VOV4.Sêdang - Pơreăng châi klêa chu châu Phi xuân cho tơdroăng ki mơnhâu kân khât ăm kơvâ păn mơnăn mơnôa a kong pơlê Dak Lak, kơvâ ngăn ‘na khăm pơlât mơnăn hiăng hlo ai 133 tíu ki tâ pơreăng [ă vâ chê 1 rơpâu 600 to ki hiăng pơreăng. Dak Lak thăm rế mơdêk túa hbrâ mơdât pơreăng, vâ khoh bê hơ’neh chu tê ăm mâu kơchơ tung pơla mâu khế mơ’nui hơnăm [ă Têt Lo hơnăm nếo.

Chiâng kơdrâ ngăn a mâu kơdroăng chu oh tá ai klâi dế xế puâ rơbông, jâ Phạm Thị Lợi, ối a tôh kơpho# Thống Nhât, pơlê kân Ea Pô], tơring C|ư Mgar, kong pơlê Dak Lak ăm ‘nâi: Kố cho hơnăm má 2 ki pơtối, mâu chu dêi rơpo\ng hngêi hlâ tâi. To lâi tơdroăng tơngah a chu tơmiêt kô châ tê dêi rôh Têt hiăng oh tá ai klâi. Jâ Lợi tối:

‘’Rôh apoăng nếo môi to chu kăn ga hiăng klêi kuăn oh tá vâ kâ hná, klêi mê thế pâk pơkeăng, klêi pâk  luâ hâi ki mê gá kâ hná, klêi mê ôh tá kâ hná xếo gá hlâ, tâi tâng mâu chu xuân ti mê, ôh tá vâ kâ hná klêi mê hlâ. Hơnăm nah xuân hiăng tro ti mê há, châ tơnêi têa kum iâ kơxo# liăn vâ rôe chu păn nếo pro hdrê păn ăm ai kuăn, nôkố oh tá ê, oh tá mơhúa ti mê, ‘nâi pro ti lâi’’.

Môi tiah jâ Lợi, rôh pơreăng kân ai inâi châi klêa chu châu Phi xuân hiăng pro tâi tâng 45 to chu dêi rơpo\ng hngêi ngoh Nguyễn Hồng Quân, ối a Buôn Bang, cheăm Ea Yông, tơring Krông Pac\. ‘’Pơreăng kân tâ tú hiăng luâ pro lu\p hên ăm rơpo\ng hngêi lối 130 rơtuh liăn [ă cho [ai hriâm ăm ‘nâi ki ôh tá mơhúa tung păn chu ki păn iâ.

‘’Tung mâu hâi apoăng chu oh tá vâ kâ hná, ton ing mê chu lo têa hế tơngê, châ chu pro vâ prâp, rế prâp klêi mê hlâ. Hâi apoăng hlâ 8 to, hâi má 2 hlâ 13 to, hâi má 4 hlâ tâi, tâi tâng hlâ 45 to. Klêi rôh chu tâ pơreăng mê rơpo\ng hngêi hiăng ‘nâi ví [ă hiăng mơdêk túa păn chu tro tiô kih thuât klêi mê xoh pơkeăng, xếo puâ a kơdroăng chu vâ tơniăn’’.

Rôh pơreăng châi klêa chu châu Phi tâ tú hên hiăng pro hlâ tâi tâng 45 to chu dêi rơpo\ng ngoh Nguyễn Hồng Quân

Tơring Krông Pac\ cho tơring ai kơxo# chu tro pơreăng prâu tâh hên má môi a kong pơlê Dak Lak tung hơnăm 2020. Bú tung 3 măng t^ng dêi khế 10, ai 38 to chu hiăng tâ pơreăng a 7/16 to cheăm, [ă 487 to chu tâ pơreăng [ă prâu tah. Pôa Phạm Bá Bàng, Ngế pơkuâ ngăn pơkeăng pơlât mơnăn tơring Krông Pac\ ăm ‘nâi, hlo rơ-iô dêi pơreăng, kơvâ ngăn pơlât mơnăn tơring hiăng ăm 200 lit pơkeăng xôh kơdê pơreăng vâ xôh a mâu kơdroăng păn [ă mâu tíu rơtâ tá, achê. Hlối mơdêk tơbleăng séa ngăn [ă hnê mơhnhôk kuăn pơlê mơgrúa kơdroăng păn chu tơniăn sinh hok, pêi pro ‘’5 tơdroăng ôh’’ tung tơdroăng hbrâ mơdât pơreăng.

‘’Khu ngăn pơkeăng pơlât mơnăn tơring hiăng tơbleăng tâi tâi thế xôh pơkeăng kơdê pơreăng a mâu kơpong ki dế tâ pơreăng [ă mâu kơpong ki tơ’lêi tâ tú hên. Khu ngăn pơkeăng pơlât mơnăn hiăng mơjiâng 2 khu tí tăng ‘nâi ple\ng mâu tơdroăng re\ng tối tơbleăng lăm troh séa ngăn vâ ‘nâi tơdroăng tâ tú dêi pơreăng châi klêa chu châu Phi pak^ng hnê tối ăm kuăn pơlê ‘na tơdroăng hbrâ mơdât pơreăng, tung mê ki hên cho xôh pơkeăng kơdê pơreăng [ă mơgrúa krúa kơdroăng chu vâ kơdroh pơreăng tâ tú’’.

Kăn [o# ngăn pơkeăng pơlât mơnăn tơring Krông Pac\ prâu tah chu tâ pơreăng

Kơ’nâi hên tơdroăng mơ-eăm hbrâ mơdât, pơreăng châi klêa chu châu Phi a Dak Lak hiăng rơh^ng, la 9 tơring ki ối ai pơreăng tâ tú hâi cheăm châ luâ 21 hâi. Pôa Thủy Lệ Vũ, Ngế pho\ pơkuâ tơdroăng cheăng tối:

Khu ngăn păn mơnăn kong pơlê Dak Lak ăm ‘nâi, klêi châ ‘nâi mâu tíu tâ pơreăng châi klêa chu châu Phi. Khu ngăn pơlât mơnăn ăm ‘nâi kơ’nâi mê tâng châ hlo ‘nâi tíu xiâm tâ tú pơreăng châi klêa chu châu Phi, Khu ngăn pơlât mơnăn hiăng mơjiâng mâu khu séa ngăn, hbrâ mơdât pơreăng tung kong pơlê; ăm 2.100 lit têa pơkeăng ăm mâu mâu Tíu ngăn khăm pơlât mơnăn vâ mơdât pơreăng.

Khu ngăn pơlât mơnăn hiăng hnê mơhno ăm mâu ngế cheăng khăm pơlât mơnăn a mâu cheăm pơtối lăm troh a tíu tâ tú pơreăng [ă pêi pro tơdroăng xoh pơkeăng kơdê pơreăng, xôh a tâi tâng kơpong păn chu dêi mâu rơpo\ng kuăn pơlêk păn rơtâ tá. Hlối mơdê hnoăng cheăng séa ngăn ‘na chơ djâ chu mot a mâu tơring cheăm ki ê. Tiô pôa Thủy Lệ Vũ tối, mâu troăng hơlâ pêi pro nếo tối kơpong mê cho tơdroăng ki hbrâ rơnáu tơdrêng tê, ki vâ ton ta ah, vâ kơvâ păn chu mơdêk krá tơniăn ton mê cho troăng hơlâ ki má môi cho păn tơniăn ‘na sinh hok.

‘’Khu ngăn ‘na pêi chiâk xuân hnê tối ăm mâu tơring cheăm malối 9 tơring ki tâ tú pơreăng hâi teăm luâ 21 hâi thế séa ngăn chu ki tâ pơreăng [ă hâi tâ pơreăng vâ ‘nâi  vâ ‘nâi  xiâm ki tơ’lêi tâ tú. Má 2, tâi tâng chu thế siê hơ’nêh a tíu chêh hơ’neh tơchoâm ai hlá mơ-éa khăm ngăn dêi kơ koan ngăn pơlât mơnăn [ă châ hnê mê nếo chiâng vâ lăm tê. {ă troăng hơlâ ki má môi xuân thế xôh pơkeăng kơdê pơreăng, pêi pro tio tơdroăng păn mơnăn krúa sinh hok mê nếo châ kơdroh ki tâ tú’’.

Hlo pơreăng châi klêa chu châu Phi tâ tú rơ-iô, kong pơlê Dak Lak thế mơ-eăm tâ kơ mê nếo tung la ngiâ vâ kâi mơdât pơreăng. Mơngế păn chu tung kong pơlê tơngah, tơdroăng păn hên chu tiô troăng hơlâ păn krúa sinh hok, kô pơtối rak vế ki tơ-[rê, ví trâm tơdroăng ôh tá mơhúa [ă pro pơxúa hên tơdroăng.

Nam Trang chêh

Gương tơplôu [ă tơbleăng