Mâu hơnăm hdrối nah, kơdrum ki pêt yâu tây dêi nâ Vũ Thị Huế, a bêng 8, pơlê kong kơdrâm Đà Lạt, kong pơlê Lâm Đồng đi đo rak tơniăn tơdroăng ki tê plâi ăm tơmối [ă cho tíu ki tơ’mot hên tơmối troh ôm hyô ngăn. Mâu tơdroăng rêh ối dêi rơpo\ng pơrá pêi lo liăn ing mê. Laga, sap ing ai pơreăng Covid-19 tâ tú troh nôkố, yă tê yâu tây [ă kơxo# tơmối troh ôm hyô ôh tá tơniăn, kơxo# liăn pêi lo tro kơdroh, rak vế pêt mơjiâng dêi rơpo\ng trâm hên xơpá.

Nâ Huế dế tăng ‘nâi mâu tơdroăng ki ăm mung liăn kơjo kum sap ing hngêi rak liăn vâ ‘mâi pêt loăng plâi kố:

‘’Rêm hâi loăng yâu pơrá athế rak ngăn, athế ai trếo kơhiâm mê nếo xông kân le\m, xua mê pêi lo liăn kơdroh la á xuân ối ‘no liăn rak ngăn. Xua mê, xuân rơhêng vâ Tơnêi têa ai troăng hơlâ to\ng kum ăm vâi krâ nho\ng o kuăn pơlê ki pêi chiâk deăng. ‘No liăn môi kơdrum pêi chiâk deăng kố gá hên khât, xuân môi tiah hdrê mâu kế tơmeăm xúa tung pêi chiâk deăng pơrá hên’’.

Xuân môi tiah nâ Huế la ngoh Nguyễn Phú Dũng a cheăm Ninh Gia, tơring Đức Trọng, kong pơlê Lâm Đồng hiăng re\ng châ mung liăn kơjo kum liăn liah rơpâ. Kơnôm ing kơxo# liăn mung kố, ngoh hiăng hơ’leh châ tơ-[rê [ăng tơnêi pêt kơphế ki hiăng krâ châng pêt plâi sầu riêng [ă apoăng hiăng châ pêi lo liăn. Laga, vâ pơtối po rơdâ túa pêt, hơ’leh [ăng tơnêi ki u ối, ngoh Dũng xuân dế chêh pro mâu hlá mơ-éa vâ châ mung liăn dêi hngêi rak liăn [ă laih rơpâ tơtro.

‘’To lâi hơnăm vêh ngi kố kơphế tê ôh tá ai yă, kuăn pơlê ngin xuân hơ’lêh pêt mâu hdrê loăng ki ê môi tiah sầu riêng. Ki châ mê cho kơxo# liăn dêi hngêi rak liăn pêi pro châ tơdroăng ki rơhêng vâ dêi kuăn pơlê mê maluâ xơpá mê xuân tơkâ luâ, ‘no liăn roê phon, hnoăng cheăng ngăn hên tơdroăng mê ngăn tơdjuôm hlo tơniăn’’.

Tíu pêi cheăng dêi hngêi rak liăn Tơnêi têa a kong pơlê Lâm Đồng, tâi tâng kơxo# liăn mơhnhôk dêi mâu hngêi rak liăn tê mơdró [ă mâu khu tơru\m ăm mung tung kong pơlê châ vâ chê 62 rơpâu rơtal liăn, tâk 7,3% tâng vâ pơchông [ă mơ’nui hơnăm nah. Kơxo# liăn che\n ăm mung vâ chê 107 rơpâu rơtal liăn, tâk 4,5% tâng vâ pơchông [ă mơ’nui hơnăm 2019. Tơdroăng ki tâk kố xua mâu khu tơru\m ăm mung pơtối pêi pro mâu troăng hơlâ ăm mung kum pêi cheăng kâ tê mơdró to\ng kum mâu khu mơdró kâ pêi chiâk deăng [ă kuăn pơlê ki pêi chiâk deăng ‘mâi mơnhông ki tro lu\p xua tơdjâk ing pơreăng Covid-19.

Pôa Trương Quốc Thụ, kăn pơkuâ Hngêi rak liăn Tơnêi têa Việt Nam, tíu cheăng a kong pơlê Lâm Đồng ăm ‘nâi, nôkố mâu hngêi rak liăn hiăng ‘mâi mơnhông hâi khế mơdrếo che\n, kơdroh liăn laih vâ to\ng kum tơdrêng ăm kuăn pơlê. Tơdrêng amê hnối mơdêk tơdroăng ki ‘no liăn ăm mung vâ kum ăm tơdroăng kơdroh kơtiê re\ng [ă krá tơniăn a kong pơlê. Mâu kơxo# liăn mung kơjo kố veăng kum mâu khu mơdró kâ pêi chiâk deăng [ă kuăn pơlê tung kong pơlê ai liăn vâ ‘no cheăng, tơniăn pêt mơjiâng kế tơmeăm klêi kơ’nâi mâu tơdroăng xơpá xua mâu rôh pơreăng xông tâ tú.

‘’Mâu kuăn pơlê kô châ pêi pro môi tung pái tơdroăng, mê cho: môi cho rak vế tơdroăng ki pơkâ tơ’nôm hâi khế mơdrếo che\n, péa cho kơdroh tê kơtê liăn laih; má pái cho rak vế khu ki che\n. Tung 3 troăng hơlâ kố, troăng hơlâ ki pơkâ tơ’nôm hâi khế mơdrếo che\n [ă kơdroh tê kơtê liăn laih kô châ pêi pro [ă mâu kơxo# liăn tro tơdjâk xua pơreăng Covid-19. Ngin pơkâ thế tơdrêng mâu hngêi rak liăn, mâu khu ki rak liăn ăm mung athế ai troăng hơlâ tối tơbleăng tơdrêng mâu tơdroăng ki kal hiăng châ hngêi rak liăn tơnêi têa pơkâ tung tơdroăng pơkâ 2019’’.

Nôkố pêi chiâk deăng [ă uâ pơliê mâu kế tơmeăm pêi lo ing chiâk deăng dêi Lâm Đồng dế ‘mâi mơnhông, kuăn pơlê [ă mâu khu mơdró kâ ki pêi chiâk deăng dêi kong pơlê dế ‘mâi mơnhông xơpá. Kơxo# liăn mung cho ivá kum ki kal rơtế prôk [ă mâu ngế ki pêt mơjiâng kế tơmeăm vâ tơkâ luâ xơpá, mơ-eăm tơniăn tung cheăng kâ [ă tơdroăng rêh ối’’.

Xua tơdjâk dêi pơrea\ng Covid 19, tơdroăng mơjiâng pro kế tơmeăm khoăng dêi kuăn pơlê pêi chiâk deăng dêi kong pơlê Lâm Đồng trâm hên pá puât, tơdrêng amê hnoăng dêi mâu khu ăm mung liăn [a\ mâu kơxo# liăn mung ki kơjo hiăng [a\ dế kum kuăn pơlê pêi chiâk deăng chôa ‘lâng tơkâ hluâ pá puât. Rơtế [a\ tơdroăng mê, mâu khu râ, mâu kơvâ cheăng dêi kong pơlê Lâm Đồng xuân thăm mot pêi cheăng, tung mê [a\ hnoăng dêi tơná, Khu pơkuâ kuăn pơlê pêi chiâk deăng kong pơlê Lâm Đồng hiăng [a\ thăm po rơdâ hên troăng pêi vâ to\ng kum kuăn pơlê pêi chiâk deăng tơniăn mơjiâng pro kế tơmeăm khoăng [a\ tơdroăng rêh ối.

Ngế chêh hlá tơbeăng dêi Rơ’jíu Việt Nam ai roh kơ-êng pôa Đa Cát Vinh, Kăn hnê ngăn Khu kuăn pơlê pêi chiâk deăng kong pơlê Lâm Đồng ‘na tơdroăng kố.

-Ô pôa, tung roh pơrea\ng Covid 19, tơdroăng pá má môi [a\ kuăn pơlê pêi chiâk deăng cho ki klâi?

Pôa Đa Cát Vinh: Apoăng hơnăm 2020 troh nôkố tơdroăng pá puât ăm lâp tơnêi têa tối tơdjuôm [a\ dêi kong pơlê Lâm Đồng tối krê, ki má lối cho tung kơvâ mơjiâng pro kế tơmeăm khoăng pêi lo ing chiâk deăng dêi kuăn pơlê pêi chiâk deăng xua tơdjâk dêi pơrea\ng Covid 19. Tung mê, tơdroăng ki tê kế tơmeăm, tíu tê dêi tơmeăm pêi lo ing chiâk deăng dêi kuăn pơlê pêi chiâk deăng cho ôh tá tơniăn má môi.

-Khu pơkuâ kuăn pơlê pêi chiâk deăng kong pơlê Lâm Đồng hiăng ai troăng ki lâi vâ kum kuăn pơlê pêi chiâk deăng tơniăn pêi kâ, tơkâ hluâ pá puât kố, ô pôa?

Pôa Đa Cát Vinh: Khu pơkuâ kuăn pơlê pêi chiâk deăng Lâm Đồng xuân kơhnâ tung tơdroăng veăng to\ng kum kuăn pơlê pêi chiâk deăng pro tiah lâi kơdroh mâu tơdroăng pá puât xua tơdjâk dêi pơrea\ng Civid 19. Mê cho tơdroăng pơtâng tối Khu tơru\m pêi chiâk deăng; to\ng kum ăm kuăn pơlê pêi chiâk deăng mâu tơdroăng pêi, tơdroăng tơkêa bro xua Khu pơkuâ kuăn pơlê pêi chiâk deăng pêi pro ing kơxo# liăn to\ng kum kuăn pơlê pêi chiâk deăng, ing kơxo# liăn pơcháu ăm dêi Hngêi arak liăn kum rêh ối pơlê pơla, tơru\m [a\ hngêi arak liăn kum tung pêi chiâk deăng [a\ mơnhông thôn pơlê vâ kuăn pơlê pêi chiâk deăng châ mung liăn vâ mơ’no liăn mơnhông pêi kâ, tah lôi mâu tơdroăng pá puât xua tơdjâk dêi pơrea\ng Covid 19.

Thăm pêi tâ mê nếo tung tơdroăng pơtâng tối mơhnhôk Khu pơkuâ kuăn pơlê pêi chiâk deăng tung mâu tơdroăng ki tơru\m mơjiâng pro kế tơmeăm khoăng, mơjiâng mâu khu tơru\m cheăng, thăm mơnhông tung tơdroăng mơjiâng mâu chi ho#i, khu pêi môi tơdroăng cheăng, kuăn pơlê pêi chiâk deăng tơru\m [a\ dêi pó vâ tơdroăng tê tơmeăm khoăng pêi lo ing chiâk deăng châ tơ’lêi hlâu [a\ kơnâ yă tâ.

-Ô pôa, tung mâu troăng pêi mê, tiô pôa mê alâi cho troăng pêi ki kal tơtro\ng má môi [a\ xua ti lâi?

Pôa Đa Cát Vinh: Tơdroăng cheăng dêi Khu pơkuâ kuăn pơlê pêi chiâk deăng po rơdâ ăm kuăn pơlê pêi chiâk deăng cho hên laga tơdroăng pơtâng tối, mơhnhôk xuân cho tơdroăng ki kal má môi. Xua tơdroăng pơtâng tối, mơhnhôk châ ngăn cho troăng rơdâ troh tâi tâng vâi krâ kuăn pơlê tung tơmâng xo, châ ‘nâi mâu tơdroăng dêi Đảng, Tơnêi têa [a\ mâu tơdroăng xiâm xua Khu mơhnhôk. Mâu troăng pêi ki ê xuân kal laga ôh tá châ rơdâ, ôh tá châ hên ngế, ôh tá châ Khu mơngế pêi chiâk deăng lâp kong pơlê châ pơxúa, bu mơhno troăng vâ po rơdâ.

Xua mê, tiô á tơdroăng pơtâng tối, mơhnhôk cho troăng pêi ki tơtro nôkố vâ pro ti lâi mơdêk hlê ple\ng dêi kuăn pơlê tung tơdah troăng hơlâ pơkâ pêi tiô, troăng hơlâ dêi Đảng, troăng hơlâ, luât dêi Tơnêi têa, ki má lối cho tung kơvâ pêi chiâk deăng, kuăn pơlê pêi chiâk deăng [a\ thôn pơlê.

-Ô pôa, drêng ai pơrea\ng Covid 19 xông tâ tú, pôa hôm ai rơkong pơchân tối troh vâi krâ há?

Pôa Đa Cát Vinh: Pin tá hâi ‘nâi pơrea\ng Covid 19 hôm ai xông tâ tú nếo há lơ ôh [a\ drêng lâi, xua mê kuăn pơlê pêi chiâk deăng ahdrối thế pêi pro tơtro mâu pơchân dêi mâu kơ koan cheăng, mê cho hbrâ xêh tung tơdroăng hbrâ mơdât pơrea\ng. Khu pơkuâ kuăn pơlê pêi chiâk deăng xuân pói vâ kuăn pơlê pêi chiâk deăng pin ôh tá tô tuăn, thế mơ-eăm tâ mê nếo, pêi kơhnâ tâ mê xếo, hbrâ tung tơdroăng mơ’no liăn mơnhông pêi kâ.

Thăm mơjiâng mâu túa cheăng, mâu khu tơru\m cheăng, mâu khu tơru\m cheăng ki tơru\m mơjiâng pro kế tơmeăm khoăng vâ tơniăn tíu tê tơmeăm pêi lo ing chiâk deăng dêi tơná.

-Ê, mơnê kơ pôa!

A Sa Ly – Katarina Nga tơplôu [a\ tơbleăng