VOV4.Xơ Đăng- Tơdroăng xôi kiâ “Jâ Xeăng U Lâm” dêi hdroâng kuăn ngo M’Nông cho vâ tối ‘na péa ngế kơnốu, môi ngế kro mơdrŏng ƀă môi ngế kơtiê xahpá ó khât. Ngế kơnốu ki kơtiê hiăng trâm Xeăng U Lâm, kơnôm châ Xeăng tŏng gum, hnê tối túa pêi cheăng kâ mê khoh chiâng kro mơdrŏng, ngế kơnốu ki kro mê, xuân tơbro ƀối tuâ ngế kơtiê klêi kơ’nâi rơkâu pâ 3 tơdroăng ki pói vâ dêi xeăng pơtroh ăm, mê ga hiăng chiâng mơngế kơtiê xahpá. Tơdroăng hơ’muăn tối mê xuân cho vâ pơtroh ki hnê tối pơchân, tŭm tơdroăng rêh kâ ối phâi tơtô, ai tŭm têk kế tơmeăm mê athế ing tơná kơhnâ mơ-eăm khât pêi hnoăng cheăng tơná, mê ga nếo chiâng ai.