ꪝꪉꪳ ꪩꪺꪉ ꪈꪣꪾ ꪹꪚꪱ ꪵꪣꪙ ꪣꪱ ꪕꪱꪉ ꪹꪛꪸꪉ ꪘꪫꪸ ꪚꪱꪙ

1.  ꪝꪉꪳ ꫛ ꪹꪜꪸꪙ ꪹꪛꪸꪉ ꪘꪫꪸ ꪚꪱꪙ ꪨꪷ ꪵꪄꪫ ꪹꪚꪱ ꪹꪜꪸꪙ ꪵꪣ? ꪄꪴ ꪙꪲ ꪨꪷ ꪹꪚꪱ ꪵꪣꪙ.

ꫛ ꪹꪝꪸꪙ ꪹꪛꪸꪉ ꪘꪫꪸ ꪚꪱꪙ ꪨꪷ ꪣꪲ ꪹꪏꪉ ꪹꪜꪸꪙ ꪵꪣ ꪨꪱꪥ ꪹꪏ, ꪹꪝ ꪀꪺꪉ ꪙꪣꪾ ꪎꪩꪱꪥ ꪄꪮꪉ ꫛ ꪹꪜꪸꪙ ꪹꪛꪸꪉ ꪨꪷ ꪣꪲ ꪨꪱꪥ ꪙꪾꪣ ꪮꪥ ꪹꪥꪸꪒ ꪻꪬ ꪵꪄꪫ ꪹꪜꪸꪙ ꪵꪣ.

2. ꫛ ꪹꪜꪸꪙ ꪹꪛꪸꪉ ꪘꪫꪸ ꪚꪱꪙ ꪹꪚꪱ ꪹꪜꪸꪙ ꪀꪲꪙ ꪤꪱ ꪹꪚꪱ ꪻꪭ ꪣꪲ ꪩꪀꪴ? ꪄꪴ ꪙꪲ ꪨꪷ ꪵꪣꪙ.

ꪹꪝ ꪀꪺꪉ ꪔꪱꪉ ꪤꪱ ꪙꪲ ꪣꪲ ꪹꪊꪷꪒ ét-tô-gien,  ꪋꪲ ꪹꪥꪸꪒ ꪻꪬ ꫛ ꪹꪜꪸꪙ ꪹꪛꪉ ꪘꪀꪰ ꪹꪏ.

3. ꫛ ꪹꪜꪸꪙ ꪹꪛꪸꪉ ꪹꪨꪷꪉ ꪹꪋꪱ ꪨꪷ ꪵꪀꪉ ꪹꪚꪱ ꪵꪮꪀ ꪻꪎ ꪊꪣꪾ ꪨꪱꪥ ꫛ? ꪄꪴ ꪙꪲ ꪨꪷ ꪵꪣꪙ.

ꪣꪲ ꪉꪽ 25 – 30% ꫛ ꪹꪜꪸꪙ ꪹꪛꪸꪉ ꪹꪨꪷꪉ ꪹꪋꪱ ꪨꪷ ꪵꪀꪉ ꪹꪚꪱ ꪵꪮꪀ ꪻꪎ ꪊꪣꪾ ꪨꪱꪥ ꫛ.

4. In su lin ꪹꪥꪸꪒ ꪻꪬ ꫛ ꪹꪜꪸꪙ ꪹꪛꪸꪉ ꪝꪲ ꪄꪙꪳ? ꪄꪴ ꪙꪲ ꪨꪷ ꪹꪚꪱ ꪵꪣꪙ.

In su lin ꪹꪚꪱ ꪹꪥꪸꪒ ꪻꪬ ꫛ ꪹꪜꪸꪙ ꪹꪛꪸꪉ ꪝꪲ ꪄꪙꪳ. ꪋꪣꪾ ꪫꪱ ꪶꪎ ꪙꪣꪾ ꪮꪥ ꪊꪺꪉ ꪹꪩꪒ ꫛ ꪹꪜꪸꪙ ꪹꪛꪉ ꪣꪲ ꪨꪱꪥ , ꪬꪱꪀ ꪫꪱ , ꪶꪎ ꪙꪾꪣ ꪮꪥ ꪙꪲ ꪁꪷ ꪋꪲ ꪮꪮꪀ ꪄꪮꪥ ꪩꪣꪾ ꪣꪷ ꪹꪋꪷ ꫛ ꪹꪜꪸꪙ ꪹꪛꪸꪉ ꪼꪜ ꪵꪙꪫ.

5. ꫛ ꪹꪜꪸꪙ ꪹꪛꪸꪉ ꪘꪫꪸ ꪚꪱꪙ ꪹꪚꪱ ꪹꪜꪸꪙ ꪊꪚꪴ ꪁꪺꪙ? ꪄꪴ ꪙꪲ ꪨꪷ ꪵꪣꪙ.

ꪫꪱꪉ ꪁꪺꪙ ꪨꪷ ꪄꪴ ꪶꪀꪀ ꪵꪅꪫ ꫛ ꪹꪜꪸꪙ ꪹꪛꪸꪉ ꪼꪒ ꪹꪊꪷꪚ ꪙꪾꪣ. ꪹꪝ ꪊꪚꪴ ꪁꪺꪙ ꪋꪲ ꪹꪥꪸꪒ ꪭꪱꪥ ꪭꪮꪒ ꪵꪣꪀ ꪹꪩꪒ ꪵꪀꪉ ꪢꪱꪀ ꪬꪺ ꪻꪊ. ꪙꪮꪀ ꪙꪽ ꪮꪮꪀ , ꫛ ꪹꪜꪸꪘ ꪹꪛꪸꪉ ꪘꪫꪸ ꪚꪱꪙ ꪫꪱ ꪊꪚꪴ ꪁꪺꪙ ꪑꪉꪰ ꪋꪲ ꪹꪜꪸꪙ ꪮꪮꪀ ꪹꪛꪸꪉ ꪹꪊꪸꪚ ꪢꪱꪀ ꪼꪎ ꪨꪉꪰ.

6. ꫛ ꪹꪜꪸꪙ ꪹꪛꪸꪉ ꪘꪫꪸ ꪚꪱꪙ ꪹꪀꪷꪙ ꪹꪕꪷꪚ ꪕꪳ ꪹꪖꪸ ꪥꪀꪴ ꪹꪩꪷꪉ ꪹꪋꪷ? ꪄꪴ ꪙꪲ ꪨꪷ ꪵꪣꪙ.

ꪹꪋꪷ ꪝꪲ ꪙꪮꪉ ꪹꪕꪷꪚ ꪕꪳ ꪹꪖꪸ ꪥꪀꪴ ꪹꪩꪷꪉ ꪹꪋꪷ ꪋꪲ ꪹꪥꪸꪒ ꪻꪬ ꪩꪣꪾ ꪣꪷ ꪬꪱꪫ ꪵꪭꪉ ꪵꪀꪉ ꪹꪥꪸꪒ ꪻꪭ ꪶꪎ ꪙꪣꪾ ꪮꪥ ꪀꪺꪉ ꪩꪣꪾ ꪣꪷ ꪥꪮꪙ ꪶꪩꪉ.

7. ꪹꪛꪸꪉ ꪙꪫꪸ ꪚꪱꪙ ꪹꪚꪱ ꪣꪲ ꪹꪏꪉ ꪤꪱ ꪼꪒ? ꪄꪴ ꪙꪲ ꪨꪷ ꪵꪣꪙ.

ꪹꪛꪸꪉ ꪙꪫꪸ ꪚꪱꪙ ꪨꪷ ꪹꪛꪸꪉ ꪢꪱꪙ ꪔꪉꪲ , ꪼꪅ ꪙꪲ ꪮꪲ ꪭꪮꪀ ꪹꪭꪸ ꪣꪲ ꪤꪱ ꪼꪫ ꪤꪱ ꪬꪮꪣ ꪼꪒ. ꪫꪱ ꫛ ꪹꪜꪸꪙ ꪹꪛꪸꪉ ꪣꪲ ꪩꪺꪉ ꪹꪤꪱ ꪤꪱ ꪵꪀꪉ ꪀꪲꪙ ꪤꪴ ꪋꪮꪚ ꪶꪎꪣ ꪭꪳ ꪋꪸ ꪥꪮꪙ ꪹꪚꪱ ꪻꪬ ꪹꪛꪸꪉ ꪹꪜꪸꪙ ꪘꪀꪰ ꪹꪏ.

8. ꪹꪛꪸꪉ ꪘꪫꪸ ꪚꪱꪙ ꪨꪷ ꪹꪛꪸꪉ ꪋꪙꪸ ꪵꪔ ꪮꪱꪥ ꪹꪯꪸꪣ ꪻꪎ ꪩꪀꪴ? ꪄꪴ ꪙꪲ ꪨꪷ ꪵꪣꪙ.

 ꪣꪲ ꪉꪽ ꪤꪱꪫ 30% ꫛ ꪹꪜꪸꪙ ꪹꪛꪸꪉ ꪵꪜꪒ ꪵꪔ ꪮꪱꪥ ꪹꪯꪸꪣ. ꪝꪮꪣ ꪀꪚꪰ ꪘꪱ ꪫꪀꪸ ꪙꪽ ꪀꪺꪉ ꪥꪱꪙ ꪏꪲ ꪼꪅ ꪙꪲ ꪁꪷ ꪣꪲ ꪨꪱꪥ ꫛ ꪹꪜꪸꪙ ꪹꪛꪸꪉ ꪶꪝ ꪝꪲ ꪶꪝ , ꪹꪚꪱ ꪹꪕꪷꪚ ꪕꪳ ꪹꪖꪸ ꪥꪴꪘ ,…