.

                             ꪝꪷ ꪼꪭ ꪵꪣ ꪙꪱ ꫃ꪥꪒ ꪭꪉꪷ ꪵꪔ ꪵꪔꪉ ꪩꪉꪸ  ꪶꪔ ꪉꪺ

          ꪨꪱꪥ ꪲꪜ ꪊꪣꪾ ꪙꪲ ꪩꪉꪴ ꪭꪫꪱꪉ ꪪꪽ ꪎꪺꪙ ꪤꪴ ꪚꪱꪘ ꪠꪱꪒ ꪎꪱ ꪠꪉꪸ ꪝꪽ, ꪭꪫꪸꪙ ꪮꪙꪸ ꪹꪊꪱ, ꪔꪉꪲ ꫄ꪎꪙ ꪨꪱ ꫄ꪩꪉ ꪵꪔꪉ ꪩꪉꪸ ꪉꪺ ꪵꪣ , ꪹꪝ ꪵꪔꪉ ꪩꪉꪸ ꪉꪺ ꪵꪣ ꫄ꪬꪙ ꪩꪱꪉ ꪒꪲ ꪀꪉꪲ ꫃ꪔ ꪎꪉꪴ, ꪹꪭꪙ ꪩꪉꪴ ꫄ꪋ ꪻꪒ ꪁꪷ ꪣꪲ ꪵꪔ 5 ꪭꪮꪒ 7 ꪶꪔ ꪉꪺ ꪵꪣ, ꪵꪩꪫ ꪩꪉꪴ ꪁꪷ ꪼꪄ ꪀꪫꪱꪉ ꪫꪀꪸ ꪵꪔꪉ ꪩꪉꪸ ꪉꪺ ꪭꪮꪒ 20 ꪶꪔ ꪹꪐ.

          ꪼꪫ ꪐꪽ ꪝꪱꪫ ꪣꪲ ꪝꪷ ꪐꪱ ꪻꪬ ꪉꪺ ꪁꪫꪱꪥ ꪀꪙꪲ, ꪩꪉꪴ ꪎꪺꪙ ꪑꪱꪥ 2 500 ꪹꪖꪀ ꪶꪣꪙ ꪒꪙꪲ ꪜꪀꪴ ꪹꪄꪱ ꪩꪲ ꪼꪜ ꪜꪀꪴ ꪐꪱ. ꪹꪄꪱ ꪣꪺ ꪶꪠꪙ ꪭꪳ ꪐꪱ ꪶꪜꪉ ꪪꪽ ꪋꪽ, ꪉꪺ ꪁꪫꪱꪥ ꪀꪙꪲ ꪹꪚꪱ ꫃ꪢꪒ ꪩꪉꪴ ꪶꪮ ꪶꪎꪣ ꪼꪫ ꪐꪽ ꪝꪱꪫ ꪣꪲ ꪜꪷ ꪐꪱ ꪵꪀꪉ ꪁꪣꪾ ꪀꪙꪲ ꪣꪲ ꫄ꪊꪒ ꪻꪬ ꪝꪉꪳ ꪉꪺ. ꪭꪮꪒ ꪑꪱꪣ ꪹꪚꪙ 10 ꪭꪱꪉ ꪜꪲ, ꪋꪺ ꪹꪭꪙ ꪩꪉꪴ ꪬꪮꪣ ꪹꪡꪉ ꪶꪄ ꪼꪫ ꫃ꪥꪒ ꪁꪣꪾ ꪀꪙꪲ ꪉꪺ ꪁꪫꪱꪥ ꪀꪺꪉ ꪣꪺ ꪘꪱꪫ.  ꪹꪚꪱ ꪎꪺꪙ ꪕꪷ ꪶꪜꪉ ꪻꪊ ꪭꪮꪒ ꪐꪱ, ꪁꪣꪾ ꪀꪙꪲ ꪻꪬ ꪉꪺ ꪁꪫꪱꪥ, ꪩꪉꪴ ꪎꪺꪙ ꪑꪉꪷ ꪶꪜꪉ ꪻꪊ ꪭꪮꪒ ꪕꪮꪙ ꪕꪣꪾ ꪵꪝ ꪻꪎ ꪁꪷ ꫄ꪛꪉ ꪻꪬ ꪶꪔ ꪉꪺ, ꪄꪲ ꪄꪙꪴ ꪕꪮꪙ ꪼꪫ ꪚꪮꪙ ꪤꪉꪸ, ꪐꪽ ꪜꪱꪫ ꪻꪬ ꪁꪷ ꫄ꪛꪉ ꪵꪝ ꪻꪎ.

          ꪼꪫ ꪣꪲ ꪔꪣꪳ ꪵꪔꪙ ꫄ꪉꪙ ꪂꪴ ꪶꪤꪉ, ꪙꪮꪀ ꪵꪔꪉ ꪩꪉꪸ ꪶꪔ ꪉꪺ, ꪋꪺ ꪹꪭꪙ ꪩꪉꪴ ꪎꪺꪙ ꪑꪉꪷ ꪵꪔꪉ ꪩꪉꪸ ꪔꪣꪳ 50 ꪶꪔ ꪢꪴ ꪒꪣꪾ ꪼꪫ ꪄꪱꪥ , ꪢꪮꪥ ꪋꪴ ꪄꪱꪥ ꪼꪒ 30 ꪋꪫꪥꪸ ꫄ꪉꪙ. ꪹꪚꪱ ꪎꪺꪙ ꪕꪷ ꪋꪍ ꪹꪭꪙ ꪩꪉꪴ ꪎꪺꪙ ꪵꪔꪉ ꪩꪉꪸ ꪉꪺ, ꪨꪥ ꪋꪺ ꪹꪭꪙ  ꪮꪙꪳ ꪘꪉꪷ ꪚꪱꪙ ꪠꪱꪒ ꪁꪷ ꪵꪔꪉ ꪩꪉꪸ ꪉꪺ ꪎꪉꪷ ꪀꪺꪉ ꫄ꪛꪉ. ꪹꪝ ꪹꪏꪉ ꪙꪽ ꪚꪱꪙ ꪠꪱꪒ ꪁꪷ ꪵꪔꪉ ꪩꪉꪸ ꪉꪺ ꪨꪱꪥ ꫄ꪐꪒ ꪎꪱ ꪋꪉꪸ ꪝꪽ, ꪋꪺ ꪹꪭꪙ ꪩꪉꪴ ꪎꪺꪙ ꪨꪷ ꪋꪺ ꪹꪭꪙ ꫜ ꪶꪝꪙ ꪤꪮꪙ.

ꪀꪚꪾ ꪔꪱꪉ ꫄ꪉꪙ ꪖꪴ ꪼꪒ ꪵꪔꪒ ꪕꪉꪸ ꪵꪔ 100 ꪭꪮꪒ 120 ꪋꪫꪸꪥ ꪢꪽ ꪵꪔ ꪵꪔꪉ ꪩꪉꪸ ꪉꪺ ꪵꪣ ꪄꪮꪉ ꪋꪺ ꪹꪭꪙ ꪩꪉꪴ ꪭꪫꪱꪉ ꪪꪽ ꪎꪺꪙ, ꪯꪽ ꪨꪷ ꪩꪺꪉ ꫃ꪤꪒ ꪋꪮꪚ ꫄ꪋꪉ ꪀꪚꪾ ꪙꪾ ꪒꪙꪲ ꪄꪮꪭ ꪓꪸ ꪹꪠꪉ, ꪋꪮꪥ ꪝꪷ ꪼꪭ ꪵꪣ ꪙꪱ ꪚꪱꪘ ꪠꪱꪒ ꪢꪱ ꪼꪄ ꪀꪉꪲ ꫃ꪔ ꪵꪀꪉ ꫃ꪥꪒ ꪭꪉꪷ.                                                               ꪵꪗꪉ ꪖꪫꪥꪸ - ꪵꪭꪉ ꪥꪀꪲ

Po hay me na dệt hăng té tảnh liệng ngua

Lai pi chăm nị lung Hoang Văn Xuân dú bản Phát, xã Phiêng Păn, huyện Yên Châu, tỉnh Sơn la lâng chơ tảnh liệng me, pưa tảnh liệng ngua me hên ngay lang đi kinh tế xùng. Tay hươn lung cọ lâng mi 5 tô ngua me cánh khày quảng luông lăm đu, khâng tảnh đù 20 tô ngua nhứa:

Vạy nhẳn pao mi po căm kin hảu pưng ngua, lung Xuân nhại 2 500 thứa môn đin púk khảu li pày púk nhả. Khảu mua phôn hư co nhả pống chăn, ngua quai kin báu mết lung ố xổm vạy nhẳn pao mi po nhả cánh căm kin mi chất hảu pưng ngua. Họt nham bươn 10 hạng pi, chua hươn lung hom phương khô vạy dệt căm kin hảu ngua quai cuông mua nao. Báu xuấn to pông chàư họt nhả, căm kin hảu pưng ngua, lung Xuân nhăng pông chaư họt tọn tăm pẹk sàư cọ bâng hảu tô ngua, mi bón sáư khỉ khún riêng, nhẳn pao pẹk sàư hảu pưng ngua. Lung Hoàng Văn Xuân hảu hụ:

Vạy mi tứm ten ngơn xủ dống, nọk tảnh liệng tô ngua, chua hươn lung Xuân nhăng tánh liệng tứm 50 tô mù đăm vạy khài, mỏi chu khai đảy 30 triệu ngơn. Báu xuấn to chua hươn lung Xuân tảnh liệng pưng ngua, lai chua hươn ứn nẳng bản Phát cọ tảnh liệng ngua săng cuông bâng. Pưa xương nặn bản Phát mi số chua hươn tảnh liệng tô ngua lai nhất xã Chiêng păn, chua hươn lung Xuân lỏ hươn nưng pộn dỏn. Pả Quang Thị Đao, cán bộ khuyến nông xã Chiêng păn, huyện Yên Châu hảu hụ:

Cắp tang ngơn thu đảy tẹt tiêng té 100 họt 120 triệu mằn té tảnh liệng ngua me khong chua hươn lung Hoang Văn Xuân, ặn lỏ luông dệt chọp châng cắp nặm đin khong địa phương, choi po hay me na bản Phát mả khày kinh tế cánh dệt hăng.

                                                          Thanh Thuỷ - Hạnh dịch