VOV4.Sêdang - Ƀă tâi tâng ƀăng deăng kơphế tê mơdró lối 23.200 ha, rơnó krí kơphế hơnăm kố tâi tâng kơxô̆ kơphế dêi kong pơlê Kon Tum tiô tối hdrối châ lối 61.700 tâ̆n kơphế pơ’leăng hên tâ rơnó hơnăm nah. Tung pơla pơreăng COVID-19 xông tâ tú, mơhé yă kơphế dế tâk, laga mơngế pêi kơphế a Kon Tum xuân tô tuăn ăm tơdroăng tê kơphế ki má lối cho mâu khu tê mơdró rôe, uâ mơdiê ối ai kơphế tung hnôu sap ing rơnó hdrối.

Pêi lo kơphế krúa lĕm a tơring Đăk Hà, kong pơlê Kon Tum

Drêng ai tơdroăng kố, Kơ koan xiâm mơnhông mơdêk thôn pơlê kong pơlê Kon Tum hiăng mơjiâng tôh pêi cheăng hnê mơhno pêi pêt rak ngăn ƀă tơdjêp tê tơmeăm pêi lo ing chiâk deăng. Krê ƀă tơdroăng tê kơphế ăm kuăn pơlê pêi chiâk deăng rơnó krí kơphế la ngiâ, tíu cheăng hiăng hbrâ mơjiâng pơkâ pêi, thăm tơbleăng, tơdjêp tăng tíu tê ăm kơphế.

A Sa Ly tơplôu ƀă tơbleăng