꫄ꪔꪙ ꪁꪣꪲ ꪡꪴ - ꪠꪴ ꪥꪱꪫ  ꪘꪒꪰ ꪹꪎꪉ ꪀꪚꪾ ꪒꪱꪥ ꪁꪫꪱꪣ ꪜꪱꪀ ꪫꪒꪸ ꪘꪱꪣ

ꪼꪜ ꪶꪛ  ꪶꪓꪥ ꪤꪴ ꪘꪉꪷ ꪏꪳ ꪒꪫꪱꪙ ꪠꪮꪉ ꪶꪄꪉ ꪶꪄꪉ ꪁꪺꪙ, 1975 ꪩꪉꪴ ꫄ꪔꪙ ꪁꪣꪲ ꪡꪴ ꪮꪮꪀ ꪀꪺꪙ ꪔꪱꪫ ꪢꪱ ꪹꪭꪙ ꪘꪉꪾ ꪭꪫꪙꪸ ꪎꪙꪲ ꪶꪬ, ꪣꪱ ꫃ꪤꪒ ꪫꪀꪸ ꪘꪉꪷ ꪓꪸ ꪹꪠꪉ ꪩꪉꪴ ꪼꪒ ꪤꪱꪫ ꪵꪊꪀ ꪑꪣꪸ ꪀꪫꪱꪙ ꪨꪲ ꪄꪉꪷ ꪒꪱꪥ ꫜ ꪠꪱꪒ ꪻꪬ ꪀꪱ ꫄ꪕꪚ ꫃ꪖ ꪡꪉꪷ. ꪑꪱꪣ ꪙꪽ ꪡꪉꪷ ꪒꪱꪥ ꪁꪽꪷ ꪥꪱꪀ ꪨꪱꪥ ꪼꪒ ꪼꪔ ꪕꪙꪸ ꪙꪣꪾ ꪣꪽ. ꪬꪱꪀ ꪪꪱ ꪩꪉꪳ ꪙꪒꪷ ꪹꪎꪉ ꪀꪚꪾ ꪹꪊꪉ ꪊꪉꪲ ꪁꪫꪱꪣ ꪄꪱꪫ, ꪪꪽ ꪬꪫꪱ ꪪꪽ ꫃ꪉ ꪩꪙꪳ ꪹꪏ ꪨꪷ ꪣꪱ ꪕꪱꪉ ꪋꪙꪸ ꪀꪱꪫ ꪅꪱꪫ ꪭꪮꪀ ꪀꪲ ꪗꪺꪒ ꪀꪺꪉ ꪫꪀꪸ ꫃ꪥꪒ ꪹꪥꪙ, ꪵꪔꪉ ꪩꪉꪸ ꪼꪒ ꪡꪮꪉ ꪓꪸꪙ ꪒꪱꪥ ꪁꪫꪱꪣ ꪜꪱꪀ ꪫꪒꪸ ꪘꪱꪣ. ꪹꪝ ꪢꪮꪥ ꪹꪕ ꪼꪜ ꪶꪀꪉ ꪔꪱꪀ, ꪩꪉꪴ ꪝꪮꪣ ꪜꪺ ꪒꪱꪥ ꪼꪜ ꪕꪮꪥ. ꪓꪱꪥ ꪨꪷ ꪔꪱꪉ ꪋꪙꪸ ꪁꪫꪱꪣ ꪼꪫ ꪩꪉꪴ ꪣꪲ ꪔꪣꪳ ꪨꪱꪥ ꪄꪴ ꪭꪴ ꪩꪺꪉ ꪏꪉ ꪋꪍꪉ ꪭꪮꪉ ꪫꪀꪸ ꪉꪙꪸ ꪊꪫꪲ ꪪꪽ ꪬꪫꪱ ꪹꪋ ꫛ ꪥꪱꪫ , ꪋꪙꪸ ꪜꪱꪫ ꪻꪬ ꪝꪸ ꪙꪮꪉ ꪫꪱꪉ ꪎꪸ ꪝꪉꪳ ꪭꪒꪲ ꪅꪮꪉ ꪔꪮꪉ ꪋꪽ ꪹꪀꪱ ꪵꪀ, ꪵꪮꪚ ꪭꪮꪀ ꪩꪺꪉ ꫃ꪥꪒ ꪀꪙꪲ ꪻꪢ:

꫃ꪬꪙ ꪼꪒ ꪩꪺꪉ ꪣꪀꪷ ꪣꪺꪙ ꪘꪒꪷ ꪹꪎꪉ ꪣꪀꪷ ꪡꪉꪷ ꪒꪱꪥ ꪄꪮꪉ ꪩꪉꪴ ꪡꪴ ꪀꪱꪥ ꪝꪉꪳ ꪁꪫꪱꪣ ꪀꪮꪚ ꪶꪭꪣ ꪄꪮꪉ ꪩꪉꪴ ꪠꪱꪀ ꪣꪱ, ꪠꪴ ꪮꪺꪙ ꪝꪱ ꪒꪱꪥ ꪠꪱꪒ ꪵꪖꪉ ꪊꪫꪙꪸ ꪬꪉꪲ ꪨꪱꪥ ꪹꪊꪱ ꪁꪷ ꫄ꪣꪥ ꪩꪉꪴ ꫃ꪤꪒ ꫛ ꪵꪔꪉ ꪡꪉꪷ ꪵꪀꪉ ꪀꪮꪚ ꪶꪭꪣ ꪎꪮꪣ ꪵꪜꪉ ꪹꪊꪉ ꪊꪉꪲ ꪠꪱꪒ ꪵꪖꪉ ꪁꪫꪱꪣ ꪤꪱꪫ ꪄꪮꪉ ꪒꪱꪥ ꪔꪉꪲ. ꪵꪩꪫ ꪵꪔ ꪜꪲ 2006 ꪭꪮꪒ ꪼꪅ ꪩꪉꪴ ꪼꪒ ꫄ꪣꪥ ꫃ꪤꪒ ꫛ ꪵꪔꪉ ꪡꪉꪷ ꪵꪀꪉ ꪣꪲ ꪁꪫꪱꪣ ꪀꪮꪚ ꪶꪭꪣ ꪎꪮꪣ ꪵꪜꪉ ꪹꪊꪉ ꪊꪉꪲ ꪲ ꪁꪫꪱꪣ ꪤꪱꪫ ꪄꪮꪉ ꪒꪱꪥ ꪁꪫꪱꪣ ꪜꪱꪀ ꪫꪒꪸ ꪘꪱꪣ.

ꪀꪚꪾ ꪵꪊꪀ ꪑꪣꪸ ꪄꪮꪉ ꪹꪊꪱ ꪩꪉꪴ ꪊꪮꪉ ꪵꪭꪉ ꪊꪲ ꪚꪮꪀ ꪻꪬ ꪝꪲ ꪙꪮꪉ ꪚꪙꪸ ꪥꪀꪲ - ꪠꪱꪒ ꪵꪖꪉ ꪪꪙꪸ ꪁꪫꪱꪣ ꪥꪫꪱ ꪄꪮꪉ ꪒꪱꪥ ꪁꪫꪱꪣ ꪜꪱꪀ ꪫꪒꪸ ꪢꪱꪙ ꪬꪲꪉ ꪹꪄꪱ ꪵꪮꪚ ꫃ꪉ. ꪣꪲ ꪨꪱꪥ ꪁꪫꪱꪣ ꪀꪮꪚ ꪶꪭꪣ ꪵꪀꪉ ꪝꪉꪳ ꪚꪱꪥ ꪄꪚꪾ ꪩꪉꪴ ꪚꪀꪷ ꪮꪮꪀ, ꪝꪉꪳ ꪁꪫꪱꪣ ꪶꪕ ꪼꪕ ꪹꪣ ꪨꪱꪥ  ꪣꪺꪙ ꪻꪬ ꪹꪊꪉ ꪊꪉꪲ ꪁꪫꪱꪣ ꪤꪱꪫ ꪄꪮꪉ ꪒꪱꪥ ꪁꪫꪱꪣ ꪜꪱꪀ ꪫꪒꪸ ꪘꪱꪣ. ꪝꪉꪳ ꪁꪫꪱꪣ ꪄꪚꪾ ꪛꪱꪥ ꪶꪕ ꪄꪮꪉ ꪩꪉꪴ ꪼꪒ ꪠꪱꪒ ꪀꪱꪥ ꪁꪫꪱꪣ ꪤꪱꪫ ꪄꪮꪉ ꪒꪱꪥ  ꫄ꪩꪉ ꪀꪱꪫ ꪊꪱ ꪜꪺꪉ ꪀꪙꪲ ꪩꪺꪉ ꪤꪴ , ꪝꪉꪳ ꪨꪱꪉ ꪼꪠ ꪻꪊ ꪣꪮꪙ ꪄꪮꪉ ꪝꪸ ꪙꪮꪉ.

ꪕꪮꪥ ꪩꪉꪴ ꪡꪴ, ꪀꪺꪉ ꪀꪱ ꪹꪣꪉ, ꪹꪋ ꫛ ꪥꪫꪱ ꪁꪷ ꪣꪲ 24 ꪵꪈꪉ ꪥꪱꪫ, ꪝꪉꪳ ꪵꪈꪉ ꪥꪫꪱ ꪪꪽ ꪬꪫꪱ ꫄ꪡꪙ ꪨꪱꪥ ꪁꪷ ꪵꪜꪀ ꪀꪽ, ꪬꪱꪀ ꪫꪱ ꪁꪫꪱꪣ ꪜꪱꪀ ꪹꪚꪱ ꪶꪄꪉ ꪀꪽ ꪹꪝ ꪹꪏꪉ ꪙꪽ ꪀꪺꪉ ꪫꪀꪸ ꪥꪀꪲ ꪵꪔ ꪁꪫꪱꪣ ꪶꪠ ꪶꪖꪉ ꪮꪮꪀ ꪁꪫꪱꪣ ꪤꪱꪫ ꪙꪮꪀ ꪹꪮꪱ ꪁꪫꪱꪣ ꪥꪱꪫ ꪵꪒꪉ ꪨꪷ ꪁꪫꪱꪣ ꪊꪉꪲ ꪭꪳ ꪼꪒ ꪁꪱꪒ ꪁꪙꪸ, ꪣꪲ ꫄ꪋ ꪼꪒ ꪹꪩꪀ ꪁꪫꪱꪣ ꪊꪉꪴ ꪄꪮꪉ ꪨꪱꪥ ꪢꪴ ꪵꪈꪉ ꪥꪱꪫ ꪡꪉꪷ ꪼꪒ ꪼꪫ ꪥꪀꪲ ꪮꪮꪀ.

72 ꪜꪲ - ꪡꪮꪉ ꪓꪙꪸ ꪒꪱꪥ ꪁꪫꪱꪣ ꪜꪱꪀꪎ ꪫꪒꪸ ꪘꪱꪣ ꪹꪑꪉ ꪣꪳ ꪹꪑꪉ ꪼꪄ ꪀꪫꪱꪉ. ꪝꪮꪣ ꪀꪚꪾ ꪩꪺꪉ ꪢꪱ ꪼꪄ ꪙꪽ, ꪹꪚꪱ ꪹꪏꪉ ꪻꪒ ꪒꪒꪴ ꪖꪫꪸꪥ ꪝꪉꪳ ꫛ ꫄ꪩꪉ ꪘꪒꪾ ꪹꪎꪉ ꪒꪱꪥ ꪹꪏꪉ ꪩꪉꪴ ꫄ꪔꪙ ꪁꪣꪲ ꪡꪴ ꫛ ꪭꪴꪤ ꪋꪱꪉ, ꪉꪸꪙ ꪊꪫꪲ ꪣꪱ ꪕꪱꪉ ꪪꪽ ꪬꪫꪱ ꪥꪱꪫ.

                                                          ꪵꪊꪫ ꪖꪴ - ꪵꪭꪉ ꪤꪀꪲ

Tẩn Kim Phu - Phủ Dạo nắt xương cắp

Đài quam pák Việt Nam

Pày bộ đội dú nẳng sư đoàn phòng không quân, pi 1975, lung Tẩn Kim Phu ók quân táo mưa hươn nẳng Sìn Hồ. Ma dệt vịa nẳng địa phương lung đảy giao trách nhiệm quản lý khẳng đài điêu, phát hảu cá tập thể cán bộ phăng. Nham nặn phăng đài cọ dạk lài, đảy tảy tiên nặm măn. Hák va lung nắt xương cắp chương trình quam kháo, văn hoá văn nghệ, lưn xưa lỏ phăng ma tang chiên cái khoa học kỹ thuật cuông vịa dệt dượn, tảnh liệng đảy phát nẳng phong điện Đài quam pák Việt Nam. Pưa mỏi tưa pày công tác, lung pọm pua đài pày toi. Đài lỏ tang chiên quam vạy lung mi tứm lai khu hụ luông xiêng chuông hong vịa nghiên cứu văn hoá Dao, chiên páo hảu pi nọng vang xia pưng hịt khong tòng chặn cáu ké, ép học luông dệt kin máư:

Hên đảy luông mặc muôn nắt xường mặc phăng Đài khong lung Phu cài pưng quam cóp hôm khong lung phák ma, phủ uôn pa Đài Phát thanh - Truyền hình Lai Châu cọ mơi lung dệt côn tánh phăng cánh cóp hôm xỏm panh chương trình phát thanh quam Dạo khong Đài tỉnh. Lẹo té pi 2006 họt khạy, lung đảy mơi dệt côn tánh phăng cánh mi quam cóp hôm xỏm panh chương trình quam Dạo khong Đài quam pák Việt Nam.

Cắp trách nhiệm khong chảu, lung chóng hanh chỉ bók hảu pi nọngm biên dịch - phát thanh viên quam Dạo hính khảu ép nghê, mi lai quam cóp hôm cánh lẹo lung nhăng chang bắc ók lai bai khắp, chang sáo hà quam tô tay mưa lài muôn hảu chương trình quam Dạo khong Đài quam pák Việt Nam. Pưng quam khắp bai tô khong lung đảy phát cài quam Dạo khong Đài lâng cáo cha puông kin luông dú, pưng lang pháư chàư mon khong côn Dạo. Toi lung Phu, cuông cá mương, chựa côn Dạo cọ mi 24 ngành Dạo. Pưng ngành Dao, phân lai văn hoá cọ pék căn, hák va quam pák báu pék căn pưa xương nặn cuông vịa dịch té quam phổ thông ók quam Dạo nọk àu quam Dạo đanh lỏ quam chính hư đảy cạt kiên, mi chơ đảy lựa quam chung khòng lai mú ngành Dao phăng đảy vạy dịch ók.

Biên tập viên Thiều Thị Nghiệp, tổ trưởng tổ chương trình quam Dạo, Đài quam pák Việt Nam hảu hụ; Té pưng cóp hôm khong pưng côn tánh nghiên cứu, pưng côn hụ chang ma tang văn hoá Dao, pưng biên tập - biên dịch - phát thanh viên quam Dạo cọ mi tứm lai khu hụ luông xiêng xủ sáư chuyên môn khon chảu:

Mặc muôn phăng đài, nắt xương cắp vịa nghiên cứu văn hoá Dạo, khu lung Tẩn Kim Phu chau lo lỏ côn hụ chang ma tang văn hoá cánh tẻm xừ nôm Dạo khạy báu lài. Lung mong cong Đài mi tứm chương trình giới thiệu, chiên cái quam pák, xư nôm Dạo. Nẳng phổng xùng Sìn Hồ, Đài quam pák Việt Nam cọ tẳng trạm phát sóng Làng Mô. Hák va, pộ mi lai phổng hê mi phong điện họt xương nặn vịa phăng đài khong pi nọng cọ hê đảy xương lang áo:

72 pi - phong điện đài quam pák Việt Nam nhương mự nhương khày quảng. Pọm cắp luông mả khày nặn, báu xương đàư đút thiếu pưng côn lâng nắt xương cắp Đài xương lung Tẩn Kim Phu côn hụ chang, nghiên cứu ma tang văn hoá Dạo./.

                                                Chẻo Thu - Hạnh dịch