ꪊꪉꪲ ꪵꪎꪀ ꪚꪱꪫ ꪬꪣꪸ ꪀꪚꪾ ꪜꪺꪉ ꪀꪙꪲ ꫄ꪓꪥ ꪤꪴ

ꪝꪉꪳ ꫛ ꪻꪒ ꫃ꪬꪙ ꪘꪱ ꪻꪢ ꪋꪲ ꪼꪒ ꪹꪬꪉ 100% ꪚꪱꪫ ꪬꪣꪸ ꪮꪲ ꫃ꪔ?

ꪝꪱ ꪒꪱꪫ ꪖꪲ ꪁꪣꪲ ꫄ꪉꪙ ꪵꪗꪉ ꪶꪠ ꪭꪱ ꪶꪙꪥ ꪖꪱꪣ:

ꪄꪮꪥ ꪣꪲ ꪵꪖ ꪚꪱꪫ ꪬꪣꪸ ꪘꪉꪰ ꪹꪭꪙ ꪤꪱ 198, ꪵꪗꪉ ꪺꪠ ꪭꪱ ꪶꪙꪥ ꪵꪮ ꫃ꪬꪙ ꪘꪱ ꪘꪉꪰ ꪹꪭꪙ ꪤꪱ ꪑꪲ ꪬꪉꪳ ꪮꪙꪸ. ꪹꪏꪉ ꪙꪽ ꪄꪮꪥ ꪋꪲ ꪼꪒ ꪹꪬꪉ ꪚꪱꪫ ꪬꪣꪸ ꪮꪲ ꫃ꪔ ꪫꪱ ꪹꪚꪱ? ꫄ꪋ ꪮꪮꪀ ꪵꪯ ꪙꪮꪥ ꪊꪺꪚ ꪜꪱꪒ ꪭꪳ ꪫꪱ ꪹꪚꪱ ꪊꪺꪚ ꪜꪱꪒ ꪭꪳ ꪢꪀꪳ ꪹꪬꪉ ꪹꪏꪉ ꪏꪳ?

ꪚꪱꪫ ꪬꪣꪸ ꪎꪱ ꪶꪭꪥ ꪫꪒꪸ ꪘꪱꪣ ꪔꪮꪚ ꪣꪱ ꪕꪱꪉ ꪘꪱ ꪫꪲꪀ ꪙꪲ ꪹꪏꪉ ꪩꪉꪰ:

꫄ꪝꪉ ꪻꪎ ꪄꪫꪱꪙ 5 ꪵꪀꪉ ꪄꪫꪱꪙ 8, ꪒꪫꪸ 8 ꪶꪖꪉ ꪕꪳ ꪨꪙꪸ ꪕꪀꪲ ꪶꪎ 41 ꪜꪲ 2014 ꪣꪳ 24 ꪁꪣꪾ ꪹꪚꪙ 11 ꪄꪮꪉ ꪩꪙꪸ ꪶꪛ ꪮꪲ ꫃ꪔ ,ꪶꪛ ꪔꪱꪥ ꪊꪉꪲ ꪋꪲ ꪚꪮꪀ ꫄ꪊꪚ ꪙꪣꪾ ꪚꪱꪫ ꪬꪣꪸ ꪮꪲ ꫃ꪔ ,ꪫꪱ ꫛ ꪋꪙꪸ ꪔꪫꪙꪸ ꪄꪱꪣ ꫃ꪛꪉ ,ꫛ ꪶꪋꪣ ꪭꪚꪾ ꪚꪱꪫ ꪬꪣꪸ ꪮꪲ ꫃ꪔ ꪫꪱ ꪹꪚꪱ ꪊꪺꪚ ꫄ꪀꪚ ꪀꪫꪲ ꪭꪳ ꪼꪒ ꪄꪱꪣ ꪤꪱ ꫃ꪛꪉ ꪹꪣ ꪵꪄꪫ ꪘꪉꪰ ꫄ꪀ ꫄ꪎ ꪮꪲ ꫃ꪔ ꪔꪫꪙꪸ ꪊꪫꪙꪸ ꪶꪢꪙ ꪀꪲ ꪖꪺꪒ ꪕꪷ ꪀꪚꪾ ꫄ꪀ ꫄ꪎ ꪒꪉꪰ ꪀꪲ ꪄꪱꪣ ꪤꪱ ꫄ꪛꪉ ꪹꪢ ꪵꪅꪫ ꪚꪙꪸ ꪘꪉꪰ ꪵꪖ ꪚꪱꪫ ꪬꪣꪸ ꪮꪲ ꫃ꪔ ,ꪼꪒ ꪣꪲ ꪵꪖ ꪚꪱꪫ ꪬꪣꪸ ꪮꪲ ꫃ꪔ ꪵꪀꪉ ꪣꪲ ꪊꪸ ꪒꪉꪰ ꪀꪲ ꪤꪴ ꪔꪱꪣ.

ꪀꪱꪥ ꪙꪽ, ꪼꪫ ꪼꪒ ꪹꪬꪉ 100% ꫄ꪉꪙ ꪠꪲ ꪄꪱꪣ ꪤꪱ ꫃ꪛꪉ ꪚꪱꪫ ꪬꪣꪸ ꪮꪲ ꫃ꪔ ꪀꪺꪉ ꪁꪫꪙꪸ ꫄ꪨꪥ ꪵꪀꪉ ꪢꪀꪳ ꪹꪬꪉ ꪚꪱꪫ ꪬꪣꪸ ꪄꪮꪉ ꪜꪱ ꫄ꪋ ꪮꪮꪀ ꪵꪯ ꪙꪮꪥ ꪘꪉꪰ ꪹꪭꪙ ꪤꪱ ꪑꪲ ꪬꪉꪳ ꪮꪙꪸ, ꪭꪳ ꪜꪱ ꪼꪒ ꪣꪸ ꪵꪖ ꪚꪱꪫ ꪬꪣꪸ ꪮꪲ ꫃ꪔ ꪵꪀꪉ ꪊꪸ ꪋꪙꪸ ꪔꪫꪙꪸ ꪄꪮꪉ ꪹꪭꪙ ꪤꪱ 198 ꪹꪚꪱ ꪀꪷ ꪊꪲ ꪤꪴ ꪔꪱꪣ ꪘꪉꪰ ꪬꪉꪳ ꪮꪙꪸ.

ꪪꪱ ꪜꪱ ꪬꪱꪀ ꪼꪜ ꪮꪮꪀ ꪵꪯ ꪙꪮꪥ ( ꪹꪚꪱ ꫄ꪀꪚ ꪀꪫꪲ) ꪘꪉꪰ ꪹꪭꪙ ꪤꪱ ꪑꪲ ꪬꪉꪳ ꪮꪙꪸ ꪭꪴ ꪀꪫꪲꪥ ꪚꪱꪫ ꪬꪣꪸ ꪮꪲ ꫃ꪔ ꪁꪷ ꪵꪖꪉ ꪔꪫꪱꪙ ꪻꪬ ꪜꪱ 60% ꫄ꪉꪙ ꪠꪲ ꪹꪤꪱ ꪤꪱ ꪶꪘꪥ ꪊꪴ. ꪫꪀꪸ ꪜꪱꪒ ꪵꪯ ꪙꪮꪥ ꪮꪮꪀ ꪭꪳ ꪫꪱ ꪹꪚꪱ ꪜꪱꪒ ꪭꪴ ꪼꪒ ꫄ꪝꪉ ꪻꪎ ꪝꪀꪰ ꪵꪭꪉ ꪄꪮꪉ ꪠꪴ ꫃ꪜꪙ ꫃ꪯꪣ ꪵꪀꪉ ꪩꪺꪉ ꪹꪤꪱ ꪤꪱ ꪄꪮꪉ ꪚꪱꪀ ꪎꪲ. ꪹꪝ ꪹꪏꪈ ꪙꪽ, ꪫꪱ ꪜꪱ ꪼꪒ ꪚꪱꪀ ꪎꪲ ꪕꪒꪰ ꪜꪴꪙ ꪻꪬ ꪜꪱꪒ ꪵꪯ ꪙꪮꪥ ꪮꪮꪀ ꪭꪴ ꪼꪒ ꪀꪫꪥꪲ ꪚꪱꪫ ꪬꪣꪸ ꪵꪖꪉ ꪔꪫꪱꪙ ꪵꪣꪙ ꪕꪮꪥ ꪢꪀꪳ ꪹꪬꪉ ꪚꪙꪸ ꪢꪱꪥ ꪘꪉꪰ ꪵꪖ ꪚꪱꪫ ꪬꪣꪸ ꪮꪲ ꫃ꪔ.

ꪹꪖꪉ ꪖꪫꪲꪥ -ꪬꪫꪙꪸ ꪤꪀꪲ