Tơdah ngin tung hngêi trăng ki krúa le\m, kân rơdâ [ă hên h^n kế tơmeăm apoăng rơnó hơngui, nâ Ka Hằng ối a pơlê Darahoa, cheăm Hiệp An, tơring Đức Trọng, kong pơlê Lâm Đồng ai tối, hơnăm ki lâi rơpo\ng xuân tơku\m po tơdah phiu ro Têt tiô khôi hmâ, la Têt pơla hdrối kố nah ga roh tâ. Tiô tơdroăng tối tơno dêi nâ Ka Hằng, kăn rơpo\ng hngêi kố, 3 sào tơdế kơchâi ki pêt hên hdrê dêi rơpo\ng hiăng châ re\ng tê, mơhúa yă chía kơnâ, mê nâ châ xo dêi tơkâ châ lối 90 rơtuh liăn. 1 sao reăng xuân hiăng tơpo tro rơnó vâ châ tê ăm khu mơdró, 2 ha kơphế xuân plâi hên. Ing mâu tơdroăng ki tơ-[rê mê, tiô nâ Ka Hằng tối, xua mơhúa, ki xiâm mê cho túa ki pêi nếo, ai xúa khoa hok kih thuât, châ hlê ple\ng nhên tơdroăng ki kal vâ dêi kơchơ:

‘’Hdrối nah, tơdroăng rêh ối ôh tơniăn môi tíu, xua mê, ai drêng hrâ, drêng kơklêa, pêi kâ ôh tá bê tu\m, nôkố, pêi cheăng kâ hiăng tơniăn, malối, pêt reăng, pêt kơchâi krúa mê tơdroăng rêh kâ ối hiăng chía tơniăn, ti xê to bê kâ mê ối rơlối vâ kơd^ng ‘măn. Tâng vâ tối, to lâi hơnăm achê pơla kố, tơdroăng rêh kâ ối dêi kuăn pơlê a tíu kố hiăng châ mơnhông. Troh hâi Têt vâi krâ-nho\ng o tơku\m tơdah Têt, xah hêi rơnó hơngui ro rih’’.

Tiô pôa K’Rôt, Kăn pơkuâ cheăng măt tra#n thôn Klong, cheăm Hiệp An, xua hdrối nah tá hâi hbrâ ahdrối tung pêi chiâk deăng, ki xiâm bu kơnôm to báu [ă kơphế ki châ krí xo dêi 1 hơnăm môi hdroh, mê tơdroăng pêi kâ dêi kuăn pơlê ôh tá kâi châ tơtêk. Sap ing hơnăm ki tah lôi tơdroăng pêt báu klâng, hơ’leh hdrê pêt, hdrê păn, pêi kâ tiô túa kơmăi kơmok, ki xiâm cho pêt reăng [ă kơchâi, châ tê dêi tơmeăm, mê tơdroăng rêh kâ ối chía hiăng tơtêk tâ, tơmeăm ki kuăn pơlê pêi lo tê xuân châ yă tơtơniăn há.

Hơnăm nah, kơnôm ‘nâi pêi kâ tơru\m, châ mơ’no tê dêi kế tơmeăm tơniăn, mê tơdroăng pêi cheăng kâ khoh châ tơtêk hên ‘nâng tâng vâ pơchông ngăn [ă mâu hơnăm hdrối nah.

‘’Sap ing hơ’leh pêt kơchâi, klêi mê pêt reăng mê tơdroăng rêh kâ ối dêi kuăn pơlê a thôn Klong hiăng chía tơtêk hên luâ tâ hdrối nah. Tơdroăng pêi cheăng kâ tơniăn mê kế tơmeăm pêi lo [ă hiâm tuăn dêi kuăn pơlê xuân hơ’leh. Krê tung pơla mâu hâi Têt kố nah, vâi krâ nho\ng o hơniâp ro, sôk suâ ‘nâng xua kơchâi reăng châ tê ai yă, xua mê, hên rơpo\ng hngêi khoh tơku\m ôu kâ, hâk phiu tơniăn, hngêi trăng ki lâi xuân hbrâ rôe xêh kế tơmeăm kâ, têa ôu vâ tơdah nho\ng o, hdroâng hdrê tung pơlê pơla. Tơdroăng tơdah rơnó hơngui dêi pơlê cheăm hơniâp ro, tơniăn, phiu niu [ă niân ro tung hơnăm nếo’’.

Pôa K’Bưu, Kăn pho\ hnê ngăn hdroâng kuăn ngo tơring Đức Trọng tối ăm ‘nâi, ti xê to cheăm Hiệp An mê tơdroăng rêh kâ ối dêi mâu hdroâng kuăn ngo a mâu cheăm NThôl Hạ, Dà Quyn, Tà Hine, Ninh Gia, Phú Hội, Tân Hội, Tân Thành [ă hên pơlê cheăm ki ê dêi tơring Đức Trọng pơrá hiăng châ tơtêk nếo, tơniăn luâ tâ mâu hơnăm hdrối nah. Tiah mê, kơxo# rơpo\ng kơtiê cho hdroâng kuăn ngo tung tơring hiăng kơdroh hên, bu ối 1,84%, kơxo# rơpo\ng kro rế hía rế hên.

Khoh châ ai tiah mê, kơnôm tơdroăng pơkuâ ngăn, to\ng kum dêi Đảng [ă Tơnêi têa ‘na rêm tơdroăng cheăng, tơdrêng [ă tuăn hiâm kơdo mơ-eăm vâ mơnhông hơ’leh tơdroăng cheăng kâ dêi kuăn pơlê.

‘’Dế nôkố, vâi krâ-nho\ng o hdroâng kuăn ngo hiăng kơhnâ khât, tí tăng ‘nâi ple\ng, hriâm ki rơkê ple\ng dêi khoa hok kih thuât tung pêi chiâk deăng, maluâ pêi chiâk deăng tiô túa ki nếo. Ing mê, tơdroăng rêh kâ ối dêi kuăn pơlê hiăng tơniăn [ă mơnhông hên luâ tâ mâu hơnăm hdrối nah. Ki rơhêng vâ tối, tung mâu hơnăm achê pơla kố, vâi krâ hiăng kơhnâ khât tung veăng mơjiâng thôn pơlê nếo, mơjiâng hngêi trăng, troăng klông, tơdroăng rêh kâ ối mơhno túa le\m tro, tuăn mơno dêi kuăn pơlê hiăng hlê ple\ng khât.

Tuăn mơno ôh tá xê tơkôm tơngah to tơnêi têa, mê vâi krâ hiăng rơkê khât tung pêi chiâk deăng, pêi lo kế tơmeăm, liăn ngân, mơnhông cheăng kâ tiô túa nếo’’.

Kơ’nâi Đơn Dương, Đức Trọng cho tơring hiăng plah inâi thôn pơlê nếo má 2 dêi kong pơlê Lâm Đồng, [ă kơxo# liăn pêi lo châ 81 rơtuh liăn 1 ngế 1 hơnăm, hngêi trăng, troăng klông, kơdrum chiâk deăng [ă rêh kâ ối dêi kuăn pơlê hiăng tơtêk ó khât. Kố cho ki xiâm, ki kal dêi kuăn pơlê akố tối tơdjuôm [ă hdroâng kuăn ngo dêi tơring Đức Trọng tối krê chôa mơdêk rêh ối, pêi cheăng kâ.

Quang Sáng chêh

Nhat Lisa tơplôu [ă tơbleăng