ꪝꪲ ꪙꪮꪉ ꪊꪣꪾ ꪋꪽ ꪹꪮꪱ ꪀꪽ ꪵꪀꪉ ꪝꪉꪳ ꪄꪴ ꫄ꪁꪙ ꪭꪴ

ꪝꪲ ꪙꪮꪉ ꪊꪣꪾ ꪋꪽ ꪹꪮꪱ ꪀꪽ ꪨꪷ ꪭꪒꪲ ꪅꪮꪉ ꪹꪀꪱ ꪵꪀ ꪣꪲ ꪹꪔ ꫄ꪬꪉ ꪣꪱ ꪵꪩꪫ. ꪩꪺꪒ ꪹꪮꪱ ꪠꪺ ꪹꪮꪱ ꪣꪸ ꪵꪔꪉ ꪹꪭꪙ ꪨꪱ ꪤꪱꪫ ꪣꪸ ꪔꪒꪰ ꪜꪙꪴ ꪣꪱ ꪕꪱꪉ ꪝꪲ ꪙꪮꪉ ꪊꪣꪾ ꪋꪽ ꪹꪚꪱ ꫃ꪜꪙ ꪹꪮꪱ ꪀꪽ: “ ꪹꪮꪱ ꪠꪺ ꪹꪮꪱ ꪣꪸ ꪹꪚꪱ ꪁꪷ ꪀꪙꪲ ꪤꪴ ꪕꪮꪥ ꪀꪽ ꪹꪏꪉ ꪠꪴ ꪹꪏꪉ ꪣꪸ ꪄꪮꪉ ꫛ ꪭꪺꪣ ꪭꪷ ꪹꪙꪫ ꪹꪖꪫ ꪹꪩꪒ; ꪄꪮꪉ ꪝꪉꪳ ꫛ ꪨꪷ ꪝꪲ ꪙꪮꪉ ꫃ꪭ ꪀꪱꪥ 3 ꪋꪺ; ꪄꪮꪉ ꪮꪱꪥ ꫄ꪣ ꪩꪉꪸ ꪀꪚꪾ ꪩꪴꪀ ꪩꪉꪸ; ꪝꪷ ꪜꪴ ꪀꪚꪾ ꪩꪴꪀ ꪻꪝ, ꪵꪣ ꪙꪱꪥ ꪀꪚꪾ ꪩꪴꪀ ꪹꪄꪶ, ꪮꪱꪥ ꪻꪢ ꪀꪚꪾ ꪩꪴꪀ ꪣꪸ, ꪹꪣ ꪙꪱ ꪀꪚꪾ ꪩꪴꪀ ꪠꪺ”.

          ꪁꪷ ꫃ꪬꪙ ꪮꪮꪀ ꪨꪱꪥ ꪄꪴ ꪭꪱꪥ ꪹꪝ ꪝꪲ ꪙꪮꪉ ꪭꪺꪣ ꪭꪷ ꪵꪙꪫ ꪵꪖꪫ ꪹꪩꪒ ꪹꪮꪱ ꪀꪽ ꪹꪏꪉ ꪨꪱꪙ ꪒꪲꪭ ꪪꪽ K’ Rể ꫛ ꪥꪴ ꪁꪱ ꪭꪫꪙꪸ ꫃ꪎꪙ ꪬꪱ, ꪀꪫꪱꪉ ꪈꪱꪥ ꪨꪱꪙ ꪀꪷ ꪹꪚꪱ ꪭꪴ ꪻꪐ. ꪨꪱꪙ K’Rể ꪵꪔ ꫄ꪋ ꪮꪮꪀ ꪣꪱ ꪀꪷ ꪕꪷ ꪁꪷ ꪣꪳ ꪶꪖꪥ , ꪭꪮꪒ ꪼꪅ 8 ꪜꪲ ꪵꪩꪫ ꪎꪴꪉ ꪤꪱꪫ 55 ꫄ꪡꪙ ,ꪘꪀꪰ 3 ꫄ꪀꪙ ꪖꪮꪉ. ꪕꪮꪥ ꪄꪫꪱ ꪭꪮꪀ ꪹꪫꪱ ꪮꪮꪀ ꪨꪷ ꪶꪝ ꪮꪱꪥ ꫃ꪯꪣ ꪨꪱꪙ ꪭꪺꪣ ꪭꪷ ꪵꪙꪫ ꪵꪖꪫ ꪹꪩꪒ.

          ꪝꪉꪳ ꫛ ꪭꪺꪣ ꪭꪷ ꪵꪙꪫ ꪵꪖꪫ ꪹꪩꪒ ꪹꪮꪱ ꪀꪽ, ꪩꪴꪀ ꪹꪔꪱ ꪮꪮꪀ ꪣꪱ ꪣꪲ ꪹꪏꪉ ꫃ꪜꪙ ꪉꪮꪥ ꪵꪁꪫ ꪻꪚ ꪋꪱ ꪣꪲ ꫄ꪋ ꪑꪉꪰ ꪊꪺꪚ ꪏꪒꪸ ꪣꪷ. ꪘꪉꪰ ꪫꪒꪸ ꪘꪱꪙ ,ꪣꪲ ꪚꪮꪙ ꪩꪺꪉ ꪭꪴ ꪏꪉꪲ ꪄꪮꪉ ꫛ ꫄ꪤꪙ ꪑꪉꪰ ꪔꪣꪾ, ꪝꪲ ꪙꪮꪉ ꫄ꪩꪉ ꪈꪣꪾ ꪝꪲ ꪙꪮꪉ ꪊꪣꪾ ꪋꪽ ꪹꪮꪱ ꪀꪽ ꪉꪸ ꪁꪱꪒ ꪎꪱꪙ ꪋꪲ ꪔꪣꪳ ꪘꪫꪸ ꪢꪽ ꪹꪏ.

          ꪬꪱꪀ ꪫꪱ, ꪩꪺꪒ ꪹꪮꪱ ꪠꪺ ꪹꪮꪱ ꪣꪸ ꪵꪔꪉ ꪹꪭꪙ ꪨꪱ ꪤꪱꪫ ꪕꪒꪰ ꪜꪴꪙ ꪵꪊꪉ: “ ꪝꪉꪳ ꫛ ꪭꪺꪣ ꪭꪷ ꪵꪙꪫ ꪵꪖꪫ ꪹꪩꪒ  ꪯꪽ ꪨꪷ ꪮꪱꪥ ꫃ꪯꪣ ꪀꪚꪾ ꪩꪴꪀ ,ꪜꪴ ꪥꪱ, ꪔꪱ ꪙꪱꪥ ꪀꪚꪾ ꪨꪱꪙ ꪙꪮꪥ. ꪄꪮꪉ ꪜꪉꪳ ꫛ ꪭꪺꪣ ꪭꪷ ꪀꪺꪉ 3 ꪋꪺ: ꪮꪱꪥ ꫃ꪯꪣ ꪨꪷ ꪋꪴ ꪶꪀꪀ ꪵꪅꪫ ,ꪙꪮꪉ ꪝꪲ ꪭꪺꪣ ꪮꪱꪥ ꫃ꪯꪣ ,ꪭꪺꪣ ꫃ꪯꪣ ꪹꪚꪱ ꪀꪷ ꪭꪺꪣ ꪮꪱꪥ ꪨꪷ ꪋꪺ ꪖꪳ 2, ꪙꪮꪉ ꪝꪲ ꪩꪴꪀ ꪜꪱ ꪩꪴꪉ ,ꪮꪱꪫ ꪮꪱ ꪨꪷ ꪋꪺ ꪖꪳ 3”.

          ꪣꪲ ꪹꪏꪉ ꪫꪱ ꪼꪪ ꪝꪲ ꪙꪮꪉ ꪭꪴ ꪵꪊꪉ ꪹꪏ  ꪝꪉꪳ ꫛ ꪭꪺꪣ ꪜꪴ ꪥꪱ ꪔꪱ ꪙꪱꪥ ꪼꪒ ꪒꪴ ꪨꪷ ꪋꪺ ꪶꪀꪀ ꪵꪅꪫ. ꪁꪳ ꪙꪚꪾ ꪶꪩꪉ ꪭꪮꪒ ꪋꪺ ꫛ ꪵꪮ ꪹꪮꪱ ꪠꪺ ꪹꪮꪱ ꪣꪸ ꪫꪱ ꪨꪷ ꪋꪺ ꪖꪳ 4 ꪭꪳ ꪹꪮꪱ ꪀꪽ ꪼꪒ ꪕꪮꪥ ꪕꪒꪰ ꪜꪴꪙ ꪄꪮꪉ ꪩꪺꪒ ꪹꪮꪱ ꪠꪺ ꪹꪮꪱ ꪣꪸ ꪵꪔꪉ ꪹꪭꪙ ꪨꪱ ꪤꪱꪫ, ꪫꪱ ꫛ ꫃ꪭ ꪀꪱꪥ 3 ꪋꪺ ꪼꪒ ꪒꪴ ꪨꪷ ꪝꪲ ꪙꪮꪉ ꪭꪺꪣ ꪭꪷ ꪵꪙꪫ ꪵꪖꪫ ꪹꪩꪒ.

          ꪋꪣꪾ ꪫꪱ ꪠꪱꪚ ꪩꪺꪒ ꪕꪒꪰ ꪜꪴꪙ ꪹꪏꪉ ꪙꪽ, ꪬꪱꪀ ꪫꪱ ꪘꪉꪰ ꪨꪱꪥ ꪚꪮꪙ ꪀꪷ ꪑꪉꪰ ꫃ꪬꪙ ꪮꪮꪀ ꪩꪴꪀ ꪙꪮꪉ ꪩꪴꪀ ꪝꪲ ꪹꪮꪱ ꪀꪽ.

          ꪏꪴꪣ ꪹꪭꪱ ꫄ꪁꪙ ꪼꪒ ꪭꪴ ꪵꪊꪉ ꪝꪉꪳ ꪕꪒꪰ ꪜꪴꪙ ꪄꪮꪉ ꪠꪱꪚ ꪩꪺꪒ ꪼꪫ ꪣꪲ ꪚꪮꪙ ꫄ꪝꪉ ꪹꪘꪉ ꪐꪽ ꪹꪥꪉ ꪵꪊꪉ ꪹꪏ ꪣꪱ ꪕꪱꪉ ꪝꪲ ꪙꪮꪉ ꪭꪺꪣ ꪭꪷ ꪵꪙꪫ ꪵꪖꪫ ꪹꪩꪒ ꪹꪮꪱ ꪀꪽ.

ꪶꪬꪉ ꪫꪒꪸ-ꪬꪫꪙꪸ ꪥꪲꪀ