ꪉꪮꪙ ꪶꪕ ꪖꪳ 5 ꪣꪳ 11-5-2017           

ꪑꪉꪲ ꪒꪱꪥ ꪚꪫꪸ ꪶꪭꪥ ꪶꪓꪉ ꫄ꪤꪙ ꪹꪣꪉ ꪎꪱ ꫃ꪥꪒ ꪀꪉꪲ ꫃ꪔ ꪥꪮꪥ

ꪶꪕ ꪭꪮꪒ ꪹꪮꪥ ꪹꪊꪱ ꪗꪲ ꫃ꪀꪒ ꪨꪱꪥ ꫛ ꫃ꪥꪙ ꪘꪉꪰ ꪎꪱ ꪔꪱ ꫄ꪠꪥ ꪵꪗꪉ ꪶꪠ ꪩꪱꪫ ꪀꪱꪥ ꪝꪮꪣ ꪭꪴ ꪭꪮꪒ ꪹꪮꪥ ꪨꪷ ꪒꪱꪥ ꪚꪫꪸ ꪶꪭꪥ ꪶꪓꪉ ꫄ꪤꪙ ꪹꪣꪉ ꪎꪱ ꫃ꪥꪒ ꪀꪉꪲ ꫃ꪔ ꪕꪮꪥ ꪨꪱꪥ ꪩꪺꪉ ꪵꪀꪉ ꫄ꪩꪉ ꪁꪒꪳ ꪼꪒ ꪋꪸ ꪎꪉꪸ ꫃ꪥꪒ ꪹꪥꪙ ꪤꪮꪥ ꫄ꪀꪚ ꪔꪉꪲ ꪨꪱꪥ ꪜꪲ ꪥꪙꪸ. ꪊꪉꪲ ꪵꪔ ꪫꪀꪸ ꪶꪎꪚ  ꪜꪱꪀ ꪼꪒ ꪔꪙꪲ ꪣꪳ ꫄ꪖꪉ ꪹꪮꪥ ꪀꪷ ꪼꪒ ꪀꪳ ꪊꪲ ꪕꪙꪲ ꪹꪋ ꪹꪛꪱ ꫃ꪤꪒ ꪒꪱꪥ ꪚꪫꪸ ꪶꪭꪥ ꪶꪓꪉ ꫄ꪤꪙ ꪹꪣꪉ ꪎꪱ ꪑꪣꪸ ꪁꪲ 2016-2021.

ꪭꪴ ꪼꪒ ꪵꪊꪀ ꪑꪣꪸ ꪄꪮꪉ ꪹꪊꪱ ꪹꪮꪥ ꫃ꪀꪒ ꫄ꪩꪉ ꪶꪩꪉ ꪼꪜ ꫄ꪀ ꫄ꪎ ꪎꪱꪫ ꪭꪴ ꪩꪱꪉ ꪻꪠ ꪻꪊ ꪣꪮꪙ ꪄꪮꪉ ꫄ꪤꪙ ꪹꪣꪉ ꪼꪫ ꪀꪱꪫ ꪊꪱ ꪄꪙꪳ ꪶꪭꪥ ꪶꪓꪉ ꫄ꪤꪙ ꪹꪣꪉ ꪎꪱ, ꪝꪉꪳ ꫄ꪀ ꪀꪫꪱꪙ ꪣꪲ ꪊꪀꪳ ꪁꪫꪙꪸ. ꪹꪮꪥ ꪑꪉꪰ ꪵꪚꪉ ꪜꪽ ꪀꪚꪾ ꪝꪲ ꪙꪮꪉ ꪀꪉꪲ ꪉꪣꪸ ꪢꪱ ꪼꪄ ꪀꪉꪲ ꫃ꪔ ꪹꪭꪙ ꪤꪱꪫ ꪵꪀꪉ ꪋꪙꪸ ꪜꪱꪫ ꪘꪫꪸ ꪹꪋ ꫄ꪤꪙ ꪹꪣꪉ ꫄ꪊꪚ ꪙꪣꪾ ꪒꪲ ꪊꪴ ꪹꪊꪉ ꪩꪺꪉ ꪕꪱꪉ ꪄꪮꪉ ꪒꪱꪉ ꪊꪉꪲ ꪵꪎꪀ ꪠꪱꪚ ꪩꪺꪒ ꪄꪮꪉ ꪹꪭꪙ ꪹꪘꪀ ꫄ꪅꪉ ꪻꪊ ꪵꪄꪉ ꪖꪲ ꫃ꪥꪒ ꪹꪥꪙ ꪩꪱꪙ ꪼꪩ ꪎꪸ ꪮꪒꪳ ꪤꪱꪀ ꪁꪒꪰ ꪁꪉꪴ ꪔꪉꪰ ꪵꪔꪉ ꪚꪱꪙ ꪄꪺꪉ ꪪꪽ ꪬꪫꪱ. ꪩꪺꪉ ꫃ꪥꪒ ꪎꪺꪙ ꪘꪮꪉ ꪁꪮꪀ ꫄ꪛꪉ ꪣꪲ ꪖꪴ ꫄ꪑꪚ ꪭꪱꪉ ꪭꪮꪥ ꪋꪫꪸ ꪢꪽ ꪢꪮꪥ ꪜꪲ ꪄꪮꪉ ꪗꪮꪥ ꪼꪒ ꪝꪲ ꪙꪮꪉ ꪣꪱ ꪵꪮꪚ ꪭꪮꪀ ꪵꪀꪉ ꫃ꪤꪒ ꪕꪮꪥ.

ꪤꪮꪥ ꪥꪮꪀ ꪀꪺꪉ ꪋꪴ ꪫꪀꪸ ꫃ꪥꪒ ꪋꪺ ꪹꪭꪙ ꪁꪷ ꪹꪏꪉ ꪚꪱꪙ ꪹꪣꪉ ꫄ꪡꪙ ꪨꪱꪥ ꪝꪉꪳ ꪩꪱꪉ ꪻꪠ ꪻꪊ ꪣꪮꪙ ꪄꪮꪉ ꪀꪳ ꪊꪲ ꪁꪷ ꪼꪒ ꪒꪱꪥ ꪚꪫꪸ ꪶꪭꪥ ꪶꪓꪉ ꫄ꪤꪙ ꪹꪣꪉ ꪎꪱ ꪹꪊꪱ ꪗꪲ ꫃ꪀꪒ ꪀꪱꪫ ꪊꪱ ꪭꪮꪒ ꫄ꪀ ꪀꪫꪱꪙ ꪣꪲ ꪊꪀꪳ ꪁꪫꪙꪸ ꪫꪽ ꪥꪮꪀ ꪵꪀꪉ ꪁꪒꪳ ꪼꪒ ꪩꪱꪉ ꪒꪲ ꫄ꪐꪒ ꪵꪔ ꪙꪽ ꫄ꪩꪚ ꪕꪽ ꪵꪀ ꪼꪄ ꪝꪉꪳ ꪄꪒꪰ ꪄꪮꪉ ꪤꪱꪀ ꪋꪱ ꪄꪮꪉ ꫄ꪤꪙ ꪹꪣꪉ ꪶꪭꪣ ꫄ꪡꪙ ꫄ꪊꪚ ꪙꪣꪾ ꪒꪲ ꪝꪉꪳ ꪢꪱ ꪫꪀꪸ ꪀꪉꪲ ꫃ꪔ ꪎꪱ ꪶꪭꪥ ꪄꪮꪉ ꪒꪸ ꪹꪠꪉ.

                                                                ꪖꪫꪥꪲ- ꪕꪮꪉ ꪵꪯꪉ ꪥꪀꪲ

Nhinh đại biểu Hội đông dần mương xã dệt kình tế giỏi

Tô họt ưởi Châu Thị Kết, lài côn dần nẳng xã Tả Phời, thanh phố Lao Cài pọm hụ họt ưởi lỏ côn đại biểu Hội đông dần mương xã, cắp luông dệt kình tế toi lài luông cánh lâng chơ cựt đảy chư xiềng dệt dượn giỏi cấp tỉnh lài pì diên. Chính té luông tin chưa nặn, xốp pák đảy tìn mư thầng, ưởi cọ đảy cử trì tin chưa bau lỏ đại biểu hội đông dần mương xã nhiệm ky  2016-2021.

Hụ đảy trách nhiệm khòng chảu, ưởi Kết lâng chơ lông pày cờ sở xáo hụ lang phắư chăừ mon khòng dần mương vạy cáo chà khửn Hội đông dần mương xã, pưng cờ quàn mi chức quyên. Ưởi nhăng bánh pằn cắp pi nọng kình nghiệm mả khày kình tế hươn giảo cánh chiên páo, niếu chưa dần mương chấp năm đì chủ trường, luông tang khòng Đảng chính sách pháp luật khòng hươn nước, khâng chằư khánh thì dệt dượn, lan lay xìa ứt dák cặt cung, tẳng tánh bản khuống vằn hoá. Luông dệt xuần, nòng, cọk bâng mi thù nhập hạng họi triệu mằn mỏi pì khòng ưởi đảy pi nọng ma ép học cánh dệt toi.

Giỏi dọc cuồng chu nả vịa, vịa hươn giảo cọ xương vịa bản càn mương, phân lài pưng lang phắư chằư mon quam cóp hôm xò vay khòng cử trì cọ đảy nhinh đại biểu hội đông dần mương xã Châu Thị Kết tinh họt cờ quàn mi chức quyên văn pường cánh cựt đảy lang đì nhất, té nặn lợp tăn kẻ khày pưng khù nhăng khắt khỏng dạk cha khòng dần mương, hôm phân chấp năm đì pưng nả vịa kình tế xã hội địa phường./.

                                                         Thanh Thuỷ-Anh dịch