ꪉꪮꪙ ꪶꪕ ꪖꪳ 4 ꪣꪳ 26.10.2016
ꪝꪉꪳ ꪄꪴ ꪹꪚꪱ ꪒꪲ ꪵꪔ ꪫꪀꪸ ꪹꪮꪱ ꪺꪠ ꪹꪮꪱ ꪣꪸ ꪵꪔ ꪙꪮꪤ
ꪫꪀꪸ ꪹꪮꪱ ꪺꪠ ꪹꪮꪱ ꪣꪸ ꪵꪔ ꪑꪉꪰ ꪙꪮꪤ ꪁꪰ ꪬꪙ ꪮꪮꪀ ꪘꪉꪰ ꪨꪱꪤ ꪚꪮꪙ, ꪡꪙ ꪨꪱꪤ ꪎꪮꪙ ꪶꪭꪣ ꪘꪰꪉ ꪶꪠꪉ ꪎꪉꪴ ꪨꪀꪰ ꪼꪀ , ꪶꪠꪉ ꪵꪒꪙ ꪹꪣꪉ , ꪶꪠꪉ ꪜꪲ ꪙꪮꪉ ꪹꪋ ꪙꪮꪤ ꫛ ꪒꪱꪉ ꪀꪙꪲ ꪤꪴ. ꪫꪀꪸ ꪹꪮꪱ ꪺꪠ ꪹꪮꪱ ꪣꪸ ꪵꪔ ꪔꪺꪤ ꪑꪉꪰ ꪙꪮꪤ ꪁꪰ ꪤꪒ ꪹꪭꪙ ꪤꪱꪫ ꪀꪒꪰ ꪭꪱꪤ , ꪨꪱꪙ ꪙꪮꪤ ꪹꪚꪱ ꪼꪒ ꪵꪮꪚ ꪎꪳ , ꪩꪀꪴ ꪹꪔꪱ ꪮꪮꪀ ꪣꪱ ꪤꪮꪒ ꪁꪸ…
ꪣꪱ ꪕꪱꪉ ꪝꪀꪰ ꪵꪭꪉ: ꪫꪱ ꪹꪮꪱ ꪺꪠ ꪹꪮꪱ ꪣꪸ ꪵꪔ ꪑꪉꪰ ꪙꪮꪥ ꪭꪳ ꪋꪲ ꪹꪚꪱ ꪣꪲ ꪝꪀꪰ ꪵꪭꪉ , ꪩꪙꪳ ꪹꪏ ꪨꪰ ꪶꪒꪤ ꪀꪚꪰ ꪑꪉꪲ ꪎꪱꪫ ꪀꪮꪉ 15 ꪜꪲ ꪫꪱ ꪣꪒꪰ ꪭꪱꪣ ꪣꪲ ꪹꪏꪉ ꪋꪲ ꪊꪺꪚ ꪏꪒꪸ ꪢꪰ ꪋ ꪬꪙ ꪘꪱ ꪶꪒꪥ ꪀꪚꪰ ꪠꪴ ꪑꪉꪲꪲ ꪀꪱꪤ 20 ꪜꪲ . ꪹꪝ ꪹꪚꪱ ꪬ ꪭꪮꪒ ꪔꪺꪤ ꪤꪴ ꪝꪱ ꪭꪳ ꪚꪱ ꪐꪽ ꪜꪱꪫ ꪢꪱ ꪕꪱꪉ ꪝꪀꪰ ꪵꪭꪉ.
ꪣꪱ ꪕꪱꪉ ꪫꪀꪸ ꪵꪮꪚ ꪭꪮꪀ: ꪫꪱ ꪹꪮꪱ ꪺꪠ ꪹꪮꪱ ꪣꪸ ꪵꪔ ꪙꪮꪤ ꪭꪳ ꪋꪲ ꪹꪚꪱ ꪼꪒ ꪵꪮꪚ ꪭꪮꪀ ꪭꪮꪒ ꪚꪮꪙ ꪭꪮꪒ ꪕꪲ ꪼꪒ ꪫꪱꪉ ꪎꪳ ꪁꪱ ꪀꪱꪉ , ꪋꪲ ꪻꪚ ꪋꪱ , ꪹꪚꪱ ꪭꪴ ꪏꪉꪸ …
ꪣꪱ ꪔꪱꪉ ꪀꪉꪲ ꪔ: ꪋ ꪹꪮꪱ ꪺꪠ ꪹꪮꪱ ꪣꪸ ꪵꪔ ꪙꪮꪤ ꪋꪲ ꪝꪰ ꪨꪱꪤ ꪥꪱꪀ ꪋꪱ ꪀꪺꪉ ꪜꪺꪉ ꪀꪙꪲ ꪩꪺꪉ ꪤꪴ , ꪹꪚꪱ ꪬꪴ ꪩꪺꪉ ꪤꪒ ꪹꪤꪙ, ꪹꪏꪉ ꪙꪽ ꪹꪭꪙ ꪤꪱꪫ ꪋꪲ ꪹꪑꪉ ꪁꪒꪰꪎ ꪁꪉꪴ.
ꪣꪱ ꪕꪱꪉ ꪫꪀꪸ ꪀꪙꪲ ꪜꪴ, ꪮꪙꪲ ꪣꪺꪙ: ꪫꪱ ꪹꪮꪱ ꪠꪺ ꪹꪮꪱ ꪣꪸ ꪵꪔ ꪙꪮꪥ ꪭꪳ ꪋꪲ ꪹꪚꪱ ꪼꪒ ꪤꪉꪰ ꪤꪮꪣ , ꪮꪙꪲ ꪣꪺꪙ ꪹꪏꪉ ꪜꪙꪴ ꪩꪱꪙ ꪵꪀꪉ ꪋꪲ ꪹꪚꪱ ꪼꪒ ꪕꪳ ꪔꪱꪉ ꪶꪋꪣ ꪭꪚꪰ ꪝꪉꪳ ꪩꪺꪉ ꪮꪙꪲ ꪣꪺꪙ ꪮꪙ ꪳ ꪋꪮꪚ ꪶꪎꪣ ꪀꪚꪰ ꪜꪙꪴ ꪩꪱꪙ.
ꪶꪒꪤ ꪀꪚꪰ ꪚꪱꪙ ꪄꪺꪉ: ꪫꪸ ꪹꪮꪱ ꪺꪠ ꪣꪸ ꪵꪔ ꪙꪮꪤ ꪣꪲ ꪹꪏꪉ ꪤꪒ ꪭꪱꪤ ꪭꪮꪒ ꪩꪺꪉ ꪣꪱ ꪵꪝ ꪄꪮꪉ ꪚꪱꪉ ꪹꪣꪉ , ꪫꪱ ꪀꪺꪉ ꪚꪱꪙ ꪣꪲ ꪨꪱꪤ ꫛ ꪻꪚ ꪋꪱ , ꪈꪮꪥ ꪵꪁ , ꪔꪱ ꪚꪮꪒ ꪝꪱꪉ ꪭꪳ ꪋꪲ ꪤꪒ ꪬꪱꪚ ꪢꪀꪰ ꪻꪬ ꪚꪱꪙ ꪹꪣꪉ . ꪎꪮꪉ ꪣꪱ , ꪡꪙ ꪨꪱꪤ ꪶꪎ ꪶꪒꪤ ꪠꪺ ꪣꪸ ꪹꪮꪱ ꪀꪽ ꪵꪔ ꪙꪮꪤ ꪋꪲ ꪼꪒ ꪤꪉꪰ ꪎꪳ ꪎꪸ , ꪹꪚꪱ ꪼꪒ ꪵꪮꪚ ꪭꪮꪀ ꪭꪮꪒ ꪚꪮꪙ ꪭꪮꪒ ꪕꪲ , ꪹꪚꪱ ꪭꪴ ꪏꪉꪸ , ꪹꪭꪙ ꪤꪱꪫ ꪁꪒꪰ ꪁꪉꪴ. ꪣꪲ ꪨꪱꪥ ꪶꪒꪤ ꪠꪺ ꪣꪸ ꪁꪰ ꪭꪱꪉ ꪀꪽ , ꪤꪒ ꪏꪒꪸ ꪻꪬ ꪩꪀꪴ ꪹꪕꪱ …
ꪏꪣꪴ ꪹꪭꪱ ꪁꪙ ꪣꪲ ꪫꪀꪸ ꪤꪒ ꪅꪀꪰ ꪅꪰ ꪹꪏꪉ ꪋꪙꪸ ꪜꪱꪫ , ꪘꪫꪸ ꪹꪋ ꪚꪮꪀ ꪎꪮꪙ ꪵꪀꪉ ꪕꪒꪰ ꪜꪙꪴ ꪨꪱꪤ ꪩꪺꪉ ꪡꪱꪒ ꪻꪢ ꪎꪳ ꪢꪉꪲ ꪵꪣꪙ ꪕꪮꪤ ꪠꪱꪚ ꪩꪺꪒ. ꪫꪱ ꪤꪒ ꪼꪒ ꪹꪏꪉ ꪙꪽ ꪊꪉꪰ ꪋꪲ ꪣꪲ ꪹꪏꪉ ꪚꪮꪀ ꪎꪮꪙ ꪵꪀꪉ ꪡꪱꪚ ꪭꪚꪰ ꪼꪒ ꪝꪉꪳ ꫛ ꪤꪒ ꪠꪒꪲ , ꪎꪮꪉ ꪢꪱ ꪋꪲ ꪀꪱꪣ ꪤꪮꪙ ꪎꪲ ꪼꪒ ꪫꪀꪸ ꪹꪮꪱ ꪠꪺ ꪹꪮꪱ ꪣꪸ ꪵꪔ ꪕꪺꪤ ꪑꪉꪰ ꪙꪮꪤ …
ꪶꪬꪉ ꪫꪒꪸ - ꪵꪬꪉ ꪤꪀꪲ
Viết bình luận