VOV4.Sêdang - Tiô Khu xiâm ngăn pêi chiâk deăng ƀă mơnhông thôn pơlê dêi kong pơlê Dak Nông, pơreăng êi kéa po pom a kơpôu ro hiăng hlo tâ tú a 15 to cheăm, pơlê kân dêi 5 tơring, mê cho: Krông Nô, Dak  Glong, Dak Rlấp, Dak  Mil  ƀă Cŭ Jut ai 230 to ro tâ pơreăng, tung mê 5 to hiăng hlâ, thế prâu tah, ƀă tâi tâng ki hngăm 343kg. Dak Nông nôkố ai 31 rơpâu 500 to ro ƀă 5 rơpâu 200 to kơpôu.

Dak Nông pơreăng êi kéa po pom a kơpôu ro tâ tú rĕng 

Nôkố dế cho rơnó mêi hngê, tơ’lêi pơreăng tâ tú, pơreăng êi kéa po pom tâ tú a kơpôu ro. Kơvâ ngăn ‘na chiâk deăng kong pơlê Dak Nông hiăng thế mâu tơring, cheăm séa ngăn đi đo vâ ‘nâi ‘na pơreăng tâ tú, hnê mâu rơpŏng ki păn kơpôu ro, mơdêk xúa mâu pơkâ mơgrúa lĕm kơdroăng, kơpôu ro, xôh pơkeăng kơdê pơreăng ƀă tơdroăng xo tơpoăng puâ ƀă xôh pơkeăng. Klêi mê pêi pro tơdrêng kơdê pơreăng, tí tăng ngăn rĕng châ ’nâi tiú xiâm ki tâ pơreăng nếo, vâ kơdê, vâ mơdât ôh tá ăm châ tâ tú troh lâp lu.

Gương tơplôu ƀă tơbleăng