VOV4.Xơ Đăng - Cho kong pơlê ki ối má môi kơpong Tây Nguyên ‘na tơdroăng pâk vaccine hbrâ mơdât COVID-19, kong pơlê Dak Nông hiăng kêi đeăng tơdroăng pâk trum má péa ăm rơxông hơnăm 12 troh 17 hơnăm, ƀă nôkố dế thâ rĕng pâk trum má 3 ăm mơngế lối 18 hơnăm. Kơxô̆ mơngế châ pâk hên hiăng kum kơdroh hlâ mơngế xua COVID-19 a Dak Nông ối tung khu ki iâ má môi lâp tơnêi têa.

Kơxô̆ mơngế hlâ xua COVID-19 a Dak Nông ối tung khu ki iâ má môi lâp tơnêi têa

Troh nôkố, lâp kong pơlê hiăng pâk kêi trum má 2 vaccine hbrâ mơdât COVID-19 ăm mơngế sap ing 18 hơnăm tơngi klêng, ƀă pâk trum má 2 ăm vâi hdrêng sap ing 12 – 17 hơnăm châ lối 96%. Măng tĭng hdrối, kong pơlê hiăng tơdah 110 rơpâu kung kếo vaccine tŭm túa vâ pơtối pâk trum má pái ăm kuăn pơlê. Xêo troh hâi lơ 13/1, kong pơlê Dak Nông hiăng châ hlo 6.553 ngế tro tâ COVID-19, tung mê tâi tâng hiăng pơlât prêi; bu ai 15 ngế hlâ.

A Sa Ly tơplôu ƀă tơbleăng