ꫃ꪥꪒ ꪵꪀꪉ ꪹꪚꪱ ꫃ꪜꪙ ꫃ꪥꪒ:

          ꪝꪉꪳ ꪫꪀꪸ ꫃ꪜꪙ ꫃ꪥꪒ: ꫃ꪫꪙ ꪎꪸ ꪕꪱꪉ ꪼꪜ ꪄꪮꪉ ꪶꪩꪣ ꪜꪙꪲ ꪹꪁꪱ ꪵꪀꪉ ꪎꪱꪫ ꪚꪮꪙ ꪤꪴ ꪕꪉꪸ ꪮꪱꪙ. ꪤꪴ ꪀꪺꪉ ꪹꪭꪙ ꫄ꪋ ꪣꪲ ꪶꪩꪣ ꪜꪙꪲ ꪹꪁꪱ ꪪꪒꪰ ꪤꪴ ꪀꪮꪉ ꪝꪱꪙ ꪹꪚꪱ ꪁꪷ ꪀꪮꪉ ꪹꪥꪉ. ꪫꪱ ꪹꪚꪱ ꫄ꪩꪚ ꪵꪩꪙ ꪭꪳ ꪵꪕꪫ ꪶꪩꪉ ꪭꪮꪉ ꪕꪱꪉ ꪹꪚꪱ ꪁꪷ ꪙꪮꪙ ꪶꪩꪉ ꪘꪉꪰ ꪒꪙꪲ.

          ꪝꪉꪳ ꪫꪀꪸ ꪹꪚꪱ ꫃ꪜꪙ ꫃ꪥꪒ: ꪹꪚꪱ ꫃ꪜꪙ ꪼꪜ ꪕꪱꪉ ꪙꪮꪀ ꫄ꪋ ꪣꪲ ꪶꪩꪣ ꪜꪙꪲ ꪹꪁꪱ. ꪹꪚꪱ ꫃ꪜꪙ ꪤꪴ ꪘꪉꪰ ꪠꪉꪸ ꪀꪫꪱꪉ.

          ꪹꪏꪉ ꪏꪳ ꪊꪉꪰ ꪭꪀꪸ ꪹꪀꪒ ꪎꪉꪲ ꪮꪮꪀ ꪢꪱꪀ ꫃ꪭꪚ ꪶꪔꪀ:

          ꪶꪠꪙ ꪢꪱꪀ ꫃ꪭꪚ ꪶꪔꪀ ꪨꪷ ꪶꪠꪙ ꪣꪲ ꪝꪉꪳ ꪔꪮꪙ ꪒꪱꪙ ꪙꪮꪥ ꪻꪐ ꪶꪔꪀ ꪶꪩꪉ ꪒꪙꪲ. ꫄ꪩꪉ ꪹꪄꪫꪥ ꪶꪠꪙ ꪢꪱꪀ ꫃ꪬꪚ ꪶꪔꪀ ꪔꪮꪙ ꪕꪷ ꪵꪀꪙ ꪹꪄꪱ ꪩꪲ, ꪢꪱꪀ ꪖꪺ ꪭꪱꪀ ꪫꪱ ꪣꪲ ꫄ꪋ ꪕꪷ ꪘꪺꪥ ꪼꪎ ꪹꪚꪱ ꪁꪷ ꪻꪐ ꪹꪏ.

          ꪄꪴ ꪬꪣꪸ ꪭꪱꪥ ꪄꪮꪉ ꪢꪱꪀ ꫃ꪬꪚ ꪶꪔꪀ:

          ꪶꪠꪙ ꪢꪱꪀ ꫃ꪬꪚ ꪶꪔꪀ ꫃ꪥꪒ ꪬꪣꪸ ꪭꪱꪥ ꪭꪮꪒ ꪀꪷ ꪜꪴꪀ ꪶꪚꪉ. ꪝꪉꪳ ꪔꪮꪙ ꪒꪱꪙ ꪻꪐ ꪣꪲ ꪹꪏꪉ ꫃ꪥꪒ ꪻꪬ ꪠꪴ ꫛ ꪵꪀꪉ ꪶꪔ ꪵꪔꪉ ꪩꪉꪸ ꪊꪺꪚ ꫃ꪊꪚ ꪚꪱꪒ ꪹꪚꪱ ꪁꪷ ꪊꪺꪚ ꪏꪒꪸ ꪣꪷ.

          ꪝꪉꪳ ꪫꪀꪸ ꫃ꪜꪙ ꫃ꪥꪒ ꪵꪀꪉ ꪹꪚꪱ ꫃ꪜꪙ ꫃ꪥꪒ:

          ꪝꪉꪳ ꪫꪀꪸ ꫃ꪜꪙ ꫃ꪥꪒ: ꫃ꪜꪙ ꪤꪴ ꪀꪺꪉ ꪹꪭꪙ ꫄ꪋ ꪣꪲ ꪶꪠꪙ ꪢꪱꪀ ꫃ꪬꪚ ꪶꪔꪀ.

          ꪝꪉꪳ ꪫꪀꪸ ꪹꪚꪱ ꫃ꪜꪙ ꫃ꪥꪒ: ꪹꪚꪱ ꪼꪒ ꪼꪜ ꪕꪱꪉ ꪙꪮꪀ ꫄ꪋ ꪒꪱꪉ ꪣꪲ ꪶꪠꪙ ꪢꪱꪀ ꫃ꪬꪚ ꪶꪔꪀ.

ꪬꪫꪙꪸ ꪥꪀꪲ