Kỹ sư Trần Văn Hà cánh pưng luông chang ngắm pùn

dệt lợi hẳư công ty hạng họi triệu mằn

          Pì 1995, lằng chơ tốt nghiệp ngành điện công nghiệp-trương Cao đẳng cơ điện 2, ai Trần Văn Hà cọ ma dệt vịa nẳng Công ty cổ phần nặm ỏi Sơn La, cắp vịa dệt lỏ sơk sảng pành điện. Lỏ côn hính ép ók trương hê mi lài kinh nghiệm, hák va nhẳn danh cạt kiên cắp nghê, cạt kiên cắp Công ty xương nặn ai Hà cọ khâng chằư xáo hụ, dệt quén cắp pưng chương khòng máy móc khòng hươn máy, vạy hẳư khươi vịa, tựng dan pua xùng luông hụ xiêng ma tang vịa dệt.

          Tổ điện lỏ tổ cận hà cuòng vịa dệt dượn nặm ỏi. Pưng pì cài ma công ty cọ nho xùng công xuất khòng hươn máy khửn 4 păn tấn mỏi mự. Khù nị cọ pọm cắp vịa đảy nho xùng công suất điện vạy to cắp công suất khòng máy. Cuồng chơ nặn, công ty cọ hê mi khù ngai đì vạy sự máy phát điện mắư. Ngắm pù cắp pưng khù dạk cha khòng Công ty, ai hà pọm cắp pi nọng cuồng tổ điện cọ ngắm pùn ók cánh pâng xắư máy phát điện cáu. Chăm va báu nhăng sơ đồ, bản vẻ lắp máy, hák va ai Hà cọ nan chằư xáo hà, ép học cánh lắp tó cựt đảy lang đì máy phát điện công suất nhắư chọp xồm cắp cồng suất khòng hươn máy cánh phảy dòm đảy hạng họi triệu mằn hẳư Công ty. Nọk nặn ók, ai nhăng mi lài luông ngắm pùn ứn dệt lợi hẳư Công ty xương: piến pành máy móc cấp điện họt pưng phân xưởng, piến pành dệt xương xư hẳư chọp xồm cắp cồng xuất máy.

          Báu chư hịa chang ngắm pùn cuồng vịa dệt lạ, ai Trần Văn Hà lâng ngắm pùn cận đảy xọk xáo luông vạy dón xìa pưng khù báu ngau ma tang điện.  Ai nhăng muôn chằư chík bók hẳư pưng pi nọng cuồng tổ vạy cựt tóp đảy lang áo vịa dệt.

          Ven xanh khòng cồng nhần Trần Văn Hà chang ngắm pùn, trách nhiệm cuồng vịa dệt, hôm phân phảy dòm, dón ngơn phí dệt dượn, dệt lợi hẳư hươn máy xồm đáng đảy khày quảng hẳư lài côn ép năm dệt toi.

 T Thuỷ-Huyền dịch

ꪀꪲ ꪏꪳ ꫄ꪊꪙ ꪪꪽ ꪬꪱ ꪵꪀꪉ ꪝꪉꪳ ꪩꪺꪉ ꪋꪱꪉ ꪈꪣꪾ ꪜꪴꪙ ꫃ꪥꪒ ꫄ꪨꪥ ꪻꪬ ꪶꪁꪉ ꪕꪲ ꪭꪱꪉ ꪭꪮꪥ ꪋꪫꪸ ꪢꪽ

          ꪜꪲ 1995 ꪨꪉꪰ ꫄ꪋ ꪶꪔꪒ ꪉꪚꪸ ꪵꪈꪉ ꪓꪙꪸ ꪶꪀꪉ ꪉꪚꪸ-ꪹꪋꪉ ꪀꪱꪫ ꪒꪉꪰ ꫄ꪁ ꪓꪙꪸ 2 ꪯꪱꪥ ꫄ꪊꪙ ꪪꪽ ꪬꪱ ꪁꪷ ꪢꪱ ꫃ꪥꪒ ꪫꪀꪸ ꪘꪉꪰ ꪶꪁꪉ ꪕꪲ ꪶꪀ ꫄ꪠꪙ ꪙꪣꪾ ꪮꪮꪥ ꫄ꪎꪙ ꪨꪱ ꪀꪚꪾ ꪫꪀꪸ ꫃ꪥꪒ ꪨꪷ ꪎꪱꪉ ꪵꪜꪉ ꪓꪙꪸ. ꪹꪝ ꪬꪉꪲ ꪵꪮꪚ ꪮꪮꪀ ꪹꪋꪉ ꫃ꪭ ꪣꪲ ꪨꪱꪥ ꪀꪉꪲ ꪉꪣꪸ, ꪭꪱꪀ ꪫꪱ ꪐꪽ ꪵꪥꪉ ꪀꪱꪒ ꪁꪙꪸ ꪀꪚꪾ ꪶꪁꪉ ꪕꪲ ꪹꪏꪉ ꪙꪽ ꪯꪱꪥ ꪬꪱ ꪁꪷ ꫄ꪅꪉ ꪻꪊ ꪎꪱꪫ ꪭꪴ ꫃ꪥꪒ ꪵꪀꪫꪙ ꪀꪚꪾ ꪝꪉꪳ ꪹꪋꪉ ꪄꪮꪉ ꪼꪢ ꪢꪮꪀ ꪄꪮꪉ ꪹꪭꪙ ꪼꪢ ꪼꪫ ꪻꪬ ꪹꪅꪥ ꪫꪀꪸ ꪕꪉꪳ ꪥꪱꪙ ꪑꪷ ꪎꪉꪴ ꪩꪺꪉ ꪭꪴ ꪏꪉꪸ ꪣꪱ ꪕꪱꪉ ꪫꪀꪸ ꫃ꪥꪒ.

          ꪶꪔ ꪓꪙꪸ ꪨꪷ ꪶꪔ ꫄ꪁꪙ ꪬꪱ ꪀꪺꪉ ꪫꪀꪸ ꫃ꪥꪒ ꪹꪥꪙ ꪙꪣꪾ ꪮꪮꪥ. ꪝꪉꪳ ꪜꪲ ꪀꪱꪥ ꪣꪱ ꪶꪁꪉ ꪕꪲ ꪁꪷ ꪑꪷ ꪎꪉꪴ ꪶꪀꪉ ꪎꪺꪒ ꪄꪮꪉ ꪹꪭꪙ ꪼꪢ ꪄꪙꪳ 4 ꪝꪽ ꫄ꪔꪙ ꪢꪮꪥ ꪣꪳ. ꪄꪴ ꪙꪲ ꪁꪷ ꪝꪮꪣ ꪀꪚꪾ ꪫꪀꪸ ꫄ꪁꪙ ꪼꪒ ꪑꪷ ꪎꪉꪴ ꪶꪀꪉ ꪎꪺꪒ ꪓꪙꪸ ꪄꪙꪳ ꪼꪫ ꪕꪷ ꪀꪚꪾ ꪶꪀꪉ ꪎꪺꪒ ꪹꪭꪙ ꪼꪢ. ꪯꪱꪥ ꪬꪱ ꪁꪷ ꪝꪮꪣ ꪀꪚꪾ ꪝꪲ ꪙꪮꪉ ꪀꪺꪉ ꪶꪔ ꪓꪙꪸ ꪁꪷ ꪈꪣꪾ ꪜꪙꪴ ꪮꪮꪀ ꫄ꪝꪉ ꪻꪎ ꪼꪢ ꪹꪀꪱ ꪼꪫ ꫃ꪥꪒ. ꪋꪣꪾ ꪫꪱ ꪹꪚꪱ ꪑꪉꪰ ꪶꪬ ꫄ꪏ ꪚꪱꪙ ꪵꪪ ꪨꪚꪾ ꪼꪢ ꪭꪱꪀ ꪫꪱ ꪯꪱꪥ ꪬꪱ ꪁꪷ ꪙꪱꪙ ꪼꪊ ꪎꪱ ꪭꪴ, ꪵꪮꪚ ꪭꪮꪀ ꪵꪀꪉ ꪨꪚꪾ ꪔꪷ ꪁꪙꪳ ꪼꪒ ꪩꪱꪉ ꪒꪲ ꪼꪢ ꪠꪱꪒ ꪓꪙꪸ ꪶꪀꪉ ꪎꪺꪒ ꪻꪐ ꪋꪮꪚ ꪶꪎꪣ ꪀꪚꪾ ꪶꪀꪉ ꪎꪺꪒ ꪄꪮꪉ ꪹꪭꪙ ꪼꪢ ꪵꪀꪉ ꪼꪠ ꪤꪮꪣ ꪻꪬ ꪶꪁꪉ ꪕꪲ ꪭꪱꪉ ꪭꪮꪥ ꪋꪫꪸ ꪢꪽ. ꪙꪮꪀ ꪙꪽ ꪮꪮꪀ ꪯꪱꪥ ꪑꪉꪰ ꪣꪲ ꪨꪱꪥ ꪩꪺꪉ ꪈꪣꪾ ꪜꪴꪙ ꪮꪙꪳ ꫃ꪥꪒ ꫄ꪨꪥ ꪻꪬ ꪶꪁꪉ ꪕꪲ.

          ꪹꪚꪱ ꪋꪳ ꪭꪀꪸ ꪋꪱꪉ ꪈꪣꪾ ꪜꪴꪙ ꪀꪺꪉ ꪫꪀꪸ 6ꪥꪒ ꪩꪱ ꪯꪱꪥ ꫄ꪊꪙ ꪪꪽ ꪬꪱ ꫃ꪩꪉ ꪎꪱꪫ ꪬꪱ ꪨꪱꪥ ꪩꪺꪉ ꪼꪫ ꪤꪮꪙ ꪎꪸ ꪝꪉꪳ ꪄꪴ ꪹꪚꪱ ꪹꪉꪱ ꪣꪱ ꪕꪱꪉ ꪓꪙꪸ. ꪯꪱꪥ ꪑꪉꪰ ꪣꪺꪙ ꪻꪊ ꪋꪲ ꪚꪮꪀ ꪻꪬ ꪝꪲ ꪙꪮꪉ ꪁꪺꪉ ꪶꪔ ꪼꪫ ꪁꪒꪳ ꪕꪮꪚ ꪩꪱꪉ ꪮꪱꪫ ꪫꪀꪸ ꫃ꪥꪒ.

ꪵꪫꪙ ꪵꪏꪉ ꪄꪮꪉ ꪶꪀꪉ ꫄ꪐꪙ ꫄ꪊꪙ ꪪꪽ ꪬꪱ ꪋꪱꪉ ꪈꪣꪾ ꪜꪙꪴ, ꪵꪊꪉ ꪑꪣꪸ ꪀꪚꪾ ꪫꪀꪸ ꫃ꪥꪒ ꪶꪭꪣ ꫄ꪡꪙ ꪼꪠ ꪤꪮꪣ , ꪤꪮꪙ ꫄ꪉꪙ ꪠꪲ ꫃ꪥꪒ ꪹꪥꪙ ꫃ꪥꪒ ꫄ꪩꪥ ꪻꪬ ꪹꪭꪙ ꪼꪢ ꪶꪎꪣ ꪒꪱꪉ ꪼꪒ ꪼꪄ ꪀꪫꪱꪉ ꪼꪬ ꪨꪱꪥ ꫛ ꪵꪮꪚ ꪙꪣꪾ ꫃ꪥꪒ ꪕꪮꪥ.

ꪹꪩꪉ ꪬꪫꪙꪸ ꪥꪀꪲ