VOV4.Xơ Đăng - Hlo rế rơ-iô dêi pơreăng COVID-19, kong pơlê Dak Lak pơkâ mơ-dêk ki rơ-iô ƀă mơ-eăm pâk vaccine roh má pái ăm klêi tung pái khế apoăng hơnăm 2022. Tiô pôa Trịnh Quang Trí, Ngế pơkuâ Tíu xiâm séa ngăn mơdât pơreăng kong pơlê Dak Lak, nôkố kong pơlê nếo châ Khu xiâm ngăn pơkeăng pơlât kong pơlê Dak Lak nôkố kong pơlê nếo châ Khu xiâm ngăn pơkeăng xoăng 300 rơpâu klŏng vaccine hbrâ mơdât COVID-19.

Dak Lak mơ-eăm pê klêi rôh pâk vaccine má 3 tung pái khế apoăng hơnăm 2022

Vâ pro tơniăn ăm tâi tâng mâu ngế ing 18 hơnăm tơngi klêng tung kong pơlê châ pâk vaccine trum má 3, kong pơlê Dak Lak kal lối 1 rơtuh 200 rơpâu klŏng vaccine.

Ngăn tiô kơxô̆ vaccine châ xing xoăng ăm, kong pơlê kô tơbleăng pâk tiô pơkâ ing mâu ngế pêi hnoăng cheăng plâ mơdât pơreăng, mâu ngế kơpêng 50 hơnăm, mâu ngế tung châ ai tơdroăng châi ki ê troh mâu ngế ki ê. Vaccine pâk trum pơtối tơniăn tiô pơkâ pâk pơtối môi vaccine ƀă 2 trum vaccine ki hiăng pâk hdrối.

Gương tơplôu ƀă tơbleăng