VOV4.Sêdang - Mâu kăn ƀă khu râ kơvâ ngăn ‘na chiâk deăng Kon Tum xuân dế thâ pêi mâu tơdroăng mơdât lơ răng hlâ loăng plâi xua kong tô mơdrăng. A cheăm tơkăng kong Rờ Kơi, tơring Sa Thầy, kong pơlê Kon Tum ai 70 ha báu klâng rơnó xeăng tô, rơtế ƀă lối 2 rơpâu ha loăng plâi ton hơnăm tŭm túa.

Vâ bê têa tôh ăm mâu klâng deăng pêt báu, loăng plâi mê, cheăm ai 9 to rơchôa ki hên cho rơchôa kâng têa. Mâu kăn cheăm hiăng mơjiâng 8 tôh hnê mơhno mơ’no têa a mâu rơchôa vâ xúa têa ‘nâi kơdĭng, ăm tơ-ƀrê. Lâp kong pơlê Kon Tum nôkố ai 178 to rơchôa kâng têa, bê têa tôh va achê 11 rơpâu ha loăng plâi ki hên cho báu klâng bă loăng plâi.

Hbrâ têa vâ tôh báu loăng plâi pêt tung rơnó mơdrăng a tơring Đắk Hà

Troh apoăng khế 3 kố nah mâu rơchôa mê xuân bê têa toh ăm loăng plâi. La tâng kong tô mơdrăng ton ta troh mơ’nui khế 3 apoăng khế 4 tơdroăng ôh tá bê têa kô hlo ai ƀă dâng 1 rơpâu ha loăng plâi ki pêt hên a mâu tơring: Sa Thầy, Đăk Hà, Kon Rẫy ƀă pơlê kong kơdrâm Kon Tum.

Gương tơplôu ƀă tơbleăng