VOV4.Sêdang - A kong pơlê Kon Tum tâi tâng hiăng ai lối 650 ha pôm loăng a 6 tơring, pơlê kong kơdrâm, mê cho: Sa Thầy, Đăk Tô, Kon Plông, Kon Rẫy, Ngọc Hồi ƀă pơlê kong kơdrâm Kon Tum tro pơreăng pro po pom hlá xua virus ƀă pro ŭm rêi. Hlo ti mê mâu kăn ƀă kơvâ ngăn ‘na chiâk deăng mâu tơring, pơlê kong kơdrâm ki ai tơnêi pêt pôm loăng tro pơreăng kâ ’nhiê thế hbrâ pêi pro hên tơdroăng vâ kơdê, mơdât pơreăng ôh tá ăm tâ tú.

Mâu pôm loăng tro pơreăng kâ ‘nhiê po pom hlá thế pui chôu tah

Tơdrêng ƀă tơdroăng pui tah pôm, prâu tah kông pôm, a mâu tơring, pơlê kong kơdrâm dêi kong pơlê Kon Tum ai tơnêi pôm loăng tro pơreăng kâ ‘nhiê po pom hlá xua virus  mê cho tơring Sa Thầy, Đăk Tô, Kon Plông, Kon Rẫy, Ngọc Hồi, pơlê kong kơdrâm Kon Tum, Kơvâ ngăn ‘na chiâk deăng ƀă kuăn pơlê ƀă mơngế kuăn pơlê xuân hiăng xôh pơkeăng kơdê ôa hdrong ki rơbông mơdât pơreăng tâ tú .

‘Na ki ton ta ah, mâu kăn mâu tơring, pơlê kong kơdrâm hiăng ai pơkâ nhên  ƀă tơnêi lối 650 ha ki pêt pôm loăng tro ôa hdrong pro po pom hlá xua virus ƀă pro ŭm xiâm rêi.

Gương tơplôu ƀă tơbleăng