ꪚꪲ ꪖꪳ ꪋꪲ ꪶꪛ ꪶꪠꪉ ꪎꪉꪴ ꪋꪱꪉ ꫃ꪥꪒ ꪀꪉꪲ ꫃ꪔ ꪤꪮꪥ

        ꪋꪲ ꪮꪱꪫ ꪬꪮꪒ 10 ꪜꪲ ꫃ꪥꪒ ꪚꪲ ꪖꪳ ꪋꪲ ꪶꪛ ꪚꪱꪙ , ꪩꪉꪴ ꪪꪱꪉ ꪪꪽ ꪹꪎꪉ ꫄ꪩꪉ ꪼꪒ ꫄ꪤꪙ ꪕꪙꪲ ꪹꪋ , ꪹꪝ ꪩꪺꪉ ꫃ꪥꪒ ꪄꪮꪉ ꫄ꪩꪉ ꪻꪎ ꪊꪣꪾ ꪝꪲ ꪙꪮꪉ. ꪹꪊꪱ ꪶꪔ ꪩꪉꪴ ꪵꪀꪉ ꪼꪕ ꪹꪭꪙ ꫄ꪩꪉ ꪝꪱ ꪕꪺꪙ ꪮꪺꪙ ꪀꪮꪙ ꫄ꪊꪚ ꪙꪣꪾ ꪒꪲ ꪩꪺꪉ ꪕꪱꪉꪶ ꪊꪉꪲ ꪵꪎꪀ ꪄꪮꪉ ꪒꪱꪉ, ꪠꪱꪚ ꪩꪺꪒ ꪄꪮꪉ ꪹꪭꪙ ꪹꪘꪀ , ꪶꪋꪣ ꪭꪚꪾ ꪻꪎ ꪝꪉꪳ ꪜꪱꪉ ꪹꪊꪉ ꪹꪋ ꪝꪉꪳ ꪬꪱ ꪡꪮꪉ ꪘꪉꪷ ꪓꪸ ꪹꪠꪉ. ꪀꪚꪾ ꪫꪀꪸ ꫃ꪥꪒ ꪨꪷ ꪚꪲ ꪖꪳ ꪋꪲ ꪶꪛ ꪚꪱꪙ , ꪩꪉꪳ ꪝꪮꪣ ꪀꪚꪾ ꪒꪱꪉ ꪪꪙꪸ ꪀꪺꪉ ꪋꪲ ꪶꪛ  ꪵꪮꪚ ꪭꪮꪀ ꪏꪳ ꪢꪉꪲ ꪝꪉꪳ ꪊꪲ ꪗꪲ, ꪉꪲ ꪀꪫꪒꪸ ꪄꪮꪉ ꪒꪱꪉ, ꪩꪙꪳ ꪹꪏ  ꪨꪷ ꪊꪲ ꪖꪲ ꪶꪎ 05 ꪄꪮꪉ ꪶꪛ ꪊꪉꪲ ꪋꪲ ꪣꪱ ꪕꪱꪉ ꪜꪀꪴ ꪋꪺꪙ ꪵꪮꪚ ꪭꪮꪀ ꪵꪀꪉ ꫃ꪤꪒ ꪕꪮꪥ ꪵꪫꪙ ꪵꪏꪉ ꪻꪎ ꪎꪉꪸ ꪶꪭ ꪊꪲ ꪢꪉꪲ, ꪊꪮꪉ ꪵꪭꪉ ꫃ꪥꪒ ꪶꪣꪣ ꪵꪩꪫ ꪘꪱ ꪫꪀꪸ ꪼꪒ ꪤꪱꪫ, ꪀꪺꪉ ꪙꪽ ꪀꪺꪉ ꪘ ꪱꪫꪀꪸ ꪹꪊꪉ ꪹꪋ ꫄ꪤꪙ ꪹꪣꪉ. ꪄꪴ ꪙꪲ ꪼꪒ ꫃ꪬꪙ ꪵꪊꪉ ꪘꪉꪷ ꪶꪗꪙ ꪙꪣꪾ ꪣꪮꪙ ꪧꪚꪱ ꪣꪲ ꫛ ꪹꪮꪱ ꪠꪺ ꪹꪮꪱ ꪣꪸ ꪵꪔ ꪙꪮꪥ ꪵꪀꪉ ꪹꪚꪱ ꪣꪲ ꫛ ꪮꪮꪀ ꪩꪀꪴ ꪖꪳ 3. ꪩꪉꪴ ꪹꪎꪉ ꪻꪬ ꪭꪴ; ꪹꪝ ꪩꪺꪉ ꪭꪴꪤ ꪏꪉꪸ ꫃ꪭ ꪼꪒ ꪕꪷ ꪻꪒ, ꪎꪚꪲ ꪜꪲ ꪨꪱꪥ ꪀꪮꪙ ꪙꪲ, ꪑꪉꪷ ꫃ꪬꪙ ꪎꪱꪙ ꪶꪓꪥ ꪠꪺ ꪹꪮꪱ ꪀꪽ ꫃ꪭ ꪭꪮꪒ ꪜꪙꪴ ꪔꪺꪥ, ꪣꪲ ꪨꪱꪥ ꪩꪀꪴ ꫄ꪩꪉ ꫃ꪬꪙ ꪮꪮꪀ ꪘꪉꪷ ꪙꪣꪾ ꪣꪮꪙ. ꪄꪮꪥ ꪝꪮꪣ ꪀꪚꪾ  ꪀꪱꪙ ꪶꪛ  ꪋꪲ ꪶꪭꪥ  ꪠꪴ ꪑꪉ ꪲꪼꪜ ꪕꪣꪾ ꪚꪱꪙ ꪼꪫ ꪋꪙꪸ ꪜꪱꪫ ꪹꪊꪉ ꪹꪋ ꪝꪲ ꪙꪮꪉ ꪼꪫ ꪝꪲ ꪙꪮꪉ ꪭꪴ ꪼꪒ ꫄ꪋ ꪩꪴꪀ ꪹꪔꪱ ꪑꪉꪷ ꪙꪮꪥ ꪹꪮꪱ ꪠꪺ ꪹꪮꪱ  ꪣꪸ ꪹꪊꪱ ꪋꪲ ꪣꪲ ꪭꪱꪥ ꪭꪮꪒ ꪝꪀꪾ ꪵꪭꪉ ꪵꪀꪉ ꪩꪺꪉ ꪢꪱ ꪻꪐ ꪄꪮꪉ ꪩꪣꪾ ꪣꪷ, ꪵꪩꪫ ꪩꪴꪀ ꪹꪔꪱ ꪮꪮꪀ ꪣꪱ ꪋꪲ ꪹꪚꪱ ꪒꪀꪷ ꪉꪮꪙ ꪤꪮꪥ ꪋꪱꪉ ꪹꪨꪱ ꪹꪚꪱ ꪣꪲ ꪤꪱꪙ ꫄ꪋ ꪼꪫ ꫃ꪤꪒ ꪹꪥꪙ.        

          ꪘꪉꪾ ꪓꪸ ꪹꪠꪉ, ꪩꪉꪴ ꪹꪎꪉ ꪨꪷ ꫛ ꪭꪴ ꪋꪱꪉ ꪣꪱ ꪕꪱꪉ ꫃ꪥꪒ ꪹꪥꪙ. ꪝꪉꪳ ꪣꪳ ꪔꪉꪷ ꪶꪀꪀ ꪻꪎ ꪫꪀꪸ ꪹꪝꪙ ꫃ꪭ ꪣꪸ ꪁꪉꪲ ꪉꪣꪸ, ꪹꪝ ꫃ꪭ ꪣꪲ ꪁꪉꪸ ꪉꪣꪸ, ꪼꪕ ꪹꪭꪙ ꪩꪉꪴ ꪝꪷ ꪨꪱꪥ ꪤꪱꪀ ꪋꪱ, ꪩꪱꪉ ꪒꪲ ꪀꪉꪲ ꫃ꪔ ꪹꪚꪱ ꪎꪉꪴ. ꪀꪚꪾ ꪀꪣꪾ ꪀꪫꪒꪸ ꪄꪱꪣ ꪶꪝꪙ ꪥꪱꪀ ꪋꪱ, ꪩꪉꪴ ꪵꪮꪚ ꪭꪮꪀ ꪀꪲ ꪗꪺꪒ, ꪁꪉꪲ ꪉꪣꪸ ꪵꪔ ꪨꪱꪥ ꪔꪱꪉ ꪨꪱꪀ ꪀꪽ, ꪭꪮꪒ ꪼꪅ ꪢꪮꪥ ꪜꪲ ꪋꪺ ꪹꪭꪙ ꪩꪉꪴ ꫃ꪥꪒ ꪮꪮꪀ ꪼꪒ ꪤꪱꪫ 200 ꪋꪫꪥꪸ ꪢꪽ ꪵꪔ ꪫꪀꪸ ꪵꪔꪉ ꪩꪉꪸ ꪵꪀꪉ ꪜꪀꪴ ꪶꪚꪉ. ꪜꪲ 2016, ꪎꪱ ꪙꪣꪾ ꪣꪮꪙ ꫄ꪊꪚ ꪙꪣꪾ ꪜꪀꪴ ꪢꪱꪀ ꪹꪮꪒ, ꪼꪕ ꪹꪭꪙ ꪩꪉꪴ ꪨꪷ ꪋꪺ ꪹꪭꪙ ꫜ ꪜꪀꪴ ꪀꪮꪙ. ꪨꪉꪷ 2 ꪋꪴ ꪜꪒꪲ, ꪩꪉꪴ ꫃ꪬꪙ ꪜꪀꪴ ꪢꪱꪀ ꪹꪮꪒ ꪼꪒ ꪀꪱ ꪁꪱꪙ ꪵꪀꪉ ꪋꪮꪚ ꪅꪷ ꪀꪚꪾ ꪙꪣꪷ ꪒꪙꪲ ꪘꪉꪾ ꪓꪸ ꪹꪠꪉ , ꪩꪉꪴ ꪂꪚꪳ ꪔꪱꪣ ꪼꪄ ꪀꪪꪱꪉ ꪔꪱ ꪒꪙꪸ ꪜꪀꪴ ꪢꪱꪀ ꪹꪮꪒ ꪄꪙꪴ ꪊꪲ ꪮꪱꪫ ꪭꪮꪒ ꪵꪬꪀ ꪕꪱ ꫜ, ꪎꪮꪉ ꪣꪱ, ꪩꪉꪴ ꪑꪉꪷ ꪁꪱꪒ ꪁꪙꪸ ꪀꪱꪙ ꪶꪛ ꪄꪫꪙꪸ ꪶꪘꪉ ꪎꪱ ꪔꪣꪴ ꪝꪺ ꪫꪀꪸ ꪋꪙꪸ ꪜꪱꪫ ꪹꪊꪉ ꪹꪋ ꫛ ꫄ꪤꪙ ꪔꪣꪸ ꪤꪱ ꪪꪀꪷ ꪏꪙꪲ ꪋꪳ ꪡꪮꪉ ꫃ꪛꪉ ꪻꪬ ꪶꪔ ꪵꪔꪉ ꪩꪉꪸ, ꫄ꪩꪉ ꪕꪮꪙ ꪕꪣꪾ ꪵꪝ ꪻꪎ ꪁꪷ ꫄ꪛꪉ ꪶꪔ ꪵꪔꪉ ꪩꪉꪸ...

          ꪶꪖꪙ ꪙꪣꪾ ꪣꪮꪙ ꪣꪲ 75 ꪋꪺ ꪹꪭꪙꪶ ꪀꪱꪥ 300 ꪬꪺ ꫛ ꪣꪲ 3 ꪹꪋ 4 ꪝꪮꪣ ꪀꪱꪒ ꪎꪱꪙ ꪀꪙꪲ ꪤꪴ. ꪜꪺꪉ ꪀꪙꪸ ꪩꪺꪉ ꪤꪴ ꪄꪮꪉ ꫛ ꫄ꪤꪙ ꪘꪲ ꪋꪣꪾ ꪪꪱ ꪁꪷ ꪜꪙꪸ ꪖꪱꪥ ꪬꪱꪀ ꪪꪱ ꪩꪉꪴ ꪹꪎꪉ ꪑꪉꪷ ꫄ꪩꪉ ꪹꪊꪱ ꪨꪷ ꪎꪱꪫ ꪬꪱ ꪨꪱꪥ ꪩꪺꪉ ꫃ꪤꪒ ꪼꪫ ꪋꪮꪥ ꪝꪸ ꪙꪮꪉ ꪀꪺꪉ ꪚꪱꪙ ꪢꪱ ꪼꪄ ꪫꪀꪸ ꫃ꪤꪒ ꪹꪥꪙ ꪑꪷ ꪎꪉꪴ ꪜꪺꪉ ꪀꪙꪲ ꪩꪺꪉ ꪤꪴ.

                                                                                                                                                                                ꪚꪱꪫ ꪩꪱꪫ ꪀꪱꪥ - ꪵꪭꪉ ꪥꪀꪲ

 Bí thư chi bộ phổng xùng chang dệt kinh tế giỏi

          Chi áo họt 10 pi dệt Bí thư Chi bộ bản, lung Vàng Văn Xưởng lâng đảy dân tin chưa, pưa luông dệt khong lung lâng sảu chăm pi nọng. Chảu tô lung cánh tay hươn lâng pa tuôn uôn cón chấp năm đi luông tang, chính sách khong Đảng, pháp luật khong hươn nước, chôm hặp sáư pang chướng chưa, pưng há phong nẳng địa phương. Cắp vịa dệt lỏ Bí thư chi bộ, lung pọm cắp đảng viên cuông chi bộ  ép học sư minh pưng chỉ thị, nghị quyết khong Đảng, lưn xưa lỏ chỉ thị số 05 khong Bộ Chính trị ma tang púc chuân ép học cánh dệt toi ven xanh sàư xiêng Hô Chí Minh, chóng hanh dệt mộm lẹo nả vịa đảy giao, cuông nặn mi cá nả vịa chướng chưa dân mương. Khu nị đảy hên chảnh nẳng vịa thôn Nặm Mon báu mi côn àu phua àu mia té nọi cánh báu mi côn ók lụk thứ 3. Lung Xưởng hảu hụ; Pưa luông hụ xiêng hê đảy to đàư, xíp pi lài cón nị, nhăng hên san đôi phua mia àu căn chơ hê họt pun tuổi, mi lai lụk lâng hên ók nẳng Nặm Mon. Khỏi pọm cắp cán bộ Chi hội phủ nhinh bản pày tặm hươn vạy chiên páo, chướng chưa pi nọng  vạy pi nọng hụ chơ lụk tảu nhăng nọi àu phua àu mia chạu chi mi hại họt pặc hanh cánh luông mả nháư khong lăm mo, lẹo lăng ma mi lụk lan cọ ma chi báu hảo hanh, đắc ngon, lẹo phủ pên ải pên êm báu mi dan chơ vạy dệt dượn.

          Nẳng địa phương, lung Xưởng lỏ côn hụ chang ma tang dệt dượn. Pưng mự tẳng cốc sáư vịa tảnh liệng, pưa hê mi kinh nghiệm, tay hươn lung pọ lai dạk cha, lang đi kinh tế báu xùng. Cắp căm quyết khảm pộn chu khu dạk cha, lung ép học kỹ thuật, kinh nghiệm té lài tang lák căn, họt khạy, mỏi tay hươn lung dệt ók đảy dáo 200 triệu mằn té tảnh liệng sắt sính cánh dệt dượn púk bồng. Pi 2016, xã Nặm Mon chấp năm luông púk mák ướt, tay hươn lung lỏ chua hươn nưng púk cón. Lăng 2 chu pít, lung hên púk mák ướt khài đảy ca con cánh chọp khọ cắp nặm đin nẳng địa phương chảu, lung xứp tam khày quảng ta đin púk khửn chi áo họt héc ta nưng, xong ma, lung nhăng cạt kiên cắp cán bộ khuyến nông xã tủm pua vịa chiên páo, chướng chưa côn dân tiêm vắc xin chự phong bệnh hảu tô tảnh liệng, tọn tăm pẹ sàư cọ bâng tô tảnh liệng...

          Thôn Nặm Mon mi 75 chua hươn, cài 300 hùa côn cắp 3 chựa côn pọm cạt san kin dú. Puông kin luông dú khong côn dân nẳng nỉ chăm va cọ piến thái, hák va lung Xưởng nhăng lâng chau lo cánh khâng sáo hà lai luông dệt vạy choi pi nọng cuông bản mả khày vịa dệt dượn kinh tế, nho xùng puông kin luông dú./.

                                                                                                                        Báo Lao Cài - Hạnh dịch