VOV4.Sêdang - Klêi kơ’nâi mâu roh khía mơhot rơnó hngiú, kong tô hiăng troh a mâu kơdrum a 2 to cheăm An Phú [ă Trà Đa, pơlê kong kơdrâm Plei Ku, kong pơlê Gia Lai, mê kuăn pơlê hiăng tơbriât dêi pó pêt reăng vâ tê ahdrối rơnó Têt. Kuăn pơlê akố hiăng ai 20 hơnăm hmâ pêi pêt reăng, la ti xê rơnó ki lâi xuân châ rơhéa.

Reăng vâ pleăng tung kơ’lo châ pêt akố ki hên cho reăng lay ơn, huệ [ă mâu reăng cúc, reăng ly. Tiô ngoh Lê Thành Trung, thôn 2, cheăm An Phú, tơdroăng cheăng pêt reăng Têt a An Phú ai dâng 25 hơnăm hdrối. Drêng mê nah, vâi krâ nho\ng o bú pêt to hdrê reăng lay ơn a kong pơlê kố, (hmâ tối cho lay ơn cỏ) tơkâng ga ku\n, ‘nâng ‘nâi, reăng gá khêi prâp iâ, tơkâng preăng môi tiah reăng nhâ. Dâng 15 hơnăm achê kố, hdrê reăng lay ơn tung tơnêi têa xuân châ ’mâi hơ’leh ‘na ‘’ki kân le\m’’, ai tơ’nôm hdrê reăng lay ơn ing kong têa ê ai kông [ă reăng ga kân, hlối hbo, hên mơngiơk le\m, tá lay ơn tr^ng tiah hơpê drô k^ng mơngiơk tr^ng a ko tơkâng.

Drêng kơchâi hiăng châ kêi tê, tơnêi hiăng pơtê châ 10 hâi, mâu pôm hdrê reăng tu\m túa reăng lay ơn, reăng ly ing Đà Lạt châ djâ troh akố. Troh a poăng khế 10 Âm lịch a tơnêi klâng châ po nhên, pro ‘noăng hơ’lâk [ă phon hưh cơ ki hiăng mơ-u\m, hngêi kơdrum pơxiâm po pông mơdâ hdrê. Klêi 1 măng t^ng, gá pơxiâm huăn ing tơnêi hơpok, loăng tơkâng gá chôa xông kân, hlá drêh  le\m ai eăng mâ hâi trâ khía pêi. Rêm hdroh troh lăm ngăn rơvât phon, kơ’nâi sap 80 troh 90 hâi (ngăn a tơrêm túa reăng, kong prâi), reăng lay ơn hiăng chiâng vâ hnêi xo. 

Vâ ai reăng pleăng a mâu hâi Têt, rơpo\ng ngoh Trung pêt 5 sao reăng lay ơn, mơnúa pêt a tơnêi 300m2 reăng ly. Tung pơla rak ngăn, ngoh bu tăng 2 ngế pêi tung môi hâi; rôh Têt thế tăng troh 12 ngế/hâi vâ pêi tơdroăng hnêi xo reăng, kơxu, ăm rơxế chơ. Reăng lay ơn hnêi xo tung pơla sap khế mơniâ khế 12, ki hên cho hnêi vâ tê a Hà Nội [ă rơxế hngiú ki kân hngăm 1,4 ta#n, rơxế mê xâu vâ chơ 80 rơpâu - 100 rơpâu tơkâng/môi hdroh prôk; klêi mê nếo djâ lăm chơ troh mâu kong pơlê môi tiah: Quảng Ngãi, Bình Định, Phú Yên, Khánh Hòa…

Tâng riân, rơpo\ng hngêi ngoh Trung tê châ xo dêi 30 rơtuh liăn/sao, klêi riân ah mâu kơxo# liăn ‘no hrê.

Ngoh Trung tối: ‘’Reăng lay ơn pêt a tơnêi prăng, kơpong tơnêi hngíu, ai kong tô reăng chiâng tâ pêt a kơpong tơnêi khêi, tơnêi rơbông pro ai prêi iâ há. Ki tơ-[rê dêi reăng châ mơhno ing ki hngăm dêi tung môi tơkâng, ki tơpo tơrêm tơkâng reăng, ki krá ton dêi reăng’’.

A thôn 4, tiô pôa Nguyễn Văn Long a troăng kân vâ lo a klâng An Phú, kân rơdâ, khía hngíu pro rơngiâp iâ drêng kong tô. Hiăng troh kơhâi dế la xuân ối krâm mơngế ki hnêi xo, rak ngăn kơchâi, reăng. Pôa Long ăm ‘nâi, tơnêi akố tơtro [ă pêt kơchâi reăng, hơ’leh pêt plâ hơnăm. Rôh Têt, a mâu [ăng tơnêi ki a‘ngêi, kuăn pơlê pêt reăng lay ơn, môi iâ reăng cúc ki malối vâi hmâ pleăng tung kơ’lo.

Prôk ngi cheăm Trà Đa, châ nâ Nguyễn Thị Quý, Kăn hnê ngăn Khu kuăn pơlê pêi chiâk cheăm djâ troăng ăm ngin troh a [ăng klâng pêt reăng kân rơdâ dêi cheăm. Trâm pôa Lê Đức Thắng thôn 5 châ kuăn pơlê a cheăm kố pơxá inâi ‘’pôa ki xiâm’’ pêt reăng lay ơn dêi cheăm. Pôa Thắng hơ’muăn: ‘’Lối 20 hơnăm hdrối, châ ngế ngoh ki rêh ối a Đà Lạt ăm pôm hdrê reăng [ă hnê túa pêt rak ngăn, a mơnúa pêt tung 1 sao reăng lay ơn. Ăm hlo hôm ‘nâng. A tơnêi nếo, reăng ki rêh lối 90%. Reăng xông dâi le\m, ki tơ-[rê gá ôh tá lo reăng‘’ dêi Đà Lạt’’. Mê chiâng po rơdâ pêt túa ki mê, pêt plâ hơnăm, hlối mơhnhôk hên kuăn pơlê ki ê veăng pêt‘’.

Reăng lay ơn oh tá pơrah tung tơdroăng ki pêt [ă tơdroăng rak ngăn, iâ tro hdrong kâ ‘nhiê. Laga, tâng kong prâi hơ’leh, kong pro tô iâ mê hmâ hlo apoăng khế 12 dâng péa pái hâi reăng hiăng tơpo vâ tơdrêng ôh tá ai troăng ki lâi vâ mơdât.

Ai reăng vâ pleăng tung rôh Têt hơnăm kố to a cheăm Trà Đa pêt 12,26 ha reăng lay ơn, tơku\m a 70 rơpo\ng dêi thôn 1 [ă thôn 5. To rơpo\ng hngêi pôa Đoàn Khắc Châu (thôn 1) mê pêt lối 2 ha reăng. Mâu rơpo\ng ki ê, môi tiah: Nguyễn Văn Thương, Mai xuân Thương (rơtế ối a tôh 1) pêt rêm rơpo\ng 5 sào. Rơnó hnêi xo, vâi chơ lăm tê a mâu tíu tê reăng a cheăm An Phú vâ djâ tê a Hà Nội [ă rơxế kân ki hngiú.

Kơxo# ki u ối, sap ing hâi xối pôa Mơhâu on (lơ 23/12), mâu ki lăm rôe reăng ing mâu kong pơlê achê ‘măn dêi rơxế kân a mâu troăng bê tông ki achê [ăng deăng pêt reăng, môi tuăn dêi rơpó pơkâ yă tê rôe tiô tơrêm hâi klêi mê tơku\m reăng chơ lăm tê. Iâ reăng kuăn pơlê tung kơpong kố ‘’châ tê a kơchơ’’ kơpong Plei Ku.

Tơdroăng cheăng pêt reăng Têt ôh tá xê rơnó tê reăng ki lâi xuân mơhúa, ai hơnăm ki ‘nâ tê tá ai yă ôh tá châ klâi, ai hơnăm ki ‘nâ mơhúa kân, la tơdroăng sôk ro djâ mâu kơpâu reăng veăng  hâk ro rơnó hơngui pro ăm kuăn pơlê a mâu pơlê ki pêt reăng a Plei Ku chiâng hmâ ta troh nôkố.

Hlá tơbeăng Gia Lai

Gương tơplôu [ă tơbleăng