VOV4.Sêdang - Klêi lối 1 khế hlo pơreăng tâ tú, troh nôkố pơreăng êi kéa po pom a kơpôu ro, a kong pơlê Kon Tum hiăng tâ tú troh lâp lu. Lâp kong pơlê ai 308 rơpŏng kuăn pơlê păn a 76 thôn, pơlê dêi 31 to cheăm, ối tung 7/10 tơring, pơlê kong kơdrâm ai lối 400 to kơpôu, ro tro tâ pơreăng. Hlo tơdroăng ki tâ tú rĕng dêi pơreăng, a 2 tơring dêi kong pơlê cho Ngọc Hồi prếi Đăk Hà hiăng tơbleăng ai pơreăng tơdrêng amê hnối tơbleăng mâu troăng hbrâ mơdât pơreăng tiô pơkâ.

Kăn ƀô̆ pơlât mơnăn pơlê kong kơdrâm Kon Tum hnê kuăn pơlê rak ngăn, pơlât ro ki tro pơreăng êi kéa po pom

Vâ kơdroh ki tro lŭp ‘na liăn ngân ăm mâu ngế ki păn, ai kơpôu, ro tâ pơreăng êi kéa po pom, kơvâ păn mơnăn kong pơlê Kon Tum kơdroh tơdroăng ki prâu tah, tơkŭm tung tơdroăng pơlât, pâk vaccine hbrâ mơdât pơreăng. Troh nôkố, lâp kong pơlê bu nếo ai 10 to ro tâ pơreăng athế prâu tah, kơxô̆ kơpôu ro pơlât prêi ai 48 to ƀă lối 370 to ki u ối dế pơtối châ pơlât.

Katarina Nga tơplôu ƀă tơbleăng