VOV4.Sêdang - Klêi kơ’nâi Kon Tum prế Gia Lai, a kong pơlê Dak Lak xuân hiăng ai pơreăng êi kéa po pom a ro. Ro ki apoăng tâ pơreăng êi kéa po pom châ ‘nâi a kong pơlê Dak Lak, cho dêi rơpŏng pôa Nguyễn Khắc Dự, thôn 5, cheăm Čuô̆r Knia, tơring Ƀuôn Đôn. Tiô séa ngăn ‘na pơreăng a hâi lơ 3/6, pôa Dự roê kuăn ro sap ing môi rơpŏng a cheăm ki achê. Drêng roê, ro ôh tá hlo ai pơreăng klâi.

Troh kơxo lơ 4/6, ro kŭn ki kố tro tơngê, lo kơbrĕn a kéa. Klêi mê, kơ koan ngăn pơlât mơnăn hiăng pâk xo mơheăm séa ngăn ƀă ăm’nâi kuăn ro mê hiăng tâ pơreăng êi a kéa. Rơtế ƀă tơdroăng ki prâu tah ro ki tro pơreăng, kơvâ ki ai tơdjâk tơring hiăng xôh pơkeăng kơdê pơreăng a kơpong ki ai pơreăng.

Khu ngăn mơnăn ƀă pơlât mơnăn kong pơlê Dak Lak hiăng ai hlá mơ-éa pơkâ thế mâu tơring, cheăm mơdêk hnoăng cheăng séa ngăn vâ rĕng châ ‘nâi tíu ki ai pơreăng vâ tí tăng ‘nâi plĕng, pơkâ tơleăng.

Katarina Nga tơplôu ƀă tơbleăng