Bệnh pền niềng- Cốc pài dệt ók bệnh cánh luông chự phong

Cốc pài dệt ók bệnh:

          -Pưa đút thiếu I ốt cuồng lăm mo: Chu mự lăm mo nhẳn số I ốt cánh chất dinh dương hẳư tuyến giáp trạng. Va tuyến giáp trạng báu nhẳn po I ốt chí dệt hẳư vịa bài tiết dón lông. Cài nặn dệt hẳư tuyến giáp đảy nhắư khửn vạy dệt ók Ho óc môn, dệt bềnh cắư khửn, khék lỏ pền niềng.

          -Pền pưng khù báu đì té chơ ók ma: Pưa xủ lạ hy lài mự san tàng dà xương cừa Li thi um, dà kháng giáp tổng hợp, pưng dàng dà mi chất I ốt( dà pền ngạp, dà chếp co tìn co mư….) Pưa xương nặn chơ xủ pưng tàng dà nị cận pồng chằư cánh dệt toi luông chík bók khòng bác sĩ chuyên khoa.

          - Pộ kìn lài chương kìn mi chất dệt hại họt ho óc môn giáp xương pưng tàng phắc cát, măn cò…

          -Phủ nhinh chuốp kích thích thần kinh cuồng dan dú pa báu cọ đàng hẳư lụk kìn nôm.

          Pưng khù lâng hền ók chơ pền bệnh pền niềng:

          Co nhắư khửn, san côn hền pék xương kẹn nẳng co. Khù nị mi xương đảy côn ứn hụ hền ók báu cọ pày khám pặc hanh.

          San côn hền nắc nưới, phồn huống, báu xép khảu xép nặm, pền lồng pền lưm, pày nọk dạk. nẳng phổng co pền túm khửn, chơ kìn khảu hền kẹn. Chơ hền ók pưng khù báu ngau cận pày cá hươn dà chuyên khoa vạy khám cánh dàu dà lợp tăn.

          Luông chự phong bệnh pền niềng:

          Tứm ten tục po Iốt cuồng pưng pựa kìn hạng mự, san chương kìn mi Iốt xương nhứa pà củng, xáy, nặm nôm…;

          Cắp pưng tàng dà hư va chương kìn dệt ók hoóc –môn, báu thòng Iốt đảy hư báu pền xủ lài mự.

Luông dàu dà bệnh pền niềng:

Chơ hụ hền bệnh cận pày khám bác sĩ chuyên khoa nội tiết vạy đảy tóp quam thàm cánh dàu dà. Lưn xưa côn chếp cận đảy nhẳn danh chảnh pền niềng mi kèm toi pưng bệnh ứn va báu, vạy đảy dàu dà lợp tăn.

Bệnh pền niềng lệch nọi hư mi xương dàu dà toi luông kìn dà. Hák va va nuối niềng nhắư lẹo, hư dàu dà nội khoa báu hóm, pền niềng dệt chếp hùa, cừn dạk...hư cận pát dà./.

                             Thu Thuỳ ST-Lường Huyền dịch

꫃ꪛꪉ ꫃ꪜꪙ ꪘꪉꪸ - ꪶꪀꪀ ꪜꪱꪥ ꫃ꪥꪒ ꪮꪮꪀ ꫃ꪛꪉ ꪵꪀꪉ ꪩꪺꪉ ꪋꪳ ꪡꪮꪉ

        ꪶꪀꪀ ꪜꪱꪥ ꫃ꪥꪒ ꪮꪮꪀ ꫃ꪛꪉ:

        -ꪹꪝ ꪒꪴꪒ ꪖꪫꪸ ꪮꪲ ꪶꪮꪒ ꪀꪺꪉ ꪩꪣꪾ ꪣꪷ: ꪋꪴ ꪣꪳ ꪩꪣꪾ ꪣꪷ ꪐꪽ ꪮꪲ ꪶꪮꪒ ꪵꪀꪉ ꫄ꪊꪒ ꪤꪲꪉ ꪹꪤꪉ ꪻꪬ ꪔꪫꪙꪸ ꪤꪱꪚ ꪋꪱꪉ. ꪫꪱ ꪔꪫꪙꪸ ꪤꪱꪚ ꪋꪱꪉ ꪹꪚꪱ ꪐꪽ ꪝꪷ ꪮꪲ ꪶꪮꪒ ꪋꪲ ꫃ꪥꪒ ꪻꪬ ꪫꪀꪸ ꪚꪱꪥ ꪔꪒꪸ ꪤꪮꪙ ꪶꪩꪉ. ꪀꪱꪥ ꪙꪽ ꫃ꪥꪒ ꪻꪬ ꪔꪫꪙꪸ ꪤꪱꪚ ꪻꪐ ꪄꪙꪳ ꪼꪫ ꫃ꪥꪒ ꪮꪮꪀ ꪬꪮꪀ ꪶꪣꪙ ꫃ꪥꪒ ꫃ꪚꪉ ꪻꪁ ꪄꪙꪳ, ꪵꪄꪀ ꪨꪷ ꫃ꪜꪙ ꪘꪉꪸ.

          -꫃ꪜꪙ ꪝꪉꪳ ꪄꪴ ꪹꪚꪱ ꪒꪲ ꪵꪔ ꫄ꪋ ꪮꪮꪀ ꪣꪱ: ꪹꪝ ꪎꪴ ꪩꪱꪀ ꪭꪲ ꪨꪱꪥ ꪣꪳ ꪏꪱꪙ ꪔꪱꪉ ꪤꪱ ꪹꪏꪉ ꪹꪀ ꪩꪲ ꪖꪲ ꪮꪣꪴ, ꪤꪱ ꪄꪱꪉ ꪤꪱꪚ ꪶꪔꪉ ꫄ꪭꪚ ,ꪝꪉꪳ ꪔꪱꪉ ꪤꪱ ꪣꪲ ꫃ꪊꪒ ꪮꪲ ꪶꪮꪒ ( ꪤꪱ ꫃ꪜꪙ ꪉꪱꪚ , ꪤꪱ ꫃ꪊꪚ ꪁꪷ ꪔꪙꪲ ꪀꪷ ꪣꪳ) ꪹꪝ ꪹꪏꪉ ꪙꪽ ꫄ꪋ ꪎꪴ ꪝꪉꪳ ꪔꪱꪉ ꪤꪱ ꪙꪲ ꫄ꪁꪙ ꪶꪜꪉ ꪻꪊ ꪒꪴ ꪒꪲ ꪵꪀꪉ ꫃ꪥꪒ ꪕꪮꪥ ꪩꪺꪉ ꪊꪲ ꪚꪮꪀ ꪄꪮꪉ ꪚꪱꪀ ꪎꪲ ꪋꪫꪙꪸ ꪅꪫꪱ.

          -ꪶꪝ ꪀꪙꪲ ꪨꪱꪥ ꪹꪋꪉ ꪀꪙꪲ ꪣꪲ ꫄ꪊꪒ ꫃ꪥꪒ ꪭꪱꪥ ꪭꪮꪒ ꪬꪮꪀ ꪶꪣꪙ ꪹꪏꪉ ꪝꪉꪳ ꪔꪱꪉ ꪠꪀꪰ ꪀꪱꪒ ,ꪣꪽ ꪀꪷ.

          -ꪠꪴ ꪑꪉꪲ ꪊꪺꪚ ꪀꪲꪀ ꪖꪲꪉ ꫄ꪖꪘ ꪀꪉꪲ ꪀꪺꪉ ꪥꪱꪙ ꪤꪴ ꪝꪱ ꪹꪚꪱ ꪁꪷ ꪒꪱꪉ ꪻꪬ ꪩꪴꪀ ꪀꪙꪲ ꪶꪣꪙ.

          ꪝꪉꪳ ꪄꪴ ꫄ꪩꪉ ꫃ꪬꪙ ꪮꪮꪀ ꫄ꪋ ꫃ꪜꪙ ꪘꪉꪸ:

          ꪁꪷ ꪻꪐ ꪄꪙꪳ ꪏꪱꪙ ꫛ ꫃ꪬꪙ ꪵꪜꪀ ꪹꪏꪉ ꪵꪁꪙ ꪘꪉꪰ ꪁꪷ. ꪄꪴ ꪙꪲ ꪣꪲ ꪹꪏꪉ ꪼꪒ ꫛ ꪮꪙꪳ ꪭꪴ ꫃ꪬꪙ ꪮꪮꪀ ꪹꪚꪱ ꪁꪷ ꫄ꪋ ꪼꪜ ꪄꪱꪣ ꪝꪀꪰ ꪵꪭꪉ.

          ꪏꪱꪙ ꫛ ꫃ꪬꪙ ꪘꪀꪰ ꪹꪘꪥ ,ꪶꪠꪣ ꪬꪺꪉ ,ꪹꪚꪱ ꪵꪎꪚ ꪹꪄꪱ ꪵꪎꪚ ꪙꪣꪾ ,꫃ꪜꪙ ꪶꪨꪉ ꫃ꪜꪙ ꪩꪣꪳ, ꪼꪜ ꪙꪮꪀ ꪥꪱꪀ. ꪘꪉꪰ ꪁꪷ ꫃ꪜꪙ ꪔꪴꪣ ꪄꪙꪳ , ꫄ꪋ ꪀꪙꪲ ꪹꪄꪱ ꫃ꪬꪙ ꪵꪁꪙ. ꫄ꪋ ꫃ꪬꪙ ꪮꪮꪀ ꪝꪉꪳ ꪄꪴ ꪹꪚꪱ ꪹꪉꪱ ꫄ꪁꪙ ꪼꪜ ꪁꪱ ꪹꪭꪙ ꪤꪱ ꪋꪫꪸꪙ ꪅꪫꪱ ꪼꪫ ꪼꪒ ꪄꪱꪣ ꪵꪀꪉ ꪹꪤꪱ ꪤꪱ ꫄ꪩꪚ ꪕꪽ.

          ꪩꪺꪉ ꪋꪳ ꪡꪮꪉ ꫃ꪛꪉ ꫃ꪜꪙ ꪘꪉꪸ:

          ꪔꪣꪳ ꪵꪕꪙ ꪕꪴꪀ ꪝꪷ ꪮꪲ ꪶꪮꪒ ꪀꪺꪉ ꪹꪝ ꪀꪙꪲ ꪭꪱꪉ ꪣꪳ, ꪏꪱꪙ ꪹꪋꪉ ꪀꪙꪲ ꪣꪲ ꪮꪲ ꪶꪮꪒ ꪹꪏꪉ ꪵꪐ ꪜꪱ ꪀꪴꪉ ,ꪼꪎ ꪵꪀꪉ ꪙꪣꪾ ꪶꪙꪣ.

          ꪀꪚꪾ ꪝꪉꪳ ꪔꪱꪉ ꪤꪱ ꪵꪀꪉ ꪹꪋꪉ ꪀꪙꪲ ꫃ꪥꪒ ꪮꪮꪀ ꪬꪮꪀ ꪶꪣꪙ ꪹꪚꪱ ꪖꪮꪉ ꪮꪲ ꪶꪮꪒ ꪼꪒ ꪭꪳ ꪹꪚꪱ ꫃ꪜꪙ ꪎꪴ ꪨꪱꪥ ꪣꪳ.

          ꪩꪺꪉ ꪹꪤꪱ ꪤꪱ ꫃ꪛꪉ ꫃ꪜꪙ ꪘꪉꪸ:

          ꫄ꪋ ꪭꪳ ꫃ꪬꪙ ꪮꪮꪀ ꫃ꪛꪉ ꫄ꪁꪙ ꪼꪜ ꪄꪱꪣ ꪚꪱꪀ ꪎꪲ ꪋꪫꪙꪸ ꪅꪫꪱ ꪶꪘꪥ ꪔꪒꪸ ꪼꪫ ꪼꪒ ꪀꪮꪚ ꪖꪮꪥ ꪶꪭꪣ ꪁꪫꪱꪣ ꪵꪀꪉ ꪹꪤꪱ ꪤꪱ. ꪹꪩ ꪹꪏ ꫛ ꫃ꪊꪚ ꫄ꪁꪙ ꪼꪒ ꪐꪽ ꪵꪥꪉ ꪵꪊꪉ ꫃ꪜꪘ ꪘꪉꪸ ꪣꪲ ꪵꪀꪣ ꪕꪮꪥ ꪝꪉꪳ ꫃ꪛꪉ ꪮꪙꪳ ꪫꪱ ꪹꪚꪱ, ꪼꪫ ꪼꪒ ꪹꪤꪱ ꪤꪱ ꫄ꪩꪚ ꪕꪽ.

          ꫃ꪛꪉ ꪹꪤꪱ ꪥꪱ ꫃ꪩꪉ ꪙꪮꪥ ꪭꪳ ꪣꪲ ꪹꪏꪉ ꪹꪤꪱ ꪤꪱ ꪕꪮꪥ ꪩꪺꪉ ꪀꪙꪲ ꪤꪱ. ꪫꪱ ꪘꪺꪥ ꪘꪉꪸ ꪻꪐ ꪵꪩꪫ ꪭꪳ ꪹꪤꪱ ꪤꪱ ꪶꪘꪥ ꪅꪫꪱ ꪹꪚꪱ ꪬꪮꪣ ,꫃ꪜꪙ ꪘꪉꪸ ꫃ꪥꪒ ꫃ꪊꪚ ꪬꪺ, ꪀꪙꪳ ꪥꪱꪀ ꪭꪳ ꫄ꪁꪙ ꪜꪱꪒ ꪤꪱ.

ꪹꪩꪉ ꪬꪫꪙꪸ ꪥꪀꪲ