VOV4.Sêdang - Tiô Khu xiâm ngăn ‘na chiâk deăng ƀă mơnhông thôn pơlê, tâi tâng tơmeăm tê ăm kong têa ê cho phái plâi pôm, tơmeăm pro ƀă loăng, ká xi xŏng tung 3 khế apoăng hơnăm châ 18,34 rơtal dollars. Tung mê, tê ăm kong têa ê châ 10,61 rơtal dollars, tâk 19,7 rơtal dollars tâng vâ pơchông ƀă hơnăm nah. Tung 3 khế apoăng hơnăm, hên tơmeăm tê ăm kong têa ê ki châ hên tâ tâng vâ pơchông ƀă hơnăm nah mê cho: Kơxu, chế, kơchâi, plâi, pôm loăng, xi xŏng, mâu tơmeăm pro ƀă loăng. Laga, xuân ai mâu tơmeăm ki tê ôh tá châ xo hên mê cho kơphế, phái, kloăng plâi hôt, ká tra...

‘Na kong têa ki pin tê, ki rôe tơmeăm pêi lo ing chiâk deăng, tơmeăm pro ƀă loăng, ká xi xŏng troh mâu kong têa tung kơpong châu Âu châ 54,4% tơmeăm tê; châu Mih 32,2%; châu Âu 11,8%... Tung kơxô̆ ki mê, 4 to kong têa ki rôe hên cho Mih, Sinuâ, Nhuk ƀă Hàn Quốc xuân  hlo tâk hên.

Gương tơplôu ƀă tơbleăng