ꪝꪉꪳ ꪔꪱꪉ ꪀꪷ ꪼꪣ ꪤꪱ ꪹꪛꪸꪉ ꪘꪫꪸ ꪚꪱꪙ
1. ꪢꪱꪀ ꪬꪮꪥ ꪶꪄꪣ: ꪫꪱ ꪝꪲ ꪙꪮꪉ ꪒꪱꪉ ꪹꪜꪸꪙ ꪹꪛꪸꪉ ꪘꪫꪸ ꪚꪱꪙ ꪔꪱꪉ 2, ꪝꪲ ꪙꪮꪉ ꪹꪜꪸꪙ ꪀꪲꪙ ꪶꪀꪀ ꪙꪣꪾ ꪮꪚꪲ ꪢꪱꪀ ꪬꪮꪥ ꪶꪄꪣ ꫜꪤ ꪢꪮꪥ ꪣꪳ. ꪢꪱꪀ ꪬꪮꪥ ꪶꪄꪣ ꪹꪚꪱ ꪎꪺꪙ ꪕꪷ ꪤꪮꪙ ꪶꪎ ꪙꪣꪾ ꪮꪮꪥ ꪀꪺꪉ ꪹꪩꪒ ꪩꪱ, ꪵꪩꪫ ꪕꪮꪥ ꪨꪱꪥ ꪈꪙꪸ ꪀꪫꪲ ꪔꪱꪉ ꪢꪱꪀ ꪙꪲ ꪑꪉꪰ ꪣꪲ ꪹꪏꪉ ꪤꪱ ꪼꪒ ꪹꪛꪸꪉ ꪯꪉꪴ ꪗꪳ, ꪢꪱꪀ ꪬꪺ ꪻꪊ , ꪹꪖꪷꪙ ꪁꪉꪲ,…
2. ꪀꪷ ꪁꪱ ꪦꪲ(ꪑꪉꪰ ꪵꪄꪀ ꪨꪷ ꪶꪬ ꪶꪩ ꪚꪱ): ꪯꪽ ꪙꪲ ꪨꪷ ꪔꪱꪉ ꪁꪣꪾ ꪀꪲꪙ ꪵꪔ ꪹꪋꪱ ꪄꪮꪉ ꪹꪣꪉ ꪹꪮꪷꪙ ꪶꪒ. ꪔꪱꪉ ꪀꪷ ꪙꪲ ꪁꪷ ꪼꪒ ꪜꪴꪀ ꪨꪱꪥ ꪘꪉꪰ ꪨꪱꪥ ꪹꪣꪉ ꪹꪕꪸꪉ ꪵꪠꪙ ꪒꪲꪙ. ꪁꪷ ꪵꪜꪀ ꪹꪏꪉ ꪢꪱꪀ ꪬꪮꪥ ꪶꪄꪣ , ꪀꪷ ꪁꪱ ꪦꪲ ꪮꪱꪫ ꪄꪺꪣ ꪙꪮꪥ ꫜ. ꪣꪲ ꪹꪏꪉ ꪎꪴ ꪵꪔ ꪻꪚ ꪭꪮꪒ ꪵꪀꪙ ꪢꪱꪀ ꪁꪱ ꪦꪲ ꪼꪫ ꪤꪱ ꪹꪛꪸꪉ ꪘꪫꪸ ꪚꪱꪙ. ꫛ ꪹꪜꪸꪙ ꪹꪛꪸꪉ ꪣꪲ ꪹꪏꪉ ꪎꪴ ꪚꪺꪉ ꪵꪀꪙ ꪢꪱꪀ ꪁꪱ ꪦꪲ ꫜ ꪵꪋ ꪻꪎ ꪶꪀꪀ ꪙꪣꪾ, ꪼꪫ ꪀꪱꪥ ꪁꪙꪳ, ꪨꪉꪰ ꪙꪽ ꪊꪉꪰ ꪊꪒꪰ ꪹꪮꪱ ꪙꪣꪾ ꪼꪫ ꪀꪲꪙ.
3. ꪑꪱ ꪓꪱꪣ(ꪑꪉꪰ ꪵꪄꪀ ꪨꪷ ꪊꪷ ꪶꪩ ꪶꪭꪥ): ꪣꪲ ꪔꪲꪉ ꪁꪣꪳ, ꪶꪄꪣ. ꪑꪱ ꪓꪱꪣ ꪁꪷ ꪣꪲ ꪹꪏꪉ ꪤꪱ ꪼꪒ ꪨꪱꪥ ꪔꪱꪉ ꪹꪛꪸꪉ ꪹꪏꪉ: ꪤꪱ ꪶꪜꪀ , ꪬꪫꪒꪸ ꪮꪱꪚ ꪎꪉꪴ,… ꪀꪷ ꪑꪱ ꪓꪱꪣ ꪁꪷ ꪣꪲ ꪹꪏꪉ ꪤꪱ ꪼꪒ ꪹꪛꪸꪉ ꪘꪫꪸ ꪚꪱꪙ. ꪜꪲ ꪙꪮꪉ ꪹꪮꪱ ꪀꪷ ꪑꪱ ꪓꪱꪣ ꪜꪮꪀ ꪹꪜꪀ ꪕꪱꪉ ꪙꪮꪀ ꪎꪸ ꪔꪣꪾ ꪁꪫꪱ ꪀꪷ ꪈꪫꪒꪸ ꪀꪫ ꪵꪩꪫ ꪁꪫꪱ ꪻꪎ ꪚꪺꪉ ꪬꪱꪙ ꪹꪨꪉ ꫛ, ꪝꪲ ꪙꪮꪉ ꪀꪲꪙ ꪀꪮꪙ ꪹꪝ ꪉꪱꪥ ꪹꪚꪱ ꪁꪷ ꪹꪝ ꪵꪩꪉ.
4. ꪀꪷ ꪬꪮꪣ ꪮꪉꪲ ꪀꪲ ꪋꪱ: ꪬꪮꪣ ꪮꪉꪲ ꪀꪲ ꪋꪱ ꪵꪀꪉ ꪬꪮꪣ ꪶꪔ ꪁꪷ ꪣꪲ ꪹꪏꪉ ꪤꪱ ꪼꪒ ꪹꪛꪸꪉ ꪘꪫꪸ ꪚꪱꪙ. ꪹꪮꪱ ꪀꪣꪾ ꪬꪮꪢ ꪮꪉꪲ ꪁꪲ ꪋꪱ ꫜ ꪣꪱ ꪶꪔꪣ ꪄꪙꪳ ꪼꪪ ꪹꪤꪸꪙ ꪀꪱꪥ ꪁꪙꪳ, ꪭꪉꪴ ꪹꪋꪱ ꪣꪱ ꪊꪉꪰ ꪊꪒꪰ ꪹꪮꪱ ꪙꪣꪾ ꪀꪲꪙ , ꪵꪩꪫ ꪝꪲ ꪙꪮꪉ ꪣꪲ ꪹꪏꪉ ꪵꪁꪫ ꪀꪲꪙ ꪒꪚꪲ ꪻꪚ ꪬꪮꪣ ꪮꪉꪲ ꪁꪲ ꪋꪱ ꪢꪮꪥ ꪣꪳ ꪁꪷ ꪋꪲ ꪤꪮꪙ ꪼꪒ ꪹꪛꪸꪉ ꪘꪫꪸ ꪚꪱꪙ.
Viết bình luận