VOV4.Sêdang - Drêng kong prâi ôh tá tơniăn, kuăn pơlê pêi chiâk deăng tung kong pơlê Dak Nông hiăng hbrâ hơ’leh hdrê pêt, kum pêi kâ châ tơniăn, châ tơƀrê cheăng kâ hên tâ. Tiô pôa Nguyễn Thiện Chân, Kăn phŏ pơkuâ kơ koan xiâm, Kơ koan mơnhông pêi chiâk deăng kong pơlê, mâu ƀăng loăng plâi châ hơ’leh ki hên tơkŭm a mâu tơring tơ’lêi ôh tá bê têa, kong tô khăng khoăng ó môi tiah Tuy Đức, Čư Jút, Krông Nô, Dak Mil.

A mâu kơpong ai ƀăng klâng hơ’leh pêi ki ê, vâi krâ kuăn pơlê pêi chiâk deăng châ mâu kơvâ pêi chiâk deăng tŏng kum, hnê mơhno kih thuât pêt ăm tơtro. Tâi tâng ƀăng tơnêi hơ’leh châ kuăn pơlê pêt mâu loăng iâ hâi ôh tá châ tơƀrê hên. 

Dế nôkố, Khu pơkuâ ‘na chiâk deăng – mơnhông thôn pơlê dế tơbleăng ăm Vi ƀan kong pơlê tơbleăng pơkâ ƀă mâu ngế ki hơ’leh hdrê pêt a ƀăng pêt báu hneăng hơnăm 2021 – 2025 ƀă pơkâ pêi troh hơnăm 2030.

A Sa Ly tơplôu ƀă tơbleăng