VOV4.Xơ Đăng - Hâi lơ 29/11, kong pơlê Gia Lai pơxiâm tơbleăng pâk vaccine COVID-19 dêi khu pro pơkeăng Pfizer - BioNTech ăm hok tro sap ing 12 troh pá xôp 17 hơnăm. Ki nhên dêi túa pơkâ dêi Khu hnê mơhno hbrâ mơdât pơreăng COVID-19 Gia Lai, lối 60.200 ngế vâi hdrêng sap ing 16 troh pá xôp 18 hơnăm tung lâp kong pơlê kô châ pâk hdrối. Tơdroăng ki pâk vaccine kô châ pêi pro a mâu tíu pơkâ tơniăn cho Hngêi pơkeăng cheăm bêng; mâu tíu ki pâk ukố umê a mâu hngêi trung hriâm, kơpong kơphô̆ ƀă a mâu thôn, pơlê a mâu kơpong hngế hngo.

Gia Lai: Pơxiâm pâk vaccine COVID-19 ăm hok tro sap ing 12 troh pá xôp 18 hơnăm

Tiô tối hdrối, klêi kơ’nâi pâk ăm mâu vâi hdrêng ki kố, kong pơlê Gia Lai kô pơtối tơbleăng pâk ăm lối 113.200 ngế vâi hdrêng sap ing 12 troh 16 hơnăm. Kơtăn pơla 2 trum vaccine cho sap ing 3 troh 4 măng tĭng. Khu hnê mơhno cheăng hbrâ mơdât pơreăng COVID-19 Gia Lai pơkâ thế mâu tơring, cheăm tơbleăng pâk vaccine ăm vâi hdrêng, mơ-eăm pâk tâi, pâk tŭm vaccine ăm mâu vâi hdrêng 12 hơnăm troh pá xôp 18 hơnăm tung hơnăm 2021.

Katarina Nga tơplôu ƀă tơbleăng