VOV4.Sêdang - A kong pơlê Dak Nông, klêi to lâi hâi khế hmái hơtĭng tá tâng tối ‘na pơreăng, mê pơreăng châi klêa chu châu Phi pơtối vêh tâ tú nếo a mâu tơring, cheăm. Vâ mơdât pơreăng tâ tú troh lâp lu, mâu kăn, mâu kơ koan khu râ pơkuâ cheăng dế thâ pêi mâu tơdroăng hdró kơpong, prâu tah mâu chu tâ pơreăng. Nôkố Dak Nông hiăng ai 4 to tơring, mê cho: Tuy Đức, Dak Rlấp, Dak Glong, Dak Song hlo tâ pơreăng châi klêa chu Châu Phi. Tung mê, a tơring Dak Song hiăng ai 5 tíu tâ pơreăng a 5 to thôn 3 to cheăm Dak N’Drung, Dak Hòa ƀă Thuận Hạnh.

Prâu tah chu ki tro tâ pơreăng

Tíu tâ tú hên má môi  châ ‘nâi nôkố a mâu rơpŏng hngêi pôa Nguyễn Xuân Thủy ối a cheăm Quảng Khê, tơring Dak Glong lối 80 to chu tung mê hiăng ai 52 to chu hlâ. Kơvâ ngăn pơkeăng pơlât mơnăn hiăng xo mơheăm pơtroh ăm khăm ngăn hlo yương tĭnh ƀă pơreăng châi klêa chu Châu Phi. Troh nôkố a Dak Nông khu râ pơkuâ cheăng hiăng prâu tah lối 160 to chu ki tro tâ pơreăng ƀă ki hngăm dêi mâu chu mê vâ chê 5 rơpâu 800 kg.

Gương tơplôu ƀă tơbleăng