ꪁꪫꪳ ꪊꪙꪸ ꪚꪉꪲ ꫃ꪩ ꪶꪬꪉ ꪒꪉꪲ ꪬꪱꪙ ꪉꪱꪙ ꪀꪺꪉ ꪜꪱꪉ ꪔꪷ ꪶꪏꪙ ꪤꪮꪥ ꪋꪱꪉ ꪀꪺꪉ ꪜꪱꪉ ꪹꪣꪉ ꪻꪢ.

ꪻꪐ ꪼꪒ 18 ꪜꪲ, ꪨꪉꪰ ꫄ꪋ ꪵꪮꪚ ꪵꪩꪫ ꫄ꪨꪚ 12 ꪩꪉꪴ ꫃ꪩ ꪶꪬꪉ ꪒꪉꪲ ꪄꪙꪳ ꪕꪱꪉ ꪼꪜ ꪶꪚ ꪶꪓꪥ. ꪀꪱꪥ 6 ꪹꪚꪙ ꫄ꪕꪚ ꪕꪳ ꪩꪉꪴ ꪼꪒ ꪜꪽ ꪹꪄꪱ ꪏꪳ ꪒꪫꪱꪙ 308- ꪨꪷ ꫜ ꪀꪺꪉ ꪝꪉꪳ ꪏꪳ ꪒꪫꪱꪙ ꪶꪀꪀ ꪵꪀꪙ ꪄꪮꪉ ꪘꪱ ꫄ꪋꪙ ꪣꪙꪸ ꪘꪱꪣ. ꪹꪚꪙ 7 ꪜꪲ 1968 ꪩꪉꪴ ꪝꪮꪣ ꪀꪚꪾ ꪝꪲ ꪙꪮꪉ ꪶꪋꪣ ꪭꪚꪾ ꪊꪙꪸ ꪥꪀꪲ 81 ꫃ꪫꪙ ꪁꪙꪳ ꪚꪮꪣ ꪓꪱꪙ ꪘꪉꪰ ꪵꪗꪉ ꪶꪀ ꪀꪫꪱꪉ ꪋꪲ. ꪀꪺꪉ ꪣꪳ ꫜ ꪊꪺꪚ ꪵꪠꪙ ꫄ꪎꪀ ꪵꪚꪙ ꪚꪮꪣ ꪩꪉꪴ ꪊꪺꪚ ꫃ꪊꪚ ꪚꪱꪒ ꪘꪀꪰ ꪘꪉꪰ ꪜꪮꪣ ꪬꪺ. ꪨꪉꪰ ꪥꪱꪙ ꫜ ꪹꪤꪱ ꪤꪱ ꪜꪱꪀ ꪚꪱꪒ ꪭꪮꪒ ꪜꪲ 1971 ꪩꪉꪴ ꪹꪕ ꫜ ꪻꪢ ꪹꪄꪱ ꪢꪱ ꫄ꪋꪙ ꪣꪙꪸ ꪢꪱꪣ.
          ꪵꪙꪙ ꪋꪣꪴ ꪮꪙꪸ ꪩꪉꪴ ꪝꪮꪣ ꪀꪚꪾ ꪝꪲ ꪙꪮꪉ ꪜꪲ ꪏꪙꪳ ꪄꪙꪳ ꪹꪣ ꪔꪉꪰ ꪵꪔꪉ ꪶꪠꪉ ꪒꪙꪲ ꪼꪔ ꪚꪀꪰ. 10 ꪜꪲ ꪶꪀꪉ ꪔꪱꪀ ꪘꪉꪰ ꪵꪈꪉ ꪤꪱꪫ ꪶꪖꪉ ꪔꪱꪤ ꪋꪙꪸ ꪔꪉꪲ ꫄ꪎꪙ ꪨꪱ, ꪭꪮꪒ ꪜꪲ 1989 ꪩꪉꪴ ꪎꪷ ꪢꪱ ꪥꪉꪰ ꪬꪫꪲ ꪹꪋꪱ ꪹꪝ ꪝꪀꪰ ꪵꪭꪉ ꪮꪫꪸ.

          ꪀꪚꪾ ꪩꪱꪉ ꪈꪣꪾ ꪑꪉꪰ ꫛ ꪑꪉꪰ ꪊꪮꪉ ꪵꪭꪉ ꫃ꪥꪒ ꪫꪀꪸ ꪵꪮ ꪕꪱꪀ ꪣꪲ ꪫꪀꪸ ꫃ꪥꪒ ꪻꪬ ꪝꪉꪳ ꫛ ꪼꪜ ꪶꪚ ꪶꪓꪥ ꪕꪮꪥ ꪹꪊꪱ ꪀꪮꪙ ꪙꪲ ꪜꪲ 1991 ꪩꪉꪴ ꪝꪮꪣ ꪀꪚꪾ ꪏꪱꪙ ꪝꪲ ꪙꪮꪉ ꪵꪔꪉ ꪮꪮꪀ ꪶꪔ ꫄ꪭꪚ ꫃ꪥꪒ ꪹꪋꪉ ꪼꪣ ꪄꪮꪉ ꪔꪮꪀ. ꪤꪱꪙ ꪙꪽ ꪣꪲ ꪨꪱꪥ ꪹꪭꪙ ꪑꪉꪰ ꪎꪴ ꪹꪋꪉ ꪼꪣ ꪹꪝ ꪹꪏꪉ ꪙꪽ ꪋꪙꪾ ꪫꪱ ꪶꪔ ꪬꪉꪲ ꪣꪲ 5 ꫜ ꪬꪱꪀ ꪫꪱ ꫃ꪥꪒ ꪫꪀꪸ ꪣꪺꪣ ꪬꪮꪣ ꪵꪀꪉ ꪣꪴ ꪖꪴ ꫄ꪑꪚ ꪶꪎꪣ ꪝꪷ. ꪭꪮꪒ ꪜꪲ 2004 ꪩꪉꪴ ꪎꪚꪳ ꪔꪱꪣ ꪝꪮꪣ ꪀꪚꪾ ꪏꪱꪙ ꪙꪮꪉ ꪝꪲ ꪵꪔꪉ ꪮꪮꪀ ꪶꪁꪉ ꪕꪲ ꪶꪀ ꫄ꪠꪙ ꪹꪖꪉ ꪚꪉꪲ 30-4 ꪑꪱꪥ ꪣꪱ ꪔꪱꪥ ꪋꪙꪸ ꪵꪄꪀ ꪭꪱꪉ. ꪝꪉꪳ ꪜꪲ ꪀꪱꪤ ꪣꪱ ꪨꪱꪥ ꪝꪲ ꪙꪮꪉ ꪼꪜ ꪶꪚ ꪶꪓꪥ ꪕꪮꪥ ꪀꪽ ꪨꪱꪤ ꪩꪀꪴ ꪙꪮꪉ ꪄꪮꪉ ꪝꪉꪳ ꪹꪖꪉ ꪚꪉꪲ ꪩꪒꪸ ꪎꪲ ꪘꪉꪰ ꪔꪉꪲ ꪀꪷ ꪼꪒ ꪶꪁꪉ ꪕꪲ ꪐꪽ ꪚꪮꪀ ꫃ꪉ ꪕꪱꪀ ꪣꪲ ꪫꪀꪸ ꫃ꪥꪒ. ꪭꪮꪒ ꪼꪅ ꪶꪁꪉ ꪕꪲ ꪁꪷ ꪣꪲ ꪀꪱꪥ 30 ꪵꪖꪉ ꪪꪙꪸ ꪀꪚꪾ ꪋꪲ ꪮꪱꪫ ꪭꪮꪒ 30 ꪚꪉꪰ ꪵꪎ ꪵꪩꪙ ꪝꪉꪳ ꪫꪒꪰ ꪹꪚꪱ ꪜꪙꪸ ꪵꪜꪉ ꪹꪏꪉ ꪭꪱ ꪶꪙꪥ ꪬꪱꪥ ꪠꪮꪉ ꪕꪫꪙꪸ ꪁꪫꪱꪉ ꪻꪬ ꪖꪴ ꫄ꪑꪚ ꪵꪕꪒ ꪕꪉꪸ ꪵꪔ 5 ꪭꪮꪒ 7 ꪋꪫꪸ ꪢꪽ ꪢꪮꪥ ꫛ ꪢꪮꪥ ꪹꪚꪙ.

          ꪨꪉꪰ ꪨꪱꪥ ꪜꪲ ꪀꪮꪚ ꪶꪭꪣ ꪁꪫꪳ ꪊꪙꪸ ꪚꪉꪲ ꫃ꪩ ꪶꪬꪉ ꪒꪉꪲ ꪁꪷ ꪊꪉꪳ ꪵꪊꪉ ꪣꪱ ꪥꪉꪰ ꫃ꪊ ꪶꪓ ꪣꪱ ꪥꪉꪰ ꪹꪏꪱ ꪕꪮꪥ ꪩꪀꪴ ꪨꪱꪙ. ꪙꪮꪀ ꪝꪉꪳ ꪄꪉꪰ ꪭꪺꪙ ꪹꪋꪉ ꪬꪫꪲ ꪹꪋꪉ ꪼꪒ ꪒꪱꪉ ꪵꪀꪉ ꪹꪭꪙ ꪹꪢꪀ ꪶꪑꪣ ꪎꪮꪥ ꪻꪬ ꪹꪏꪉ ꪭꪺꪙ ꪹꪋꪉ ꪊꪙꪸ ꪎꪲ ꪔꪱꪉ ꫄ꪐꪒ ꪭꪺꪙ ꪹꪋꪉ ꪊꪙꪸ ꪎꪲ ꪤꪱꪥ ꪠꪮꪉ ꪣꪙꪸ ꪢꪱꪣ, ꪤꪫꪱꪉ ꫄ꪐꪙ ꫃ꪥꪒ ꪕꪮꪥ ꪁꪫꪱꪣ ꪜꪴ ꪶꪭ, ꪩꪉꪴ ꪭꪉꪴ ꪢꪱ ꪣꪱ ꪔꪱ ꪼꪒ ꪣꪱ ꪝꪷ ꪢꪱ ꪝꪮꪣ ꪀꪚꪾ ꪖꪴ ꪹꪔꪉ ꪊꪉꪲ ꪠꪴ ꪵꪀꪉ ꪐꪽ ꪛꪉꪰ ꪵꪄꪙ.

                                                        ꪭꪫꪱꪉ ꪩꪮꪉ- ꪕꪮꪉ ꪵꪯꪉ ꪤꪀꪲ

Cựu chiến bình Lê Hồng Đĩnh han ngan cuồng pang xôn xấc giỏi chang cuồng pang mương chum yền

          Nhắư khửn đảy 18 pì, lằng chơ ép lẹo lớp 12 lung Lê Hồng Đĩnh khửn tang pày bổ đội . Cài  6 bườn tập tư ló liêng lung đảy pằn khảu sư đoàn 308- lỏ nưng cuồng pưng sư đoàn cốc kén khòng nả trận miên Nàm. Bườn 7 pì 1968 lung pọm cắp pi nọng chôm hặp  chiến dịch 81 vên cưn bòm đạn nẳng thanh cổ Quảng Trị. Cuồng mự nưng chuốp phèn xấc bèn bòm chắp hội pòm hùa, dệt lung chuốp chếp bát nắc. Lằng gian nưng dàu dà pák bát họt pì 1971 lung tưa nưng mắư khảu nả trận miên Nàm.

Bản mương yền han, lung pọm cắp  pi nọng khửn ma tẳng tánh phổng đìn pu Tày Bắc. 10 pì  cồng tác nẳng ngành giào thồng tải chiên tỉnh Sơn La, họt pì 1989, lung xò ma dặng hiu chạu pưa pặc hanh báu nhẳn pao.

Cắp lang ngắm nhăng  côn nhăng dệt vịa, é tạk mi vịa dệt hẳư pưng côn pày bổ đội toi chạu  cón nị, pì 1991 lung pọm cắp san pi nọng tánh ók Tổ hợp dệt chương mạy khòng tók. Gian nặn mi lài hươn nhăng xủ chương mạy pưa xương nặn chăm va Tổ hính mi 5 côn hák va dệt vịa phọn nương cánh mi thù nhập xồm po. Họt pì 2004 lung xứp tàm pọm cắp san pi nọng tánh ók công ty cổ phần thường bình 30-4 nhại ma tải c hiên khék hang. Pưng pì cài ma lài pi nọng pày bổ đội toi cằn, lài lụk nọng khòng thường bình liệt sĩ nẳng tỉnh cọ đảy  công ty nhẳn khảu dệt vịa, bók nghê tạk mi vịa dệt. Họt khạy công ty cọ mi cài 30 thành viền cắp chi áo họt 30 bẳng xè len pưng vặt báu piến xương Ha Nội, Hải Phòng, Tuyên Quang cựt đảy thù nhập tẹt tiêng té 5 triệu họt 7 triệu mằn mỏi côn mỏi bườn.

Lằng lài pì cóp hôm cựu chiến bình Lê Hồng Đĩnh cọ chứng chảnh ma dặng chế độ, ma dặng xau toi lụk làn. Nọk pưng khẳng huân chương huy chương đảy Đảng cánh hươn nước nhôm xỏng hẳư xương huân chương chiến sĩ tàng nhất, huân chuân chương chiến sĩ giải phóng Miên Nàm, doành nhần dệt toi quam bók xòn khòng Pú Hô, lung hung nả ma tà đảy ma pọ nả pọm cắp thủ tướng chính phủ cánh nhẳn Băng khèn./.

Hoàng Long-Tòng Anh dịch