San bai dà té cò nghịu

          San bai dà toi kinh nghiệm:

          1-Dà chơ lăm mo nắc nưới pộ dệt vịa nắc: Bók nghịu 500 bắc, mák phặc 500 bắc, phắc ók piếng nọi, xàng khủa khửn, tổm cắp 2 lít nặm, tổm xiểu nhăng dáo 800 ml, pằn ók 4 tưa, kìn cuồng mự, kìn cón pựa kìn 30 phút.

          2-Dà chếp èo cánh chếp hùa kháu: Hạ cò nghịu 60 bắc, xuối pẹk hỉa xắư 500 ml nặm, tổm xiểu nhăng dáo thóng, pằn ók 2 tưa kìn cuòng mự, kìn diên cuồng dan 10 mự.

          3-Căư đành pộ chếp bát: Nằng báu cọ hạ cò nghịu che lảu ta tang nọk báu cọ tằm mun ók pọ xắư bón cằư chếp. Mi xương xủ nẳng nghịu dáo 100 bắc. Nằng nghịu lọk pứak tang nọk xìa, phặc, tằm mun ók, xủ nặm dấm cánh lảu xắư sàn khủa khửn lẹo pọk xắư bón chếp chơ nhăng họn.

          4-Dà cộn cộ: Năng nghịu, bằư nát xuối pẹk, tằm mun, pọk xắư bón chếp, mự 2 tưa. Báu cọ nẳng nghịu 16 bắc( khụt pứak tang nọk xìa, xàng khủa khửn àu lảu xắư), bằư ơlợt 1bắc, xàng khủa khửn, hỉa dáo 750 ml nặm, tổm xiểu khửn nhăng dáo 250 ml nặm, bánh pằn ók 2 tưa kìn cuồng mự, kìn diên cuồng 3 mự.

          5-Dà ày mi khỉ khư như: bók nghịu 15 bắc, phắc khỉ táu 15 bắc, tang bạch bì 10 bắc tổm cắp 750 ml nặm, tổm xiểu nhăng dáo 250 ml nặm, pằn ók 2 tưa kìn cuồng mự, kìn cuồng 5 mự diên.

          6-Dà chếp pùm tháo tọng pộ kìn căm kìn đíp cưm: Bók nghịu 30 bắc, suối pẹk tổm cắp 550 ml nặm, tổm xiểu nhăng dáo thóng, pằn ók 3 tưa kìn cuồng mự. Kìn 5 mự diên. Báu cọ bók nghịu 15 bắc, kim ngân hoa 15 bắc, phượng vĩ thảo 15 bắc xuối pẹk, àu xắư 550 ml nặm tổm xiểu nhăng dáo thóng, pằn ók 3 tưa kìn cuồng mự.

          7-Dà chếp khẻo: Nẳng nghịu 20 bắc, tổm xiểu, ồm lài tưa cuồng mự.

8-Dà pền phì: àu bók nghịu đíp, tằm mun pọk xắư bón pền phì đàng căư. Mự pọk té tưa nưng họt 2 tưa lỏ chí báu chếp dỏn, chí hóm văn xưa./.

                                                      Báo SKĐS-Huyền dịch

                                        ꪏꪱꪙ ꪛꪱꪥ ꪤꪱ ꪵꪔ ꪀꪷ ꪉꪫꪲ

          ꪏꪱꪥ ꪛꪱꪥ ꪤꪱ ꪕꪮꪥ ꪀꪉꪲ ꪉꪣꪸ

1-ꪥꪱ ꫄ꪋ ꪩꪣꪾ ꪣꪷ ꪘꪀꪰ ꪹꪘꪥ ꪶꪝ ꫃ꪥꪒ ꪫꪀꪸ ꪘꪀꪰ: ꪚꪮꪀ ꪉꪫꪲ 500 ꪚꪀꪰ, ꪢꪱꪀ ꪡꪀꪰ 500 ꪚꪀꪰ, ꪠꪀꪰ ꪮꪮꪀ ꪜꪉꪸ ꪙꪮꪥ ꪎꪱꪉ ꪄꪺ ꪄꪙꪳ, ꪶꪔꪣ ꪀꪚꪾ 2 ꪨꪒꪲ ꪙꪣꪾ ,ꪶꪔꪣ ꪎꪫꪸ ꪑꪉꪰ ꪤꪱꪫ 800 ꪣꪲ ꪩꪲ ꪨꪒꪲ ꪙꪣꪾ ꪜꪽ ꪮꪮꪀ 4 ꪹꪕ, ꪀꪙꪲ ꪀꪺꪉ ꪣꪳ ꪀꪙꪲ ꪀꪮꪙ ꪹꪝ ꪀꪙꪲ 30 ꪠꪴꪒ.   

2-ꪤꪱ ꫃ꪊꪚ ꪵꪮꪫ ꪵꪀꪉ ꫃ꪊꪚ ꪬꪺ ꪹꪄꪱ: ꪭꪱꪀ ꪀꪷ ꪉꪫꪲ 60 ꪚꪀꪰ ꪎꪺꪥ ꪵꪝꪀ ꪬꪸ ꪻꪎ 500 ꪣꪲ ꪩꪲ ꪨꪒꪲ ꪙꪣꪾ, ꪶꪔꪣ ꪎꪫꪸ ꪑꪉꪰ ꪤꪱꪫ ꪖꪮꪉ ,ꪜꪽ ꪮꪮꪀ 2 ꪹꪕ ꪀꪙꪲ ꪀꪺꪉ ꪣꪳ, ꪀꪙꪲ ꪥꪙꪸ ꪀꪺꪉ ꪥꪱꪙ 10 ꪣꪳ.

3-ꪤꪱ ꫄ꪋ ꫃ꪊꪚ ꪚꪱꪒ ꪻꪁ ꪵꪒꪉ ꪄꪙꪳ: ꪘꪉꪰ ꪹꪚꪱ ꪁꪷ ꪭꪱꪀ ꪀꪷ ꪉꪫꪲ ꪵꪋ ꪹꪨꪱ ꪕꪱ ꪕꪱꪉ ꪙꪮꪀ ꪹꪚꪱ ꪀꪷ ꪔꪣꪾ ꪣꪴꪙ ꪮꪮꪀ ꪝꪷ ꪻꪎ ꪚꪮꪙ ꫃ꪊꪚ. ꪎꪴ ꪘꪉꪰ ꪉꪫꪲ ꪤꪱꪫ 100 ꪚꪀꪰ. ꪩꪮꪀ ꪹꪜꪀ ꪕꪱꪉ ꪙꪮꪀ ꪎꪸ, ꪔꪣꪾ ꪣꪴꪙ ꪮꪮꪀ ꪎꪴ ꪙꪣꪾ ꫄ꪤꪣ ꪵꪀꪉ ꪹꪨꪱ ꪎꪱꪉ ꪄꪺ ꪄꪙꪳ ꪵꪩꪫ ꪝꪮꪀ ꪻꪎ ꪚꪮꪙ ꫃ꪊꪚ ꫄ꪋ ꪑꪉꪰ ꪭꪮꪙ.

4-ꪤꪱ ꪶꪁꪙ ꪶꪁꪀ: ꪘꪉꪰ ꪉꪫꪲ, ꪻꪚ ꪘꪱꪒ ꪎꪺꪥ ꪵꪝꪀ ꪔꪣꪾ ꪣꪴꪙ ꪝꪮꪀ ꪻꪎ ꪚꪮꪙ ꫃ꪊꪚ ꪣꪴ 2 ꪹꪕ.

5-ꪤꪱ ꪼꪮ ꪣꪲ ꪄꪲ ꪅꪳ ꪑꪳ: ꪚꪮꪀ ꪉꪫꪲ 15 ꪚꪀꪰ, ꪠꪀꪰ ꪄꪲ ꪹꪔꪱ 15 ꪚꪀꪰ, ꪕꪱꪉ ꪵꪛꪉ ꪚꪲ 10 ꪚꪀꪰ ꪶꪔꪢ ꪀꪚꪾ 750 ꪣꪲ ꪩꪲ ꪨꪒꪲ ꪙꪣꪾ , ꪶꪔꪣ ꪎꪫꪸ ꪑꪉꪰ ꪤꪱꪫ 250 ꪣꪲ ꪩꪲ ꪨꪒꪲ ꪙꪣꪾ, ꪜꪽ ꪮꪮꪀ 2 ꪹꪕ ꪀꪙꪲ ꪀꪺꪉ ꪣꪳ, ꪀꪙꪲ ꪀꪺꪉ 5 ꪣꪳ ꪥꪙꪸ.

6-ꪤꪱ ꫃ꪊꪚ ꪜꪴꪣ ꪖꪱꪫ ꪕꪮꪉ ꪶꪝ ꪀꪙꪲ ꪁꪣꪾ ꪀꪙꪲ ꪒꪚꪲ: ꪚꪮꪀ ꪉꪫꪲ 30 ꪚꪀꪰ ꪎꪺꪥ ꪵꪝꪀ ꪶꪔꪢ ꪀꪚꪾ 550 ꪣꪲ ꪩꪲ ꪨꪒꪲ ꪙꪣꪾ ,ꪶꪔꪣ ꪎꪫꪸ ꪑꪉꪰ ꪤꪱꪫ ꪖꪮꪉ, ꪜꪽ ꪮꪮꪀ 3 ꪹꪕ ꪀꪙꪲ ꪀꪺꪉ ꪣꪳ. ꪀꪙꪲ 5 ꪣꪴ ꪥꪙꪸ.

7-ꪤꪱ ꫃ꪊꪚ ꪵꪄꪫ: ꪘꪉꪰ ꪉꪫꪲ 20 ꪚꪀꪰ ꪶꪔꪣ ꪎꪫꪸ ꪶꪮꪣ ꪨꪱꪥ ꪹꪕ ꪀꪺꪉ ꪣꪳ.

8-ꪤꪱ ꫃ꪜꪙ ꪠꪲ: ꪹꪮꪱ ꪚꪮꪀ ꪉꪫꪲ ꪒꪚꪲ, ꪔꪣꪾ ꪣꪴꪙ ꪮꪮꪀ ꪜꪮꪀ ꪻꪎ ꪚꪮꪙ ꫃ꪜꪘ ꪠꪲ. ꪢꪮꪥ ꪣꪳ ꪜꪮꪀ ꪵꪔ ꪹꪕ ꫜ ꪭꪮꪒ 2 ꪹꪕ ꪨꪷ ꪋꪲ ꪤꪮꪙ ꫃ꪊꪚ , ꪋꪲ ꪬꪮꪣ ꪫꪽ ꪹꪏ.

                                                                                         ꪹꪩꪉ ꪬꪫꪙꪸ ꪥꪀꪲ