VOV4.Xơ Đăng - Tiô tơdroăng ăm ‘nâi sap ing Khu hnê mơhno cheăng tơnêi têa ‘na hbrâ mơdât pơreăng COVID-19 dêi Vi ƀan hdroâng kuăn ngo, chêh tơkŭm sap ing rôh pơtê Têt Lo hơnăm nếo troh nôkố, lâp tơnêi têa ai lối 66.460 ngế hdroâng kuăn ngo tâ pơreăng COVID-19. Ki nhên, kơpong Tây Nam bộ ai lối 5.200 ngế, peăng tơdế tơnêi têa ƀă Tây Nguyên ai dâng 16.300 ngế, Pơlê kong kân Hồ Chí Minh – Đông Nam bộ ai lối 42.200 ngế,....

Mâluâ mâu kong pơlê hiăng xúa hên troăng hơlâ pêi pro tơtro, rak tơniăn, rơkê ƀă hbrâ mơdât pơreăng, la tơdroăng kố hiăng tơdjâk troh tơdroăng rêh ối dêi kuăn pơlê ki hdrối nah hiăng xơpá mê nôkố rế xơpá tâ. ‘Na ki ton xŏn hên kong pơlê trâm hên xơpá tung tơdroăng ki tŏng kum tơdroăng cheăng pêi ăm mâu ngế pêi cheăng, malối cho mâu ngế pêi cheăng cho rơpŏng kơtiê, rơpŏng kuăn pơlê hdroâng kuăn ngo xua tơdjâk dêi pơreăng COVID-19 ton hơnăm.

Katarina Nga tơplôu ƀă tơbleăng